| Library / Tipiṭaka / ਤਿਪਿਟਕ • Tipiṭaka / ਕਙ੍ਖਾવਿਤਰਣੀ-ਅਭਿਨવ-ਟੀਕਾ • Kaṅkhāvitaraṇī-abhinava-ṭīkā |
੯. ਛਤ੍ਤੁਪਾਹਨવਗ੍ਗੋ
9. Chattupāhanavaggo
੧-੨. ਛਤ੍ਤੁਪਾਹਨਾਦਿਸਿਕ੍ਖਾਪਦવਣ੍ਣਨਾ
1-2. Chattupāhanādisikkhāpadavaṇṇanā
વੁਤ੍ਤਲਕ੍ਖਣਂ ਛਤ੍ਤਨ੍ਤਿ ‘‘ਛਤ੍ਤਂ ਨਾਮ ਤੀਣਿ ਛਤ੍ਤਾਨਿ – ਸੇਤਚ੍ਛਤ੍ਤਂ, ਕਿਲਞ੍ਜਚ੍ਛਤ੍ਤਂ, ਪਣ੍ਣਚ੍ਛਤ੍ਤਂ ਮਣ੍ਡਲਬਦ੍ਧਂ, ਸਲਾਕਬਦ੍ਧ’’ਨ੍ਤਿ (ਪਾਚਿ॰ ੧੧੮੧) ਏવਂ ਪਦਭਾਜਨੇ વੁਤ੍ਤਲਕ੍ਖਣਂ ਛਤ੍ਤਂ। ਤਾਦਿਸਂ ਠਾਨਂ ਪਤ੍વਾਤਿ ਗਚ੍ਛਕਦ੍ਦਮਾਦੀਸੁ ਤਂ ਤਂ ਠਾਨਂ ਪਤ੍વਾ।
Vuttalakkhaṇaṃ chattanti ‘‘chattaṃ nāma tīṇi chattāni – setacchattaṃ, kilañjacchattaṃ, paṇṇacchattaṃ maṇḍalabaddhaṃ, salākabaddha’’nti (pāci. 1181) evaṃ padabhājane vuttalakkhaṇaṃ chattaṃ. Tādisaṃ ṭhānaṃ patvāti gacchakaddamādīsu taṃ taṃ ṭhānaṃ patvā.
ਛਤ੍ਤਸ੍ਸੇવਾਤਿ ਕਦ੍ਦਮਾਦੀਨਿ ਪਤ੍વਾ ਉਪਾਹਨਾ ਓਮੁਞ੍ਚਿਤ੍વਾ ਛਤ੍ਤਸ੍ਸੇવ ਧਾਰਣਂ। ਉਪਾਹਨਾਨਂਯੇવ વਾਤਿ ਗਚ੍ਛਾਦੀਨਿ ਦਿਸ੍વਾ ਛਤ੍ਤਂ ਅਪਨਾਮੇਤ੍વਾ ਉਪਾਹਨਾਨਂਯੇવ ਧਾਰਣਂ।
Chattassevāti kaddamādīni patvā upāhanā omuñcitvā chattasseva dhāraṇaṃ. Upāhanānaṃyeva vāti gacchādīni disvā chattaṃ apanāmetvā upāhanānaṃyeva dhāraṇaṃ.
ਦੁਤਿਯਂ ਉਤ੍ਤਾਨਤ੍ਥਮੇવ।
Dutiyaṃ uttānatthameva.
ਛਤ੍ਤੁਪਾਹਨਾਦਿਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Chattupāhanādisikkhāpadavaṇṇanā niṭṭhitā.
