| Library / Tipiṭaka / তিপিটক • Tipiṭaka / পঞ্চপকরণ-অট্ঠকথা • Pañcapakaraṇa-aṭṭhakathā |
৭. চিত্তট্ঠিতিকথাৰণ্ণনা
7. Cittaṭṭhitikathāvaṇṇanā
৩৩৫. ইদানি চিত্তট্ঠিতিকথা নাম হোতি। তত্থ যেসং সমাপত্তিচিত্তঞ্চেৰ ভৰঙ্গচিত্তঞ্চ অনুপ্পবন্ধেন পৰত্তমানং দিস্ৰা ‘‘একমেৰ চিত্তং চিরং তিট্ঠতী’’তি লদ্ধি সেয্যথাপি এতরহি হেট্ঠা ৰুত্তপ্পভেদানং অন্ধকানং, তংলদ্ধিৰিসোধনত্থং একং, চিত্তং দিৰসং তিট্ঠতীতি পুচ্ছা সকৰাদিস্স, পটিঞ্ঞা পরৰাদিস্স। উপড্ঢদিৰসো উপ্পাদক্খণোতি এত্থ ঠিতিক্খণং অনামসিত্ৰা ‘‘অনিচ্চা ৰত সঙ্খারা, উপ্পাদৰযধম্মিনো’’তি (সং॰ নি॰ ১.১৮৬; ২.১৪৩) দেসনানযেন উপ্পাদৰযৰসেনেৰ পুচ্ছা কতা।
335. Idāni cittaṭṭhitikathā nāma hoti. Tattha yesaṃ samāpatticittañceva bhavaṅgacittañca anuppabandhena pavattamānaṃ disvā ‘‘ekameva cittaṃ ciraṃ tiṭṭhatī’’ti laddhi seyyathāpi etarahi heṭṭhā vuttappabhedānaṃ andhakānaṃ, taṃladdhivisodhanatthaṃ ekaṃ, cittaṃ divasaṃ tiṭṭhatīti pucchā sakavādissa, paṭiññā paravādissa. Upaḍḍhadivaso uppādakkhaṇoti ettha ṭhitikkhaṇaṃ anāmasitvā ‘‘aniccā vata saṅkhārā, uppādavayadhammino’’ti (saṃ. ni. 1.186; 2.143) desanānayena uppādavayavaseneva pucchā katā.
তে ধম্মা চিত্তেন লহুপরিৰত্তাতি পুট্ঠো চিত্ততো লহুতরপরিৰত্তিনো ধম্মে অপস্সন্তো পটিক্খিপতি। দুতিযং পুট্ঠো যস্স চিত্তস্স দীঘট্ঠিতিং ইচ্ছতি, তং সন্ধায পটিজানাতি। যাৰতাযুকং তিট্ঠতীতি পঞ্হে ‘‘চুল্লাসীতিসহস্সানি, কপ্পা তিট্ঠন্তি যে মরূ’’তিআদিৰচনৰসেন (মহানি॰ ১০) আরুপ্পতো অঞ্ঞত্র পটিক্খিপতি, আরুপ্পে পটিজানাতি। মুহুত্তং মুহুত্তং উপ্পজ্জতীতি পঞ্হে পরৰাদিস্স ‘‘উপ্পাদৰযধম্মিনো’’তিআদিসুত্তৰিরোধভযেন পটিজানাতি। ঠিতিং পনস্স লদ্ধিৰসেন ইচ্ছতি। সেসমেত্থ উত্তানত্থমেৰাতি।
Te dhammā cittena lahuparivattāti puṭṭho cittato lahutaraparivattino dhamme apassanto paṭikkhipati. Dutiyaṃ puṭṭho yassa cittassa dīghaṭṭhitiṃ icchati, taṃ sandhāya paṭijānāti. Yāvatāyukaṃ tiṭṭhatīti pañhe ‘‘cullāsītisahassāni, kappā tiṭṭhanti ye marū’’tiādivacanavasena (mahāni. 10) āruppato aññatra paṭikkhipati, āruppe paṭijānāti. Muhuttaṃ muhuttaṃ uppajjatīti pañhe paravādissa ‘‘uppādavayadhammino’’tiādisuttavirodhabhayena paṭijānāti. Ṭhitiṃ panassa laddhivasena icchati. Sesamettha uttānatthamevāti.
চিত্তট্ঠিতিকথাৰণ্ণনা।
Cittaṭṭhitikathāvaṇṇanā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / কথাৰত্থুপাল়ি • Kathāvatthupāḷi / (১৬) ৭. চিত্তট্ঠিতিকথা • (16) 7. Cittaṭṭhitikathā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-মূলটীকা • Pañcapakaraṇa-mūlaṭīkā / ৭. চিত্তট্ঠিতিকথাৰণ্ণনা • 7. Cittaṭṭhitikathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-অনুটীকা • Pañcapakaraṇa-anuṭīkā / ৭. চিত্তট্ঠিতিকথাৰণ্ণনা • 7. Cittaṭṭhitikathāvaṇṇanā
