| Library / Tipiṭaka / तिपिटक • Tipiṭaka / संयुत्तनिकाय (अट्ठकथा) • Saṃyuttanikāya (aṭṭhakathā) |
६-११. छेदनसुत्तादिवण्णना
6-11. Chedanasuttādivaṇṇanā
११६६-७१. छेदनादीसु छेदनन्ति हत्थच्छेदनादि। वधोति मरणं। बन्धोति रज्जुबन्धनादीहि बन्धनं। विपरामोसोति हिमविपरामोसो, गुम्बविपरामोसोति दुविधो। यं हिमपातसमये हिमेन पटिच्छन्ना हुत्वा मग्गपटिपन्नं जनं मुसन्ति, अयं हिमविपरामोसो। यं गुम्बादिपटिच्छन्ना मुसन्ति, अयं गुम्बविपरामोसो।
1166-71.Chedanādīsu chedananti hatthacchedanādi. Vadhoti maraṇaṃ. Bandhoti rajjubandhanādīhi bandhanaṃ. Viparāmosoti himaviparāmoso, gumbaviparāmosoti duvidho. Yaṃ himapātasamaye himena paṭicchannā hutvā maggapaṭipannaṃ janaṃ musanti, ayaṃ himaviparāmoso. Yaṃ gumbādipaṭicchannā musanti, ayaṃ gumbaviparāmoso.
आलोपो वुच्चति गामनिगमादीनं विलोपकरणं। सहसाकारोति साहसकिरिया, गेहं पविसित्वा, मनुस्सानं उरे सत्थं ठपेत्वा, इच्छितभण्डग्गहणं। एवमेतस्मा छेदनवधबन्धनविपरामोसआलोपसहसाकारा पटिविरता। सेसं सब्बत्थ उत्तानत्थमेवाति।
Ālopo vuccati gāmanigamādīnaṃ vilopakaraṇaṃ. Sahasākāroti sāhasakiriyā, gehaṃ pavisitvā, manussānaṃ ure satthaṃ ṭhapetvā, icchitabhaṇḍaggahaṇaṃ. Evametasmā chedanavadhabandhanaviparāmosaālopasahasākārā paṭiviratā. Sesaṃ sabbattha uttānatthamevāti.
आमकधञ्ञपेय्यालवण्णना निट्ठिता।
Āmakadhaññapeyyālavaṇṇanā niṭṭhitā.
इति सारत्थप्पकासिनिया संयुत्तनिकाय-अट्ठकथाय
Iti sāratthappakāsiniyā saṃyuttanikāya-aṭṭhakathāya
महावग्गवण्णना निट्ठिता।
Mahāvaggavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya / ६-११. छेदनादिसुत्तं • 6-11. Chedanādisuttaṃ
टीका • Tīkā / सुत्तपिटक (टीका) • Suttapiṭaka (ṭīkā) / संयुत्तनिकाय (टीका) • Saṃyuttanikāya (ṭīkā) / ६-११. छेदनसुत्तादिवण्णना • 6-11. Chedanasuttādivaṇṇanā
