| Library / Tipiṭaka / တိပိဋက • Tipiṭaka / ပဉ္စပကရဏ-မူလဋီကာ • Pañcapakaraṇa-mūlaṭīkā |
၇. စိတ္တဋ္ဌိတိကထာဝဏ္ဏနာ
7. Cittaṭṭhitikathāvaṇṇanā
၃၃၅. စိတ္တဋ္ဌိတိကထာယံ စုလ္လာသီတိ။ပေ.။ အာဒိဝစနဝသေနာတိ အာရုပ္ပေယေဝ ဧဝံ ယာဝတာယုကဋ္ဌာနံ ဝုတ္တံ, န အညတ္ထာတိ ကတ္ဝာ ပဋိက္ခိပတီတိ အဓိပ္ပာယော။ ဧတေန ပန ‘‘န တ္ဝေဝ တေပိ တိဋ္ဌန္တိ, ဒ္ဝီဟိ စိတ္တသမောဟိတာ’’တိ (မဟာနိ. ၁၀ ထောကံ ဝိသဒိသံ) ဒုတိယာပိ အဍ္ဎကထာ ပသ္သိတဗ္ဗာ။ ပုရိမာယ စ ဝသ္သသတာဒိဋ္ဌာနာနုညာယ အဝိရောဓော ဝိဘာဝေတဗ္ဗော။ မုဟုတ္တံ မုဟုတ္တန္တိ ပဉ္ဟော သကဝာဒိနာ ပုစ္ဆိတော ဝိယ ဝုတ္တော, ပရဝာဒိနာ ပန ပုစ္ဆိတောတိ ဒဋ္ဌဗ္ဗော။
335. Cittaṭṭhitikathāyaṃ cullāsīti…pe… ādivacanavasenāti āruppeyeva evaṃ yāvatāyukaṭṭhānaṃ vuttaṃ, na aññatthāti katvā paṭikkhipatīti adhippāyo. Etena pana ‘‘na tveva tepi tiṭṭhanti, dvīhi cittasamohitā’’ti (mahāni. 10 thokaṃ visadisaṃ) dutiyāpi aḍḍhakathā passitabbā. Purimāya ca vassasatādiṭṭhānānuññāya avirodho vibhāvetabbo. Muhuttaṃ muhuttanti pañho sakavādinā pucchito viya vutto, paravādinā pana pucchitoti daṭṭhabbo.
စိတ္တဋ္ဌိတိကထာဝဏ္ဏနာ နိဋ္ဌိတာ။
Cittaṭṭhitikathāvaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / အဘိဓမ္မပိဋက • Abhidhammapiṭaka / ကထာဝတ္ထုပာဠိ • Kathāvatthupāḷi / (၁၆) ၇. စိတ္တဋ္ဌိတိကထာ • (16) 7. Cittaṭṭhitikathā
အဋ္ဌကထာ • Aṭṭhakathā / အဘိဓမ္မပိဋက (အဋ္ဌကထာ) • Abhidhammapiṭaka (aṭṭhakathā) / ပဉ္စပကရဏ-အဋ္ဌကထာ • Pañcapakaraṇa-aṭṭhakathā / ၇. စိတ္တဋ္ဌိတိကထာဝဏ္ဏနာ • 7. Cittaṭṭhitikathāvaṇṇanā
ဋီကာ • Tīkā / အဘိဓမ္မပိဋက (ဋီကာ) • Abhidhammapiṭaka (ṭīkā) / ပဉ္စပကရဏ-အနုဋီကာ • Pañcapakaraṇa-anuṭīkā / ၇. စိတ္တဋ္ဌိတိကထာဝဏ္ဏနာ • 7. Cittaṭṭhitikathāvaṇṇanā
