| Library / Tipiṭaka / តិបិដក • Tipiṭaka / កង្ខាវិតរណី-អភិនវ-ដីកា • Kaṅkhāvitaraṇī-abhinava-ṭīkā |
៩. ឆត្តុបាហនវគ្គោ
9. Chattupāhanavaggo
១-២. ឆត្តុបាហនាទិសិក្ខាបទវណ្ណនា
1-2. Chattupāhanādisikkhāpadavaṇṇanā
វុត្តលក្ខណំ ឆត្តន្តិ ‘‘ឆត្តំ នាម តីណិ ឆត្តានិ – សេតច្ឆត្តំ, កិលញ្ជច្ឆត្តំ, បណ្ណច្ឆត្តំ មណ្ឌលពទ្ធំ, សលាកពទ្ធ’’ន្តិ (បាចិ. ១១៨១) ឯវំ បទភាជនេ វុត្តលក្ខណំ ឆត្តំ។ តាទិសំ ឋានំ បត្វាតិ គច្ឆកទ្ទមាទីសុ តំ តំ ឋានំ បត្វា។
Vuttalakkhaṇaṃ chattanti ‘‘chattaṃ nāma tīṇi chattāni – setacchattaṃ, kilañjacchattaṃ, paṇṇacchattaṃ maṇḍalabaddhaṃ, salākabaddha’’nti (pāci. 1181) evaṃ padabhājane vuttalakkhaṇaṃ chattaṃ. Tādisaṃ ṭhānaṃ patvāti gacchakaddamādīsu taṃ taṃ ṭhānaṃ patvā.
ឆត្តស្សេវាតិ កទ្ទមាទីនិ បត្វា ឧបាហនា ឱមុញ្ចិត្វា ឆត្តស្សេវ ធារណំ។ ឧបាហនានំយេវ វាតិ គច្ឆាទីនិ ទិស្វា ឆត្តំ អបនាមេត្វា ឧបាហនានំយេវ ធារណំ។
Chattassevāti kaddamādīni patvā upāhanā omuñcitvā chattasseva dhāraṇaṃ. Upāhanānaṃyeva vāti gacchādīni disvā chattaṃ apanāmetvā upāhanānaṃyeva dhāraṇaṃ.
ទុតិយំ ឧត្តានត្ថមេវ។
Dutiyaṃ uttānatthameva.
ឆត្តុបាហនាទិសិក្ខាបទវណ្ណនា និដ្ឋិតា។
Chattupāhanādisikkhāpadavaṇṇanā niṭṭhitā.
