| Library / Tipiṭaka / তিপিটক • Tipiṭaka / পাচিত্যাদিযোজনাপাল়ি • Pācityādiyojanāpāḷi |
২১৬. ছিন্নকচীৰরানুজাননকথা
216. Chinnakacīvarānujānanakathā
৩৪৫. দীঘমরিযাদবদ্ধন্তি দীঘেন মরিযাদেন বদ্ধং। চতুক্কসণ্ঠানন্তি চতুন্নং মগ্গানং সমোধানসণ্ঠানং। উস্সহসি ত্ৰন্তি এত্থ উপুব্বো সহধাতু সমত্থত্থোতি আহ ‘‘সক্কোসি ত্ৰ’’ন্তি। পপুব্বো পন অভিভৰনত্থো হোতি ‘‘পসহতী’’তিআদীসু। যো নামাতি যো আনন্দো আজানিস্সতি নাম, সো আনন্দো পণ্ডিতোতি যোজনা। ‘‘কুসী’’তি এতং নামং অধিৰচনন্তি যোজনা। অনুৰাতাদীনন্তি আদিসদ্দেন পরিভণ্ডাদীনি সঙ্গণ্হাতি। ‘‘অড্ঢকুসী’’তি এতন্তি যোজনা।
345.Dīghamariyādabaddhanti dīghena mariyādena baddhaṃ. Catukkasaṇṭhānanti catunnaṃ maggānaṃ samodhānasaṇṭhānaṃ. Ussahasi tvanti ettha upubbo sahadhātu samatthatthoti āha ‘‘sakkosi tva’’nti. Papubbo pana abhibhavanattho hoti ‘‘pasahatī’’tiādīsu. Yo nāmāti yo ānando ājānissati nāma, so ānando paṇḍitoti yojanā. ‘‘Kusī’’ti etaṃ nāmaṃ adhivacananti yojanā. Anuvātādīnanti ādisaddena paribhaṇḍādīni saṅgaṇhāti. ‘‘Aḍḍhakusī’’ti etanti yojanā.
গীৰেয্যকন্তি এত্থ গীৰাযং সুত্তসংসিব্বিতং গীৰেয্যকন্তি ৰচনত্থং দস্সেন্তো আহ ‘‘গীৰাৰেঠনট্ঠানে’’তিআদি। ‘‘আগন্তুকপট্ট’’ন্তি ইমিনা এয্যকপচ্চযস্স সরূপং দস্সেতি। এসেৰ নযো জঙ্ঘেয্যকন্তি এত্থাপি। এতং নামন্তি ‘‘গীৰেয্যকং, জঙ্ঘেয্যক’’ন্তি এতং নামং। ইতীতি এৰং। এতন্তি ‘‘অনুৰিৰট্ট’’ন্তিআদি এতং। ‘‘অনুৰিৰট্ট’’ন্তি এতং নামন্তি যোজনা। ৰিৰট্টস্সাতি মজ্ঝিমখণ্ডকস্স। বাহন্তন্তি এত্থ বাহায উপরি ঠপিতা অন্তা বাহন্তাতি ৰচনত্থং দস্সেন্তো আহ ‘‘বাহাযা’’তিআদি। তেসন্তি উভিন্নমন্তানং। এতন্তি ‘‘বাহন্ত’’ন্তি এতং।
Gīveyyakanti ettha gīvāyaṃ suttasaṃsibbitaṃ gīveyyakanti vacanatthaṃ dassento āha ‘‘gīvāveṭhanaṭṭhāne’’tiādi. ‘‘Āgantukapaṭṭa’’nti iminā eyyakapaccayassa sarūpaṃ dasseti. Eseva nayo jaṅgheyyakanti etthāpi. Etaṃ nāmanti ‘‘gīveyyakaṃ, jaṅgheyyaka’’nti etaṃ nāmaṃ. Itīti evaṃ. Etanti ‘‘anuvivaṭṭa’’ntiādi etaṃ. ‘‘Anuvivaṭṭa’’nti etaṃ nāmanti yojanā. Vivaṭṭassāti majjhimakhaṇḍakassa. Bāhantanti ettha bāhāya upari ṭhapitā antā bāhantāti vacanatthaṃ dassento āha ‘‘bāhāyā’’tiādi. Tesanti ubhinnamantānaṃ. Etanti ‘‘bāhanta’’nti etaṃ.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰগ্গপাল়ি • Mahāvaggapāḷi / ২১৬. ছিন্নকচীৰরানুজাননা • 216. Chinnakacīvarānujānanā
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰগ্গ-অট্ঠকথা • Mahāvagga-aṭṭhakathā / ছিন্নকচীৰরানুজাননকথা • Chinnakacīvarānujānanakathā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / চীৰররজনকথাদিৰণ্ণনা • Cīvararajanakathādivaṇṇanā
