| Library / Tipiṭaka / તિપિટક • Tipiṭaka / કઙ્ખાવિતરણી-અભિનવ-ટીકા • Kaṅkhāvitaraṇī-abhinava-ṭīkā |
૯. છત્તુપાહનવગ્ગો
9. Chattupāhanavaggo
૧-૨. છત્તુપાહનાદિસિક્ખાપદવણ્ણના
1-2. Chattupāhanādisikkhāpadavaṇṇanā
વુત્તલક્ખણં છત્તન્તિ ‘‘છત્તં નામ તીણિ છત્તાનિ – સેતચ્છત્તં, કિલઞ્જચ્છત્તં, પણ્ણચ્છત્તં મણ્ડલબદ્ધં, સલાકબદ્ધ’’ન્તિ (પાચિ॰ ૧૧૮૧) એવં પદભાજને વુત્તલક્ખણં છત્તં. તાદિસં ઠાનં પત્વાતિ ગચ્છકદ્દમાદીસુ તં તં ઠાનં પત્વા.
Vuttalakkhaṇaṃ chattanti ‘‘chattaṃ nāma tīṇi chattāni – setacchattaṃ, kilañjacchattaṃ, paṇṇacchattaṃ maṇḍalabaddhaṃ, salākabaddha’’nti (pāci. 1181) evaṃ padabhājane vuttalakkhaṇaṃ chattaṃ. Tādisaṃ ṭhānaṃ patvāti gacchakaddamādīsu taṃ taṃ ṭhānaṃ patvā.
છત્તસ્સેવાતિ કદ્દમાદીનિ પત્વા ઉપાહના ઓમુઞ્ચિત્વા છત્તસ્સેવ ધારણં. ઉપાહનાનંયેવ વાતિ ગચ્છાદીનિ દિસ્વા છત્તં અપનામેત્વા ઉપાહનાનંયેવ ધારણં.
Chattassevāti kaddamādīni patvā upāhanā omuñcitvā chattasseva dhāraṇaṃ. Upāhanānaṃyeva vāti gacchādīni disvā chattaṃ apanāmetvā upāhanānaṃyeva dhāraṇaṃ.
દુતિયં ઉત્તાનત્થમેવ.
Dutiyaṃ uttānatthameva.
છત્તુપાહનાદિસિક્ખાપદવણ્ણના નિટ્ઠિતા.
Chattupāhanādisikkhāpadavaṇṇanā niṭṭhitā.
