| Library / Tipiṭaka / តិបិដក • Tipiṭaka / មិលិន្ទបញ្ហបាឡិ • Milindapañhapāḷi |
៣. ចិត្តកធរកុម្មង្គបញ្ហោ
3. Cittakadharakummaṅgapañho
៣. ‘‘ភន្តេ នាគសេន, ‘ចិត្តកធរកុម្មស្ស 1 ឯកំ អង្គំ គហេតព្ព’ន្តិ យំ វទេសិ, កតមំ តំ ឯកំ អង្គំ គហេតព្ព’’ន្តិ? ‘‘យថា, មហារាជ, ចិត្តកធរកុម្មោ ឧទកភយា ឧទកំ បរិវជ្ជេត្វា វិចរតិ, តាយ ច បន ឧទកំ បរិវជ្ជនាយ អាយុនា ន បរិហាយតិ, ឯវមេវ ខោ, មហារាជ, យោគិនា យោគាវចរេន បមាទេ ភយទស្សាវិនា ភវិតព្ពំ, អប្បមាទេ គុណវិសេសទស្សាវិនា។ តាយ ច បន ភយទស្សាវិតាយ ន បរិហាយតិ សាមញ្ញា, និព្ពានស្ស សន្តិកេ ឧបេតិ 2។ ឥទំ, មហារាជ, ចិត្តកធរកុម្មស្ស ឯកំ អង្គំ គហេតព្ពំ។ ភាសិតម្បេតំ, មហារាជ, ភគវតា ទេវាតិទេវេន ធម្មបទេ –
3. ‘‘Bhante nāgasena, ‘cittakadharakummassa 3 ekaṃ aṅgaṃ gahetabba’nti yaṃ vadesi, katamaṃ taṃ ekaṃ aṅgaṃ gahetabba’’nti? ‘‘Yathā, mahārāja, cittakadharakummo udakabhayā udakaṃ parivajjetvā vicarati, tāya ca pana udakaṃ parivajjanāya āyunā na parihāyati, evameva kho, mahārāja, yoginā yogāvacarena pamāde bhayadassāvinā bhavitabbaṃ, appamāde guṇavisesadassāvinā. Tāya ca pana bhayadassāvitāya na parihāyati sāmaññā, nibbānassa santike upeti 4. Idaṃ, mahārāja, cittakadharakummassa ekaṃ aṅgaṃ gahetabbaṃ. Bhāsitampetaṃ, mahārāja, bhagavatā devātidevena dhammapade –
‘‘‘អប្បមាទរតោ ភិក្ខុ, បមាទេ ភយទស្សិ វា;
‘‘‘Appamādarato bhikkhu, pamāde bhayadassi vā;
អភព្ពោ បរិហានាយ, និព្ពានស្សេវ សន្តិកេ’’’តិ។
Abhabbo parihānāya, nibbānasseva santike’’’ti.
ចិត្តកធរកុម្មង្គបញ្ហោ ចតុត្ថោ។
Cittakadharakummaṅgapañho catuttho.
Footnotes:
