| Library / Tipiṭaka / តិបិដក • Tipiṭaka / សំយុត្តនិកាយ (ដីកា) • Saṃyuttanikāya (ṭīkā) |
៨. ឆេត្វាវគ្គោ
8. Chetvāvaggo
១. ឆេត្វាសុត្តវណ្ណនា
1. Chetvāsuttavaṇṇanā
៧១. វធិត្វាតិ ហន្ត្វា វិនាសេត្វា។ អបរិទយ្ហមានត្តាតិ អបីឡិយមានត្តា។ វិនដ្ឋទោមនស្សត្តា ន សោចតិ ចេតោទុក្ខទុក្ខាភាវតោ។ វិសំ នាម ទុក្ខំ អនិដ្ឋភាវតោ, តស្ស មូលការណំ កោធោ អនិដ្ឋផលត្តាតិ អាហ ‘‘វិសមូលស្សាតិ ទុក្ខវិបាកស្សា’’តិ។ អក្កុដ្ឋស្សាតិ អក្កោសាបរាធស្ស។ អក្កោសបហារត្ថសម្ពន្ធេន ហិ ‘‘កុទ្ធស្សា’’តិ ឧបយោគត្ថេ សម្បទានវចនំ។ សុខំ ឧប្បជ្ជតិ កោធំ នស្សតិ។ សុខុប្បត្តិំ សន្ធាយ ឯស កោធោ ‘‘មធុរគ្គោ’’តិ វុត្តោ, សុខាវសានោតិ អត្ថោ។
71.Vadhitvāti hantvā vināsetvā. Aparidayhamānattāti apīḷiyamānattā. Vinaṭṭhadomanassattā na socati cetodukkhadukkhābhāvato. Visaṃ nāma dukkhaṃ aniṭṭhabhāvato, tassa mūlakāraṇaṃ kodho aniṭṭhaphalattāti āha ‘‘visamūlassāti dukkhavipākassā’’ti. Akkuṭṭhassāti akkosāparādhassa. Akkosapahāratthasambandhena hi ‘‘kuddhassā’’ti upayogatthe sampadānavacanaṃ. Sukhaṃ uppajjati kodhaṃ nassati. Sukhuppattiṃ sandhāya esa kodho ‘‘madhuraggo’’ti vutto, sukhāvasānoti attho.
ឆេត្វាសុត្តវណ្ណនា និដ្ឋិតា។
Chetvāsuttavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ១. ឆេត្វាសុត្តំ • 1. Chetvāsuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ១. ឆេត្វាសុត្តវណ្ណនា • 1. Chetvāsuttavaṇṇanā
