| Library / Tipiṭaka / तिपिटक • Tipiṭaka / वजिरबुद्धि-टीका • Vajirabuddhi-ṭīkā |
१०. चीवरापनिधानसिक्खापदवण्णना
10. Cīvarāpanidhānasikkhāpadavaṇṇanā
३७९. दसमे यस्मा निसीदनसन्थतं चीवरनिसीदनम्पीति उभयम्पि सदसमेव, तस्मा तं उभयम्पि एकतो कत्वा ‘‘निसीदनं नाम सदसं वुच्चती’’ति आह। तत्थापि चीवरग्गहणेन चीवरनिसीदनं गहितमेवाति अत्थतो सन्थतनिसीदनमेव वुत्तं होति। यदि एवं ‘‘निसीदनसन्थतं नाम सदसं वुच्चती’’ति वत्तब्बन्ति? न, इतरस्स अनिसीदनअदसभावप्पसङ्गतो। एत्थ निसीदनसन्थतस्स पाचित्तियवत्थुत्ता इतरम्पि पाचित्तियवत्थुमेवाति वेदितब्बं तज्जातिकत्ता। सस्सामिके सूचिघरे सूचिगणनाय आपत्तियोति पोराणा।
379. Dasame yasmā nisīdanasanthataṃ cīvaranisīdanampīti ubhayampi sadasameva, tasmā taṃ ubhayampi ekato katvā ‘‘nisīdanaṃ nāma sadasaṃ vuccatī’’ti āha. Tatthāpi cīvaraggahaṇena cīvaranisīdanaṃ gahitamevāti atthato santhatanisīdanameva vuttaṃ hoti. Yadi evaṃ ‘‘nisīdanasanthataṃ nāma sadasaṃ vuccatī’’ti vattabbanti? Na, itarassa anisīdanaadasabhāvappasaṅgato. Ettha nisīdanasanthatassa pācittiyavatthuttā itarampi pācittiyavatthumevāti veditabbaṃ tajjātikattā. Sassāmike sūcighare sūcigaṇanāya āpattiyoti porāṇā.
चीवरापनिधानसिक्खापदवण्णना निट्ठिता।
Cīvarāpanidhānasikkhāpadavaṇṇanā niṭṭhitā.
समत्तो वण्णनाक्कमेन सुरापानवग्गो छट्ठो।
Samatto vaṇṇanākkamena surāpānavaggo chaṭṭho.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / महाविभङ्ग • Mahāvibhaṅga / ६. सुरापानवग्गो • 6. Surāpānavaggo
अट्ठकथा • Aṭṭhakathā / विनयपिटक (अट्ठकथा) • Vinayapiṭaka (aṭṭhakathā) / महाविभङ्ग-अट्ठकथा • Mahāvibhaṅga-aṭṭhakathā / १०. चीवरापनिधानसिक्खापदवण्णना • 10. Cīvarāpanidhānasikkhāpadavaṇṇanā
