| Library / Tipiṭaka / ತಿಪಿಟಕ • Tipiṭaka / ಕಙ್ಖಾವಿತರಣೀ-ಅಭಿನವ-ಟೀಕಾ • Kaṅkhāvitaraṇī-abhinava-ṭīkā |
೯. ಛತ್ತುಪಾಹನವಗ್ಗೋ
9. Chattupāhanavaggo
೧-೨. ಛತ್ತುಪಾಹನಾದಿಸಿಕ್ಖಾಪದವಣ್ಣನಾ
1-2. Chattupāhanādisikkhāpadavaṇṇanā
ವುತ್ತಲಕ್ಖಣಂ ಛತ್ತನ್ತಿ ‘‘ಛತ್ತಂ ನಾಮ ತೀಣಿ ಛತ್ತಾನಿ – ಸೇತಚ್ಛತ್ತಂ, ಕಿಲಞ್ಜಚ್ಛತ್ತಂ, ಪಣ್ಣಚ್ಛತ್ತಂ ಮಣ್ಡಲಬದ್ಧಂ, ಸಲಾಕಬದ್ಧ’’ನ್ತಿ (ಪಾಚಿ॰ ೧೧೮೧) ಏವಂ ಪದಭಾಜನೇ ವುತ್ತಲಕ್ಖಣಂ ಛತ್ತಂ। ತಾದಿಸಂ ಠಾನಂ ಪತ್ವಾತಿ ಗಚ್ಛಕದ್ದಮಾದೀಸು ತಂ ತಂ ಠಾನಂ ಪತ್ವಾ।
Vuttalakkhaṇaṃ chattanti ‘‘chattaṃ nāma tīṇi chattāni – setacchattaṃ, kilañjacchattaṃ, paṇṇacchattaṃ maṇḍalabaddhaṃ, salākabaddha’’nti (pāci. 1181) evaṃ padabhājane vuttalakkhaṇaṃ chattaṃ. Tādisaṃ ṭhānaṃ patvāti gacchakaddamādīsu taṃ taṃ ṭhānaṃ patvā.
ಛತ್ತಸ್ಸೇವಾತಿ ಕದ್ದಮಾದೀನಿ ಪತ್ವಾ ಉಪಾಹನಾ ಓಮುಞ್ಚಿತ್ವಾ ಛತ್ತಸ್ಸೇವ ಧಾರಣಂ। ಉಪಾಹನಾನಂಯೇವ ವಾತಿ ಗಚ್ಛಾದೀನಿ ದಿಸ್ವಾ ಛತ್ತಂ ಅಪನಾಮೇತ್ವಾ ಉಪಾಹನಾನಂಯೇವ ಧಾರಣಂ।
Chattassevāti kaddamādīni patvā upāhanā omuñcitvā chattasseva dhāraṇaṃ. Upāhanānaṃyeva vāti gacchādīni disvā chattaṃ apanāmetvā upāhanānaṃyeva dhāraṇaṃ.
ದುತಿಯಂ ಉತ್ತಾನತ್ಥಮೇವ।
Dutiyaṃ uttānatthameva.
ಛತ್ತುಪಾಹನಾದಿಸಿಕ್ಖಾಪದವಣ್ಣನಾ ನಿಟ್ಠಿತಾ।
Chattupāhanādisikkhāpadavaṇṇanā niṭṭhitā.
