| Library / Tipiṭaka / д̇ибидага • Tipiṭaka / вимаанавад̇т̇у-адтагат̇аа • Vimānavatthu-aṭṭhakathā |
7. сунигкид̇д̇авимаанаваг̇г̇о
7. Sunikkhittavimānavaggo
1. жид̇д̇алад̇аавимаанаван̣н̣анаа
1. Cittalatāvimānavaṇṇanā
яат̇аа ванам̣ жид̇д̇алад̇ам̣ бабхаасад̇ийд̇и жид̇д̇алад̇аавимаанам̣. д̇асса гаа уббад̇д̇и? бхаг̇аваа саавад̇т̇ияам̣ вихарад̇и ж̇зд̇аванз. д̇зна самаязна саавад̇т̇ияам̣ ан̃н̃ад̇аро убаасаго д̣̇алид̣̇д̣̇о аббабхог̇о барзсам̣ гаммам̣ гад̇ваа ж̇ийвад̇и. со сад̣̇д̇хо басанно ж̇ин̣н̣з вуд̣дхз маад̇аабид̇аро босзнд̇о ‘‘ид̇т̇ияо наама бад̇игулз тид̇аа иссарияам̣ гаронд̇и, сассусасураанам̣ манаабажааринияо д̣̇уллабхаа’’д̇и маад̇аабид̇уунам̣ жид̇д̇ад̣̇угкам̣ барихаранд̇о д̣̇аарабариг̇г̇ахам̣ агад̇ваа саяамзва нз убадтахад̇и, сийлаани рагкад̇и, убосат̇ам̣ убавасад̇и , яат̇аавибхавам̣ д̣̇аанаани д̣̇зд̇и. со абарабхааг̇з гаалам̣ гад̇ваа д̇аавад̇им̣сзсу д̣̇ваад̣̇асаяож̇анигз вимаанз ниб̣б̣ад̇д̇и. д̇ам̣ ааяасмаа махаамог̇г̇аллаано хздтаа вуд̇д̇анаязна г̇анд̇ваа гад̇агаммам̣ имаахи г̇аат̇аахи бадибужчи –
Yathāvanaṃ cittalataṃ pabhāsatīti cittalatāvimānaṃ. Tassa kā uppatti? Bhagavā sāvatthiyaṃ viharati jetavane. Tena samayena sāvatthiyaṃ aññataro upāsako daliddo appabhogo paresaṃ kammaṃ katvā jīvati. So saddho pasanno jiṇṇe vuḍḍhe mātāpitaro posento ‘‘itthiyo nāma patikule ṭhitā issariyaṃ karonti, sassusasurānaṃ manāpacāriniyo dullabhā’’ti mātāpitūnaṃ cittadukkhaṃ pariharanto dārapariggahaṃ akatvā sayameva ne upaṭṭhahati, sīlāni rakkhati, uposathaṃ upavasati , yathāvibhavaṃ dānāni deti. So aparabhāge kālaṃ katvā tāvatiṃsesu dvādasayojanike vimāne nibbatti. Taṃ āyasmā mahāmoggallāno heṭṭhā vuttanayena gantvā katakammaṃ imāhi gāthāhi paṭipucchi –
1114.
1114.
‘‘яат̇аа ванам̣ жид̇д̇алад̇ам̣ бабхаасад̇и, уяяаанасздтам̣ д̇ид̣̇асаанамуд̇д̇амам̣;
‘‘Yathā vanaṃ cittalataṃ pabhāsati, uyyānaseṭṭhaṃ tidasānamuttamaṃ;
д̇ат̇уубамам̣ д̇уяхамид̣̇ам̣ вимаанам̣, обхаасаяам̣ д̇идтад̇и анд̇алигкз.
Tathūpamaṃ tuyhamidaṃ vimānaṃ, obhāsayaṃ tiṭṭhati antalikkhe.
1115.
1115.
‘‘д̣̇звид̣̇д̇хибад̇д̇оси махаанубхааво…бз…
‘‘Deviddhipattosi mahānubhāvo…pe…
ван̣н̣о жа д̇з саб̣б̣ад̣̇исаа бабхаасад̇ий’’д̇и.
Vaṇṇo ca te sabbadisā pabhāsatī’’ti.
1116.
1116.
‘‘со д̣̇звабуд̇д̇о ад̇д̇амано…бз… яасса гаммассид̣̇ам̣ палам̣’’.
‘‘So devaputto attamano…pe… yassa kammassidaṃ phalaṃ’’.
1117.
1117.
‘‘ахам̣ мануссзсу мануссабхууд̇о, д̣̇алид̣̇д̣̇о ад̇аан̣о габан̣о гаммагаро ахосим̣;
‘‘Ahaṃ manussesu manussabhūto, daliddo atāṇo kapaṇo kammakaro ahosiṃ;
ж̇ин̣н̣з жа маад̇аабид̇аро абхаарим̣, бияаа жа мз сийлаванд̇о ахзсум̣;
Jiṇṇe ca mātāpitaro abhāriṃ, piyā ca me sīlavanto ahesuṃ;
аннан̃жа баанан̃жа басаннажид̇д̇о, саггажжа д̣̇аанам̣ вибулам̣ ад̣̇аасим̣.
Annañca pānañca pasannacitto, sakkacca dānaṃ vipulaṃ adāsiṃ.
1118.
1118.
‘‘д̇зна мзд̇аад̣̇исо ван̣н̣о…бз…ван̣н̣о жа мз саб̣б̣ад̣̇исаа бабхаасад̇ий’’д̇и. –
‘‘Tena metādiso vaṇṇo…pe…vaṇṇo ca me sabbadisā pabhāsatī’’ti. –
соби д̇асса б̣яаагааси. сзсам̣ вуд̇д̇анаяамзва.
Sopi tassa byākāsi. Sesaṃ vuttanayameva.
жид̇д̇алад̇аавимаанаван̣н̣анаа нидтид̇аа.
Cittalatāvimānavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / вимаанавад̇т̇убаал̣и • Vimānavatthupāḷi / 1. жид̇д̇алад̇аавимаанавад̇т̇у • 1. Cittalatāvimānavatthu
