| Library / Tipiṭaka / ཏིཔིཊཀ • Tipiṭaka / ཝཛིརབུདྡྷི-ཊཱིཀཱ • Vajirabuddhi-ṭīkā |
༡༠. ཙཱིཝརཱཔནིདྷཱནསིཀྑཱཔདཝཎྞནཱ
10. Cīvarāpanidhānasikkhāpadavaṇṇanā
༣༧༩. དསམེ ཡསྨཱ ནིསཱིདནསནྠཏཾ ཙཱིཝརནིསཱིདནམྤཱིཏི ཨུབྷཡམྤི སདསམེཝ, ཏསྨཱ ཏཾ ཨུབྷཡམྤི ཨེཀཏོ ཀཏྭཱ ‘‘ནིསཱིདནཾ ནཱམ སདསཾ ཝུཙྩཏཱི’’ཏི ཨཱཧ། ཏཏྠཱཔི ཙཱིཝརགྒཧཎེན ཙཱིཝརནིསཱིདནཾ གཧིཏམེཝཱཏི ཨཏྠཏོ སནྠཏནིསཱིདནམེཝ ཝུཏྟཾ ཧོཏི། ཡདི ཨེཝཾ ‘‘ནིསཱིདནསནྠཏཾ ནཱམ སདསཾ ཝུཙྩཏཱི’’ཏི ཝཏྟབྦནྟི? ན, ཨིཏརསྶ ཨནིསཱིདནཨདསབྷཱཝཔྤསངྒཏོ། ཨེཏྠ ནིསཱིདནསནྠཏསྶ པཱཙིཏྟིཡཝཏྠུཏྟཱ ཨིཏརམྤི པཱཙིཏྟིཡཝཏྠུམེཝཱཏི ཝེདིཏབྦཾ ཏཛྫཱཏིཀཏྟཱ། སསྶཱམིཀེ སཱུཙིགྷརེ སཱུཙིགཎནཱཡ ཨཱཔཏྟིཡོཏི པོརཱཎཱ།
379. Dasame yasmā nisīdanasanthataṃ cīvaranisīdanampīti ubhayampi sadasameva, tasmā taṃ ubhayampi ekato katvā ‘‘nisīdanaṃ nāma sadasaṃ vuccatī’’ti āha. Tatthāpi cīvaraggahaṇena cīvaranisīdanaṃ gahitamevāti atthato santhatanisīdanameva vuttaṃ hoti. Yadi evaṃ ‘‘nisīdanasanthataṃ nāma sadasaṃ vuccatī’’ti vattabbanti? Na, itarassa anisīdanaadasabhāvappasaṅgato. Ettha nisīdanasanthatassa pācittiyavatthuttā itarampi pācittiyavatthumevāti veditabbaṃ tajjātikattā. Sassāmike sūcighare sūcigaṇanāya āpattiyoti porāṇā.
ཙཱིཝརཱཔནིདྷཱནསིཀྑཱཔདཝཎྞནཱ ནིཊྛིཏཱ།
Cīvarāpanidhānasikkhāpadavaṇṇanā niṭṭhitā.
སམཏྟོ ཝཎྞནཱཀྐམེན སུརཱཔཱནཝགྒོ ཚཊྛོ།
Samatto vaṇṇanākkamena surāpānavaggo chaṭṭho.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / མཧཱཝིབྷངྒ • Mahāvibhaṅga / ༦. སུརཱཔཱནཝགྒོ • 6. Surāpānavaggo
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / མཧཱཝིབྷངྒ-ཨཊྛཀཐཱ • Mahāvibhaṅga-aṭṭhakathā / ༡༠. ཙཱིཝརཱཔནིདྷཱནསིཀྑཱཔདཝཎྞནཱ • 10. Cīvarāpanidhānasikkhāpadavaṇṇanā
