| Library / Tipiṭaka / တိပိဋက • Tipiṭaka / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) |
၈. ဆေတ္ဝာဝဂ္ဂော
8. Chetvāvaggo
၁. ဆေတ္ဝာသုတ္တဝဏ္ဏနာ
1. Chetvāsuttavaṇṇanā
၇၁. ဆေတ္ဝာဝဂ္ဂသ္သ ပဌမေ ဆေတ္ဝာတိ ဝဓိတ္ဝာ။ သုခံ သေတီတိ ကောဓပရိဠာဟေန အပရိဒယ္ဟမာနတ္တာ သုခံ သယတိ။ န သောစတီတိ ကောဓဝိနာသေန ဝိနဋ္ဌဒောမနသ္သတ္တာ န သောစတိ။ ဝိသမူလသ္သာတိ ဒုက္ခဝိပာကသ္သ ။ မဓုရဂ္ဂသ္သာတိ ကုဒ္ဓသ္သ ပဋိကုဇ္ဈိတ္ဝာ, အက္ကုဋ္ဌသ္သ ပစ္စက္ကောသိတ္ဝာ, ပဟဋသ္သ စ ပဋိပဟရိတ္ဝာ သုခံ ဥပ္ပဇ္ဇတိ, တံ သန္ဓာယ မဓုရဂ္ဂောတိ ဝုတ္တော။ ဣမသ္မိံ ဟိ ဌာနေ ပရိယောသာနံ အဂ္ဂန္တိ ဝုတ္တံ။ အရိယာတိ ဗုဒ္ဓာဒယော။ ပဌမံ။
71. Chetvāvaggassa paṭhame chetvāti vadhitvā. Sukhaṃ setīti kodhapariḷāhena aparidayhamānattā sukhaṃ sayati. Na socatīti kodhavināsena vinaṭṭhadomanassattā na socati. Visamūlassāti dukkhavipākassa . Madhuraggassāti kuddhassa paṭikujjhitvā, akkuṭṭhassa paccakkositvā, pahaṭassa ca paṭipaharitvā sukhaṃ uppajjati, taṃ sandhāya madhuraggoti vutto. Imasmiṃ hi ṭhāne pariyosānaṃ agganti vuttaṃ. Ariyāti buddhādayo. Paṭhamaṃ.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၁. ဆေတ္ဝာသုတ္တံ • 1. Chetvāsuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၁. ဆေတ္ဝာသုတ္တဝဏ္ဏနာ • 1. Chetvāsuttavaṇṇanā
