| Library / Tipiṭaka / തിപിടക • Tipiṭaka / പരിവാരപാളി • Parivārapāḷi |
൯. ഛത്തുപാഹനവഗ്ഗോ
9. Chattupāhanavaggo
൨൩൯. ഛത്തുപാഹനം ധാരേന്തീ ദ്വേ ആപത്തിയോ ആപജ്ജതി. ധാരേതി, പയോഗേ ദുക്കടം; ധാരിതേ, ആപത്തി പാചിത്തിയസ്സ.
239. Chattupāhanaṃ dhārentī dve āpattiyo āpajjati. Dhāreti, payoge dukkaṭaṃ; dhārite, āpatti pācittiyassa.
യാനേന യായന്തീ ദ്വേ ആപത്തിയോ ആപജ്ജതി. യായതി, പയോഗേ ദുക്കടം; യായിതേ, ആപത്തി പാചിത്തിയസ്സ.
Yānena yāyantī dve āpattiyo āpajjati. Yāyati, payoge dukkaṭaṃ; yāyite, āpatti pācittiyassa.
സങ്ഘാണിം ധാരേന്തീ ദ്വേ ആപത്തിയോ ആപജ്ജതി. ധാരേതി, പയോഗേ ദുക്കടം; ധാരിതേ, ആപത്തി പാചിത്തിയസ്സ.
Saṅghāṇiṃ dhārentī dve āpattiyo āpajjati. Dhāreti, payoge dukkaṭaṃ; dhārite, āpatti pācittiyassa.
ഇത്ഥാലങ്കാരം ധാരേന്തീ ദ്വേ ആപത്തിയോ ആപജ്ജതി. ധാരേതി, പയോഗേ ദുക്കടം; ധാരിതേ, ആപത്തി പാചിത്തിയസ്സ.
Itthālaṅkāraṃ dhārentī dve āpattiyo āpajjati. Dhāreti, payoge dukkaṭaṃ; dhārite, āpatti pācittiyassa.
ഗന്ധവണ്ണകേന നഹായന്തീ ദ്വേ ആപത്തിയോ ആപജ്ജതി. നഹായതി , പയോഗേ ദുക്കടം; നഹാനപരിയോസാനേ, ആപത്തി പാചിത്തിയസ്സ.
Gandhavaṇṇakena nahāyantī dve āpattiyo āpajjati. Nahāyati , payoge dukkaṭaṃ; nahānapariyosāne, āpatti pācittiyassa.
വാസിതകേന പിഞ്ഞാകേന നഹായന്തീ ദ്വേ ആപത്തിയോ ആപജ്ജതി. നഹായതി, പയോഗേ ദുക്കടം; നഹാനപരിയോസാനേ, ആപത്തി പാചിത്തിയസ്സ.
Vāsitakena piññākena nahāyantī dve āpattiyo āpajjati. Nahāyati, payoge dukkaṭaṃ; nahānapariyosāne, āpatti pācittiyassa.
ഭിക്ഖുനിയാ ഉമ്മദ്ദാപേന്തീ പരിമദ്ദാപേന്തീ ദ്വേ ആപത്തിയോ ആപജ്ജതി. ഉമ്മദ്ദാപേതി, പയോഗേ ദുക്കടം; ഉമ്മദ്ദിതേ, ആപത്തി പാചിത്തിയസ്സ.
Bhikkhuniyā ummaddāpentī parimaddāpentī dve āpattiyo āpajjati. Ummaddāpeti, payoge dukkaṭaṃ; ummaddite, āpatti pācittiyassa.
സിക്ഖമാനായ ഉമ്മദ്ദാപേന്തീ പരിമദ്ദാപേന്തീ ദ്വേ ആപത്തിയോ ആപജ്ജതി. ഉമ്മദ്ദാപേതി, പയോഗേ ദുക്കടം; ഉമ്മദ്ദിതേ, ആപത്തി പാചിത്തിയസ്സ.
Sikkhamānāya ummaddāpentī parimaddāpentī dve āpattiyo āpajjati. Ummaddāpeti, payoge dukkaṭaṃ; ummaddite, āpatti pācittiyassa.
സാമണേരിയാ ഉമ്മദ്ദാപേന്തീ പരിമദ്ദാപേന്തീ ദ്വേ ആപത്തിയോ ആപജ്ജതി. ഉമ്മദ്ദാപേതി, പയോഗേ ദുക്കടം; ഉമ്മദ്ദിതേ, ആപത്തി പാചിത്തിയസ്സ.
Sāmaṇeriyā ummaddāpentī parimaddāpentī dve āpattiyo āpajjati. Ummaddāpeti, payoge dukkaṭaṃ; ummaddite, āpatti pācittiyassa.
ഗിഹിനിയാ ഉമ്മദ്ദാപേന്തീ പരിമദ്ദാപേന്തീ ദ്വേ ആപത്തിയോ ആപജ്ജതി. ഉമ്മദ്ദാപേതി, പയോഗേ ദുക്കടം; ഉമ്മദ്ദിതേ, ആപത്തി പാചിത്തിയസ്സ.
Gihiniyā ummaddāpentī parimaddāpentī dve āpattiyo āpajjati. Ummaddāpeti, payoge dukkaṭaṃ; ummaddite, āpatti pācittiyassa.
ഭിക്ഖുസ്സ പുരതോ അനാപുച്ഛാ ആസനേ നിസീദന്തീ ദ്വേ ആപത്തിയോ ആപജ്ജതി. നിസീദതി, പയോഗേ ദുക്കടം; നിസിന്നേ, ആപത്തി പാചിത്തിയസ്സ.
Bhikkhussa purato anāpucchā āsane nisīdantī dve āpattiyo āpajjati. Nisīdati, payoge dukkaṭaṃ; nisinne, āpatti pācittiyassa.
അനോകാസകതം ഭിക്ഖും പഞ്ഹം പുച്ഛന്തീ ദ്വേ ആപത്തിയോ ആപജ്ജതി. പുച്ഛതി, പയോഗേ ദുക്കടം; പുച്ഛിതേ, ആപത്തി പാചിത്തിയസ്സ.
Anokāsakataṃ bhikkhuṃ pañhaṃ pucchantī dve āpattiyo āpajjati. Pucchati, payoge dukkaṭaṃ; pucchite, āpatti pācittiyassa.
അസങ്കച്ചികാ ഗാമം പവിസന്തീ ദ്വേ ആപത്തിയോ ആപജ്ജതി. പഠമം പാദം പരിക്ഖേപം അതിക്കാമേതി, ആപത്തി ദുക്കടസ്സ; ദുതിയം പാദം അതിക്കാമേതി, ആപത്തി പാചിത്തിയസ്സ.
Asaṅkaccikā gāmaṃ pavisantī dve āpattiyo āpajjati. Paṭhamaṃ pādaṃ parikkhepaṃ atikkāmeti, āpatti dukkaṭassa; dutiyaṃ pādaṃ atikkāmeti, āpatti pācittiyassa.
ഛത്തുപാഹനവഗ്ഗോ നവമോ.
Chattupāhanavaggo navamo.
ഖുദ്ദകം നിട്ഠിതം.
Khuddakaṃ niṭṭhitaṃ.
