| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
৮. ছৰিসুত্তং
8. Chavisuttaṃ
১৭৭. সাৰত্থিযং ৰিহরতি…পে॰… ‘‘দারুণো, ভিক্খৰে, লাভসক্কারসিলোকো। লাভসক্কারসিলোকো , ভিক্খৰে, ছৰিং ছিন্দতি, ছৰিং ছেত্ৰা চম্মং ছিন্দতি, চম্মং ছেত্ৰা মংসং ছিন্দতি, মংসং ছেত্ৰা ন্হারুং ছিন্দতি, ন্হারুং ছেত্ৰা অট্ঠিং ছিন্দতি, অট্ঠিং ছেত্ৰা অট্ঠিমিঞ্জং আহচ্চ তিট্ঠতি। এৰং দারুণো খো, ভিক্খৰে, লাভসক্কারসিলোকো…পে॰… এৰঞ্হি ৰো ভিক্খৰে, সিক্খিতব্ব’’ন্তি। অট্ঠমং।
177. Sāvatthiyaṃ viharati…pe… ‘‘dāruṇo, bhikkhave, lābhasakkārasiloko. Lābhasakkārasiloko , bhikkhave, chaviṃ chindati, chaviṃ chetvā cammaṃ chindati, cammaṃ chetvā maṃsaṃ chindati, maṃsaṃ chetvā nhāruṃ chindati, nhāruṃ chetvā aṭṭhiṃ chindati, aṭṭhiṃ chetvā aṭṭhimiñjaṃ āhacca tiṭṭhati. Evaṃ dāruṇo kho, bhikkhave, lābhasakkārasiloko…pe… evañhi vo bhikkhave, sikkhitabba’’nti. Aṭṭhamaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৮. ছৰিসুত্তৰণ্ণনা • 8. Chavisuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৮. ছৰিসুত্তৰণ্ণনা • 8. Chavisuttavaṇṇanā
