| Library / Tipiṭaka / ਤਿਪਿਟਕ • Tipiṭaka / ਦ੍વੇਮਾਤਿਕਾਪਾਲ਼ਿ • Dvemātikāpāḷi |
੫. ਚਿਤ੍ਤਾਗਾਰવਗ੍ਗੋ
5. Cittāgāravaggo
੧. ਰਾਜਾਗਾਰਸਿਕ੍ਖਾਪਦવਣ੍ਣਨਾ
1. Rājāgārasikkhāpadavaṇṇanā
ਚਿਤ੍ਤਾਗਾਰવਗ੍ਗਸ੍ਸ ਪਠਮੇ ਰਾਜਾਗਾਰਨ੍ਤਿ ਰਞ੍ਞੋ ਕੀਲ਼ਨਘਰਂ। ਚਿਤ੍ਤਾਗਾਰਨ੍ਤਿ ਕੀਲ਼ਨਚਿਤ੍ਤਸਾਲਂ। ਆਰਾਮਨ੍ਤਿ ਕੀਲ਼ਨਉਪવਨਂ। ਉਯ੍ਯਾਨਨ੍ਤਿ ਕੀਲ਼ਨੁਯ੍ਯਾਨਂ। ਪੋਕ੍ਖਰਣਿਨ੍ਤਿ ਕੀਲ਼ਨਪੋਕ੍ਖਰਣਿਂ। ਦਸ੍ਸਨਾਯਾਤਿ ‘‘ਏਤੇਸੁ ਯਂਕਿਞ੍ਚਿ ਪਸ੍ਸਿਸ੍ਸਾਮੀ’’ਤਿ ਗਚ੍ਛਨ੍ਤਿਯਾ ਪਦੇ ਪਦੇ ਦੁਕ੍ਕਟਂ, ਯਤ੍ਥ ਠਤ੍વਾ ਪਸ੍ਸਤਿ, ਤਤ੍ਥ ਪਦਂ ਅਨੁਦ੍ਧਰਿਤ੍વਾ ਪਞ੍ਚਾਪਿ ਪਸ੍ਸਨ੍ਤਿਯਾ ਏਕਾવ ਆਪਤ੍ਤਿ। ਸਚੇ ਪਨ ਤਂ ਤਂ વਿਲੋਕੇਤ੍વਾ ਪਸ੍ਸਤਿ, ਗੀવਂ ਪਰਿવਤ੍ਤਨਪ੍ਪਯੋਗਗਣਨਾਯ ਆਪਤ੍ਤਿਯੋ, ਨ ਉਮ੍ਮੀਲਨਗਣਨਾਯ।
Cittāgāravaggassa paṭhame rājāgāranti rañño kīḷanagharaṃ. Cittāgāranti kīḷanacittasālaṃ. Ārāmanti kīḷanaupavanaṃ. Uyyānanti kīḷanuyyānaṃ. Pokkharaṇinti kīḷanapokkharaṇiṃ. Dassanāyāti ‘‘etesu yaṃkiñci passissāmī’’ti gacchantiyā pade pade dukkaṭaṃ, yattha ṭhatvā passati, tattha padaṃ anuddharitvā pañcāpi passantiyā ekāva āpatti. Sace pana taṃ taṃ viloketvā passati, gīvaṃ parivattanappayogagaṇanāya āpattiyo, na ummīlanagaṇanāya.
ਸਾવਤ੍ਥਿਯਂ ਛਬ੍ਬਗ੍ਗਿਯਾ ਭਿਕ੍ਖੁਨਿਯੋ ਆਰਬ੍ਭ ਚਿਤ੍ਤਾਗਾਰਂ ਦਸ੍ਸਨਾਯ ਗਮਨવਤ੍ਥੁਸ੍ਮਿਂ ਪਞ੍ਞਤ੍ਤਂ, ਭਿਕ੍ਖੁਸ੍ਸ ਸਬ੍ਬਤ੍ਥ ਦੁਕ੍ਕਟਂ, ਅવਸੇਸੋ વਿਨਿਚ੍ਛਯੋ ਨਚ੍ਚਦਸ੍ਸਨਸਿਕ੍ਖਾਪਦੇ વੁਤ੍ਤਨਯੇਨੇવ વੇਦਿਤਬ੍ਬੋਤਿ।
Sāvatthiyaṃ chabbaggiyā bhikkhuniyo ārabbha cittāgāraṃ dassanāya gamanavatthusmiṃ paññattaṃ, bhikkhussa sabbattha dukkaṭaṃ, avaseso vinicchayo naccadassanasikkhāpade vuttanayeneva veditabboti.
ਰਾਜਾਗਾਰਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Rājāgārasikkhāpadavaṇṇanā niṭṭhitā.
੨. ਆਸਨ੍ਦਿਪਰਿਭੁਞ੍ਜਨਸਿਕ੍ਖਾਪਦવਣ੍ਣਨਾ
2. Āsandiparibhuñjanasikkhāpadavaṇṇanā
ਦੁਤਿਯੇ ਆਸਨ੍ਦੀ ਨਾਮ ਅਤਿਕ੍ਕਨ੍ਤਪ੍ਪਮਾਣਾ વੁਚ੍ਚਤਿ। ਪਲ੍ਲਙ੍ਕੋ ਨਾਮ ਸਂਹਾਰਿਮੇਨ વਾਲ਼ੇਨ ਕਤੋਤਿ વੁਤ੍ਤੋ। ਪਰਿਭੁਞ੍ਜੇਯ੍ਯਾਤਿ ਏਤ੍ਥ ਪਨ ਨਿਸੀਦਨਨਿਪਜ੍ਜਨਪ੍ਪਯੋਗਗਣਨਾਯ ਪਾਚਿਤ੍ਤਿਯਂ વੇਦਿਤਬ੍ਬਂ।
Dutiye āsandī nāma atikkantappamāṇā vuccati. Pallaṅko nāma saṃhārimena vāḷena katoti vutto. Paribhuñjeyyāti ettha pana nisīdananipajjanappayogagaṇanāya pācittiyaṃ veditabbaṃ.
ਸਾવਤ੍ਥਿਯਂ ਸਮ੍ਬਹੁਲਾ ਭਿਕ੍ਖੁਨਿਯੋ ਆਰਬ੍ਭ ਆਸਨ੍ਦਿਪਲ੍ਲਙ੍ਕਪਰਿਭੋਗવਤ੍ਥੁਸ੍ਮਿਂ ਪਞ੍ਞਤ੍ਤਂ, ਆਸਨ੍ਦਿਯਾ ਪਾਦੇ ਛਿਨ੍ਦਿਤ੍વਾ, ਪਲ੍ਲਙ੍ਕਸ੍ਸ વਾਲ਼ੇ ਭਿਨ੍ਦਿਤ੍વਾ ਪਰਿਭੁਞ੍ਜਨ੍ਤਿਯਾ, ਉਮ੍ਮਤ੍ਤਿਕਾਦੀਨਞ੍ਚ ਅਨਾਪਤ੍ਤਿ। ਆਸਨ੍ਦਿਪਲ੍ਲਙ੍ਕਤਾ, ਨਿਸੀਦਨਂ ਨਿਪਜ੍ਜਨਂ વਾਤਿ ਇਮਾਨੇਤ੍ਥ ਦ੍વੇ ਅਙ੍ਗਾਨਿ। ਸਮੁਟ੍ਠਾਨਾਦੀਨਿ ਏਲ਼ਕਲੋਮਸਦਿਸਾਨੀਤਿ।
Sāvatthiyaṃ sambahulā bhikkhuniyo ārabbha āsandipallaṅkaparibhogavatthusmiṃ paññattaṃ, āsandiyā pāde chinditvā, pallaṅkassa vāḷe bhinditvā paribhuñjantiyā, ummattikādīnañca anāpatti. Āsandipallaṅkatā, nisīdanaṃ nipajjanaṃ vāti imānettha dve aṅgāni. Samuṭṭhānādīni eḷakalomasadisānīti.
ਆਸਨ੍ਦਿਪਰਿਭੁਞ੍ਜਨਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Āsandiparibhuñjanasikkhāpadavaṇṇanā niṭṭhitā.
੩. ਸੁਤ੍ਤਕਨ੍ਤਨਸਿਕ੍ਖਾਪਦવਣ੍ਣਨਾ
3. Suttakantanasikkhāpadavaṇṇanā
ਤਤਿਯੇ ਸੁਤ੍ਤਨ੍ਤਿ ਛਨ੍ਨਂ ਅਞ੍ਞਤਰਂ। ਕਨ੍ਤੇਯ੍ਯਾਤਿ ਏਤ੍ਥ ਯਤ੍ਤਕਂ ਹਤ੍ਥੇਨ ਅਞ੍ਛਿਤਂ ਹੋਤਿ, ਤਸ੍ਮਿਂ ਤਕ੍ਕਮ੍ਹਿ વੇਠਿਤੇ ਏਕਾ ਆਪਤ੍ਤਿ। ਇਦਞ੍ਹਿ ਸਨ੍ਧਾਯ ਪਦਭਾਜਨੀਯੇ (ਪਾਚਿ॰ ੯੮੮) ‘‘ਉਜ੍ਜવੁਜ੍ਜવੇ’’ਤਿ વੁਤ੍ਤਂ।
Tatiye suttanti channaṃ aññataraṃ. Kanteyyāti ettha yattakaṃ hatthena añchitaṃ hoti, tasmiṃ takkamhi veṭhite ekā āpatti. Idañhi sandhāya padabhājanīye (pāci. 988) ‘‘ujjavujjave’’ti vuttaṃ.
ਸਾવਤ੍ਥਿਯਂ ਛਬ੍ਬਗ੍ਗਿਯਾ ਭਿਕ੍ਖੁਨਿਯੋ ਆਰਬ੍ਭ ਸੁਤ੍ਤਂ ਕਨ੍ਤਨવਤ੍ਥੁਸ੍ਮਿਂ ਪਞ੍ਞਤ੍ਤਂ, ਕਨ੍ਤਨਤੋ ਪੁਬ੍ਬੇ ਕਪ੍ਪਾਸવਿਚਿਨਨਂ ਆਦਿਂ ਕਤ੍વਾ ਸਬ੍ਬਪ੍ਪਯੋਗੇਸੁ ਹਤ੍ਥવਾਰਗਣਨਾਯ ਦੁਕ੍ਕਟਂ। ਕਨ੍ਤਿਤਸੁਤ੍ਤਂ ਕਨ੍ਤਨ੍ਤਿਯਾ, ਉਮ੍ਮਤ੍ਤਿਕਾਦੀਨਞ੍ਚ ਅਨਾਪਤ੍ਤਿ। ਅਕਨ੍ਤਿਤਤਾ, ਕਨ੍ਤਨਨ੍ਤਿ ਇਮਾਨੇਤ੍ਥ ਦ੍વੇ ਅਙ੍ਗਾਨਿ। ਸਮੁਟ੍ਠਾਨਾਦੀਨਿ ਏਲ਼ਕਲੋਮਸਦਿਸਾਨੀਤਿ।
Sāvatthiyaṃ chabbaggiyā bhikkhuniyo ārabbha suttaṃ kantanavatthusmiṃ paññattaṃ, kantanato pubbe kappāsavicinanaṃ ādiṃ katvā sabbappayogesu hatthavāragaṇanāya dukkaṭaṃ. Kantitasuttaṃ kantantiyā, ummattikādīnañca anāpatti. Akantitatā, kantananti imānettha dve aṅgāni. Samuṭṭhānādīni eḷakalomasadisānīti.
ਸੁਤ੍ਤਕਨ੍ਤਨਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Suttakantanasikkhāpadavaṇṇanā niṭṭhitā.
੪. ਗਿਹਿવੇਯ੍ਯਾવਚ੍ਚਸਿਕ੍ਖਾਪਦવਣ੍ਣਨਾ
4. Gihiveyyāvaccasikkhāpadavaṇṇanā
ਚਤੁਤ੍ਥੇ ਗਿਹਿવੇਯ੍ਯਾવਚ੍ਚਨ੍ਤਿ ਗਿਹੀਨਂ વੇਯ੍ਯਾવਚ੍ਚਂ। ਸਚੇਪਿ ਹਿ ਮਾਤਾਪਿਤਰੋ ਅਤ੍ਤਨੋ ਕਿਞ੍ਚਿ ਕਮ੍ਮਂ ਅਕਾਰਾਪੇਤ੍વਾ ਤੇਸਂ ਯਾਗੁਪਚਨਾਦੀਨਿ ਕਰੋਨ੍ਤਿ, ਪੁਬ੍ਬਪ੍ਪਯੋਗੇਸੁ ਪਯੋਗਗਣਨਾਯ ਦੁਕ੍ਕਟਾਨਿ ਆਪਜ੍ਜਿਤ੍વਾ ਯਾਗੁਆਦੀਸੁ ਭਾਜਨਗਣਨਾਯ, ਖਾਦਨੀਯਾਦੀਸੁ ਪੂવਗਣਨਾਯ ਪਾਚਿਤ੍ਤਿਯਂ ਆਪਜ੍ਜਤਿ।
Catutthe gihiveyyāvaccanti gihīnaṃ veyyāvaccaṃ. Sacepi hi mātāpitaro attano kiñci kammaṃ akārāpetvā tesaṃ yāgupacanādīni karonti, pubbappayogesu payogagaṇanāya dukkaṭāni āpajjitvā yāguādīsu bhājanagaṇanāya, khādanīyādīsu pūvagaṇanāya pācittiyaṃ āpajjati.
ਸਾવਤ੍ਥਿਯਂ ਸਮ੍ਬਹੁਲਾ ਭਿਕ੍ਖੁਨਿਯੋ ਆਰਬ੍ਭ ਗਿਹੀਨਂ વੇਯ੍ਯਾવਚ੍ਚਕਰਣવਤ੍ਥੁਸ੍ਮਿਂ ਪਞ੍ਞਤ੍ਤਂ, ਮਨੁਸ੍ਸੇਹਿ ਸਙ੍ਘਸ੍ਸ ਯਾਗੁਪਾਨੇ વਾ ਭਤ੍ਤੇ વਾ ਚੇਤਿਯਪੂਜਾਯ વਾ ਕਰੀਯਮਾਨਾਯ ਤੇਸਂ ਸਹਾਯਭਾવੇਨ ਯਾਗੁਪਚਨਾਦੀਨਿ, ਅਤ੍ਤਨੋ વੇਯ੍ਯਾવਚ੍ਚਕਰਸ੍ਸ ਚ ਤਾਨਿਯੇવ ਕਰੋਨ੍ਤਿਯਾ, ਉਮ੍ਮਤ੍ਤਿਕਾਦੀਨਞ੍ਚ ਅਨਾਪਤ੍ਤਿ। ਗਿਹਿવੇਯ੍ਯਾવਚ੍ਚਕਰਣਂ, ਅਨੁਞ੍ਞਾਤਕਾਰਣਾਭਾવੋਤਿ ਇਮਾਨੇਤ੍ਥ ਦ੍વੇ ਅਙ੍ਗਾਨਿ। ਸਮੁਟ੍ਠਾਨਾਦੀਨਿ ਏਲ਼ਕਲੋਮਸਦਿਸਾਨੇવਾਤਿ।
Sāvatthiyaṃ sambahulā bhikkhuniyo ārabbha gihīnaṃ veyyāvaccakaraṇavatthusmiṃ paññattaṃ, manussehi saṅghassa yāgupāne vā bhatte vā cetiyapūjāya vā karīyamānāya tesaṃ sahāyabhāvena yāgupacanādīni, attano veyyāvaccakarassa ca tāniyeva karontiyā, ummattikādīnañca anāpatti. Gihiveyyāvaccakaraṇaṃ, anuññātakāraṇābhāvoti imānettha dve aṅgāni. Samuṭṭhānādīni eḷakalomasadisānevāti.
ਗਿਹਿવੇਯ੍ਯਾવਚ੍ਚਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Gihiveyyāvaccasikkhāpadavaṇṇanā niṭṭhitā.
੫. ਅਧਿਕਰਣਸਿਕ੍ਖਾਪਦવਣ੍ਣਨਾ
5. Adhikaraṇasikkhāpadavaṇṇanā
ਪਞ੍ਚਮੇ ਅਧਿਕਰਣਨ੍ਤਿ ਚਤੁਨ੍ਨਂ ਅਞ੍ਞਤਰਂ। ਪਾਚਿਤ੍ਤਿਯਨ੍ਤਿ ਇਧ ਚੀવਰਸਿਬ੍ਬਨੇ વਿਯ ਧੁਰਂ ਨਿਕ੍ਖਿਤ੍ਤਮਤ੍ਤੇ ਪਾਚਿਤ੍ਤਿਯਂ, ਏਕਾਹਮ੍ਪਿ ਪਰਿਹਾਰੋ ਨਤ੍ਥਿ।
Pañcame adhikaraṇanti catunnaṃ aññataraṃ. Pācittiyanti idha cīvarasibbane viya dhuraṃ nikkhittamatte pācittiyaṃ, ekāhampi parihāro natthi.
ਸਾવਤ੍ਥਿਯਂ ਥੁਲ੍ਲਨਨ੍ਦਂ ਆਰਬ੍ਭ ਅਧਿਕਰਣਂ ਨવੂਪਸਮਨવਤ੍ਥੁਸ੍ਮਿਂ ਪਞ੍ਞਤ੍ਤਂ, ਸੇਸਮੇਤ੍ਥ ਚੀવਰਸਿਬ੍ਬਨਸਿਕ੍ਖਾਪਦੇ વੁਤ੍ਤਨਯੇਨੇવ વੇਦਿਤਬ੍ਬਨ੍ਤਿ।
Sāvatthiyaṃ thullanandaṃ ārabbha adhikaraṇaṃ navūpasamanavatthusmiṃ paññattaṃ, sesamettha cīvarasibbanasikkhāpade vuttanayeneva veditabbanti.
ਅਧਿਕਰਣਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Adhikaraṇasikkhāpadavaṇṇanā niṭṭhitā.
੬. ਭੋਜਨਦਾਨਸਿਕ੍ਖਾਪਦવਣ੍ਣਨਾ
6. Bhojanadānasikkhāpadavaṇṇanā
ਛਟ੍ਠੇ ਸਹਤ੍ਥਾਤਿ ਕਾਯੇਨ વਾ ਕਾਯਪ੍ਪਟਿਬਦ੍ਧੇਨ વਾ ਨਿਸ੍ਸਗ੍ਗਿਯੇਨ વਾ ਠਪੇਤ੍વਾ ਪਞ੍ਚਸਹਧਮ੍ਮਿਕੇ ਅવਸੇਸਾਨਂ ਅਞ੍ਞਤ੍ਰ ਉਦਕਦਨ੍ਤਪੋਨਾ ਯਂਕਿਞ੍ਚਿ ਅਜ੍ਝੋਹਰਣੀਯਂ ਦਦਨ੍ਤਿਯਾ ਪਾਚਿਤ੍ਤਿਯਂ।
Chaṭṭhe sahatthāti kāyena vā kāyappaṭibaddhena vā nissaggiyena vā ṭhapetvā pañcasahadhammike avasesānaṃ aññatra udakadantaponā yaṃkiñci ajjhoharaṇīyaṃ dadantiyā pācittiyaṃ.
ਸਾવਤ੍ਥਿਯਂ ਥੁਲ੍ਲਨਨ੍ਦਂ ਆਰਬ੍ਭ ਅਗਾਰਿਕਸ੍ਸ ਖਾਦਨੀਯਭੋਜਨੀਯਦਾਨવਤ੍ਥੁਸ੍ਮਿਂ ਪਞ੍ਞਤ੍ਤਂ, ਉਦਕਦਨ੍ਤਪੋਨੇ ਦੁਕ੍ਕਟਂ। ਯਾ ਪਨ ਦਾਪੇਤਿ ਨ ਦੇਤਿ, ਉਪਨਿਕ੍ਖਿਪਿਤ੍વਾ ਦੇਤਿ, ਬਾਹਿਰਲੇਪਂ ਦੇਤਿ, ਤਸ੍ਸਾ, ਉਮ੍ਮਤ੍ਤਿਕਾਦੀਨਞ੍ਚ ਅਨਾਪਤ੍ਤਿ। ਅਞ੍ਞਤ੍ਰ ਉਦਕਦਨ੍ਤਪੋਨਾ ਅਜ੍ਝੋਹਰਣਿਯਂ, ਠਪੇਤ੍વਾ ਪਞ੍ਚ ਸਹਧਮ੍ਮਿਕੇ ਅਞ੍ਞਸ੍ਸ ਸਹਤ੍ਥਾ ਦਾਨਨ੍ਤਿ ਇਮਾਨੇਤ੍ਥ ਦ੍વੇ ਅਙ੍ਗਾਨਿ। ਸਮੁਟ੍ਠਾਨਾਦੀਨਿ ਏਲ਼ਕਲੋਮਸਦਿਸਾਨੀਤਿ।
Sāvatthiyaṃ thullanandaṃ ārabbha agārikassa khādanīyabhojanīyadānavatthusmiṃ paññattaṃ, udakadantapone dukkaṭaṃ. Yā pana dāpeti na deti, upanikkhipitvā deti, bāhiralepaṃ deti, tassā, ummattikādīnañca anāpatti. Aññatra udakadantaponā ajjhoharaṇiyaṃ, ṭhapetvā pañca sahadhammike aññassa sahatthā dānanti imānettha dve aṅgāni. Samuṭṭhānādīni eḷakalomasadisānīti.
ਭੋਜਨਦਾਨਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Bhojanadānasikkhāpadavaṇṇanā niṭṭhitā.
੭. ਆવਸਥਚੀવਰਸਿਕ੍ਖਾਪਦવਣ੍ਣਨਾ
7. Āvasathacīvarasikkhāpadavaṇṇanā
ਸਤ੍ਤਮੇ ਆવਸਥਚੀવਰਨ੍ਤਿ ‘‘ਉਤੁਨਿਯੋ ਭਿਕ੍ਖੁਨਿਯੋ ਪਰਿਭੁਞ੍ਜਨ੍ਤੂ’’ਤਿ ਦਿਨ੍ਨਚੀવਰਂ। ਅਨਿਸ੍ਸਜ੍ਜਿਤ੍વਾਤਿ ਚਤੁਤ੍ਥੇ ਦਿવਸੇ ਧੋવਿਤ੍વਾ ਅਞ੍ਞਿਸ੍ਸਾ ਅਨ੍ਤਮਸੋ ਸਾਮਣੇਰਿਯਾਪਿ ਉਤੁਨਿਯਾ ਅਦਤ੍વਾ। ਪਾਚਿਤ੍ਤਿਯਨ੍ਤਿ ਏવਂ ਅਨਿਸ੍ਸਜ੍ਜਿਤ੍વਾ ਪਰਿਭੁਞ੍ਜਨ੍ਤਿਯਾ ਪਾਚਿਤ੍ਤਿਯਂ।
Sattame āvasathacīvaranti ‘‘utuniyo bhikkhuniyo paribhuñjantū’’ti dinnacīvaraṃ. Anissajjitvāti catutthe divase dhovitvā aññissā antamaso sāmaṇeriyāpi utuniyā adatvā. Pācittiyanti evaṃ anissajjitvā paribhuñjantiyā pācittiyaṃ.
ਸਾવਤ੍ਥਿਯਂ ਥੁਲ੍ਲਨਨ੍ਦਂ ਆਰਬ੍ਭ ਆવਸਥਚੀવਰਂ ਅਨਿਸ੍ਸਜ੍ਜਿਤ੍વਾ ਪਰਿਭੁਞ੍ਜਨવਤ੍ਥੁਸ੍ਮਿਂ ਪਞ੍ਞਤ੍ਤਂ, ਤਿਕਪਾਚਿਤ੍ਤਿਯਂ, ਨਿਸ੍ਸਜ੍ਜਿਤੇ ਦ੍વਿਕਦੁਕ੍ਕਟਂ। ਤਸ੍ਮਿਂ ਪਨ ਨਿਸ੍ਸਜ੍ਜਿਤਸਞ੍ਞਾਯ, ਪੁਨ ਪਰਿਯਾਯੇਨ વਾ, ਅਞ੍ਞਾਸਂ ਉਤੁਨੀਨਂ ਅਭਾવੇਨ વਾ, ਅਚ੍ਛਿਨ੍ਨਨਟ੍ਠਚੀવਰਿਕਾਯ વਾ, ਆਪਦਾਸੁ વਾ ਪਰਿਭੁਞ੍ਜਨ੍ਤਿਯਾ, ਉਮ੍ਮਤ੍ਤਿਕਾਦੀਨਞ੍ਚ ਅਨਾਪਤ੍ਤਿ। ਆવਸਥਚੀવਰਤਾ, ਚਤੁਤ੍ਥਦਿવਸਤਾ, ਧੋવਿਤ੍વਾ ਅਨਿਸ੍ਸਜ੍ਜਨਂ, ਅਨੁਞ੍ਞਾਤਕਾਰਣਾਭਾવੋਤਿ ਇਮਾਨੇਤ੍ਥ ਚਤ੍ਤਾਰਿ ਅਙ੍ਗਾਨਿ। ਸਮੁਟ੍ਠਾਨਾਦੀਨਿ ਕਥਿਨਸਦਿਸਾਨਿ, ਇਦਂ ਪਨ ਕਿਰਿਯਾਕਿਰਿਯਨ੍ਤਿ।
Sāvatthiyaṃ thullanandaṃ ārabbha āvasathacīvaraṃ anissajjitvā paribhuñjanavatthusmiṃ paññattaṃ, tikapācittiyaṃ, nissajjite dvikadukkaṭaṃ. Tasmiṃ pana nissajjitasaññāya, puna pariyāyena vā, aññāsaṃ utunīnaṃ abhāvena vā, acchinnanaṭṭhacīvarikāya vā, āpadāsu vā paribhuñjantiyā, ummattikādīnañca anāpatti. Āvasathacīvaratā, catutthadivasatā, dhovitvā anissajjanaṃ, anuññātakāraṇābhāvoti imānettha cattāri aṅgāni. Samuṭṭhānādīni kathinasadisāni, idaṃ pana kiriyākiriyanti.
ਆવਸਥਚੀવਰਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Āvasathacīvarasikkhāpadavaṇṇanā niṭṭhitā.
੮. ਆવਸਥવਿਹਾਰਸਿਕ੍ਖਾਪਦવਣ੍ਣਨਾ
8. Āvasathavihārasikkhāpadavaṇṇanā
ਅਟ੍ਠਮੇ ਆવਸਥਨ੍ਤਿ ਕવਾਟਬਦ੍ਧવਿਹਾਰਂ। ਅਨਿਸ੍ਸਜ੍ਜਿਤ੍વਾਤਿ ਰਕ੍ਖਣਤ੍ਥਾਯ ਅਦਤ੍વਾ, ‘‘ਇਦਂ ਜਗ੍ਗੇਯ੍ਯਾਸੀ’’ਤਿ ਏવਂ ਅਨਾਪੁਚ੍ਛਿਤ੍વਾਤਿ ਅਤ੍ਥੋ। ਚਾਰਿਕਂ ਪਕ੍ਕਮੇਯ੍ਯ ਪਾਚਿਤ੍ਤਿਯਨ੍ਤਿ ਏਤ੍ਥ ਸਕਗਾਮਤੋ ਅਞ੍ਞਂ ਗਾਮਂ ਏਕਰਤ੍ਤਿવਾਸਤ੍ਥਾਯਪਿ ਪਕ੍ਕਮਨ੍ਤਿਯਾ ਪਰਿਕ੍ਖਿਤ੍ਤਸ੍ਸ ਆવਸਥਸ੍ਸ ਪਰਿਕ੍ਖੇਪਂ, ਅਪਰਿਕ੍ਖਿਤ੍ਤਸ੍ਸ ਉਪਚਾਰਂ ਪਠਮਪਾਦੇਨ ਅਤਿਕ੍ਕਨ੍ਤਮਤ੍ਤੇ ਦੁਕ੍ਕਟਂ, ਦੁਤਿਯੇਨ ਪਾਚਿਤ੍ਤਿਯਂ।
Aṭṭhame āvasathanti kavāṭabaddhavihāraṃ. Anissajjitvāti rakkhaṇatthāya adatvā, ‘‘idaṃ jaggeyyāsī’’ti evaṃ anāpucchitvāti attho. Cārikaṃ pakkameyya pācittiyanti ettha sakagāmato aññaṃ gāmaṃ ekarattivāsatthāyapi pakkamantiyā parikkhittassa āvasathassa parikkhepaṃ, aparikkhittassa upacāraṃ paṭhamapādena atikkantamatte dukkaṭaṃ, dutiyena pācittiyaṃ.
ਸਾવਤ੍ਥਿਯਂ ਥੁਲ੍ਲਨਨ੍ਦਂ ਆਰਬ੍ਭ ਆવਸਥਂ ਅਨਿਸ੍ਸਜ੍ਜਿਤ੍વਾ ਚਾਰਿਕਂ ਪਕ੍ਕਮਨવਤ੍ਥੁਸ੍ਮਿਂ ਪਞ੍ਞਤ੍ਤਂ, ਤਿਕਪਾਚਿਤ੍ਤਿਯਂ, ਅਕવਾਟਬਦ੍ਧੇ ਦੁਕ੍ਕਟਂ, ਨਿਸ੍ਸਜ੍ਜਿਤੇ ਦ੍વਿਕਦੁਕ੍ਕਟਂ। ਤਸ੍ਮਿਂ ਪਨ ਨਿਸ੍ਸਜ੍ਜਿਤਸਞ੍ਞਾਯ, ਸਤਿ ਅਨ੍ਤਰਾਯੇ, ਪਟਿਜਗ੍ਗਿਕਂ ਪਰਿਯੇਸਿਤ੍વਾ ਅਲਭਨ੍ਤਿਯਾ, ਗਿਲਾਨਾਯ, ਆਪਦਾਸੁ, ਉਮ੍ਮਤ੍ਤਿਕਾਦੀਨਞ੍ਚ ਅਨਾਪਤ੍ਤਿ। ਸਕવਾਟਬਦ੍ਧਤਾ, વੁਤ੍ਤਨਯੇਨ ਪਕ੍ਕਮਨਂ, ਅਨੁਞ੍ਞਾਤਕਾਰਣਾਭਾવੋਤਿ ਇਮਾਨੇਤ੍ਥ ਤੀਣਿ ਅਙ੍ਗਾਨਿ। ਸਮੁਟ੍ਠਾਨਾਦੀਨਿ ਕਥਿਨਸਦਿਸਾਨੀਤਿ, ਇਦਂ ਪਨ ਕਿਰਿਯਾਕਿਰਿਯਨ੍ਤਿ।
Sāvatthiyaṃ thullanandaṃ ārabbha āvasathaṃ anissajjitvā cārikaṃ pakkamanavatthusmiṃ paññattaṃ, tikapācittiyaṃ, akavāṭabaddhe dukkaṭaṃ, nissajjite dvikadukkaṭaṃ. Tasmiṃ pana nissajjitasaññāya, sati antarāye, paṭijaggikaṃ pariyesitvā alabhantiyā, gilānāya, āpadāsu, ummattikādīnañca anāpatti. Sakavāṭabaddhatā, vuttanayena pakkamanaṃ, anuññātakāraṇābhāvoti imānettha tīṇi aṅgāni. Samuṭṭhānādīni kathinasadisānīti, idaṃ pana kiriyākiriyanti.
ਆવਸਥવਿਹਾਰਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Āvasathavihārasikkhāpadavaṇṇanā niṭṭhitā.
੯. ਤਿਰਚ੍ਛਾਨવਿਜ੍ਜਾਪਰਿਯਾਪੁਣਨਸਿਕ੍ਖਾਪਦવਣ੍ਣਨਾ
9. Tiracchānavijjāpariyāpuṇanasikkhāpadavaṇṇanā
ਨવਮੇ ਤਿਰਚ੍ਛਾਨવਿਜ੍ਜਨ੍ਤਿ ਯਂਕਿਞ੍ਚਿ ਬਾਹਿਰਕਂ ਅਨਤ੍ਥਸਂਹਿਤਂ ਹਤ੍ਥਿਅਸ੍ਸਰਥਧਨੁਥਰੁਸਿਪ੍ਪਆਥਬ੍ਬਣਖਿਲਨવਸੀਕਰਣਸੋਸਾਪਨਮਨ੍ਤਾਗਦਪ੍ਪਯੋਗਾਦਿਭੇਦਂ ਪਰੂਪਘਾਤਕਰਂ વਿਜ੍ਜਂ। ਪਰਿਯਾਪੁਣੇਯ੍ਯਾਤਿ ਏਤ੍ਥ ਯਸ੍ਸ ਕਸ੍ਸਚਿ ਸਨ੍ਤਿਕੇ ਤਂ ਪਦਾਦਿવਸੇਨ ਪਰਿਯਾਪੁਣਨ੍ਤਿਯਾ ਪਦਗਣਨਾਯ ਚੇવ ਅਕ੍ਖਰਗਣਨਾਯ ਚ ਪਾਚਿਤ੍ਤਿਯਨ੍ਤਿ।
Navame tiracchānavijjanti yaṃkiñci bāhirakaṃ anatthasaṃhitaṃ hatthiassarathadhanutharusippaāthabbaṇakhilanavasīkaraṇasosāpanamantāgadappayogādibhedaṃ parūpaghātakaraṃ vijjaṃ. Pariyāpuṇeyyāti ettha yassa kassaci santike taṃ padādivasena pariyāpuṇantiyā padagaṇanāya ceva akkharagaṇanāya ca pācittiyanti.
ਤਿਰਚ੍ਛਾਨવਿਜ੍ਜਾਪਰਿਯਾਪੁਣਨਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Tiracchānavijjāpariyāpuṇanasikkhāpadavaṇṇanā niṭṭhitā.
੧੦. ਤਿਰਚ੍ਛਾਨવਿਜ੍ਜਾવਾਚਨਸਿਕ੍ਖਾਪਦવਣ੍ਣਨਾ
10. Tiracchānavijjāvācanasikkhāpadavaṇṇanā
ਦਸਮੇ વਾਚੇਯ੍ਯਾਤਿ ਪਦਂ વਿਸੇਸੋ। ਉਭਯਮ੍ਪਿ ਸਾવਤ੍ਥਿਯਂ ਛਬ੍ਬਗ੍ਗਿਯਾ ਚੇવ ਸਮ੍ਬਹੁਲਾ ਭਿਕ੍ਖੁਨਿਯੋ ਚ ਆਰਬ੍ਭ ਤਿਰਚ੍ਛਾਨવਿਜ੍ਜਂ ਪਰਿਯਾਪੁਣਨવਾਚਨવਤ੍ਥੁਸ੍ਮਿਂ ਪਞ੍ਞਤ੍ਤਂ। ਲੇਖੇ, ਧਾਰਣਾਯ ਚ, ਗੁਤ੍ਤਤ੍ਥਾਯ ਚ ਯਕ੍ਖਪਰਿਤ੍ਤਨਾਗਮਣ੍ਡਲਾਦਿਕੇ ਸਬ੍ਬਪਰਿਤ੍ਤੇ, ਉਮ੍ਮਤ੍ਤਿਕਾਦੀਨਞ੍ਚ ਅਨਾਪਤ੍ਤਿ। ਤਿਰਚ੍ਛਾਨવਿਜ੍ਜਤਾ, ਪਰਿਯਾਪੁਣਨવਾਚਨਾ, ਅਨੁਞ੍ਞਾਤਕਾਰਣਾਭਾવੋਤਿ ਇਮਾਨੇਤ੍ਥ ਦ੍વੀਸੁਪਿ ਤੀਣਿ ਅਙ੍ਗਾਨਿ। ਸਮੁਟ੍ਠਾਨਾਦੀਨਿ ਪਦਸੋਧਮ੍ਮਸਦਿਸਾਨੀਤਿ।
Dasame vāceyyāti padaṃ viseso. Ubhayampi sāvatthiyaṃ chabbaggiyā ceva sambahulā bhikkhuniyo ca ārabbha tiracchānavijjaṃ pariyāpuṇanavācanavatthusmiṃ paññattaṃ. Lekhe, dhāraṇāya ca, guttatthāya ca yakkhaparittanāgamaṇḍalādike sabbaparitte, ummattikādīnañca anāpatti. Tiracchānavijjatā, pariyāpuṇanavācanā, anuññātakāraṇābhāvoti imānettha dvīsupi tīṇi aṅgāni. Samuṭṭhānādīni padasodhammasadisānīti.
ਤਿਰਚ੍ਛਾਨવਿਜ੍ਜਾવਾਚਨਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Tiracchānavijjāvācanasikkhāpadavaṇṇanā niṭṭhitā.
ਚਿਤ੍ਤਾਗਾਰવਗ੍ਗੋ ਪਞ੍ਚਮੋ।
Cittāgāravaggo pañcamo.
