| Library / Tipiṭaka / တိပိဋက • Tipiṭaka / ပာစိတ္ယာဒိယောဇနာပာဠိ • Pācityādiyojanāpāḷi |
၆. ဆဋ္ဌသင္ဃာဒိသေသသိက္ခာပဒံ
6. Chaṭṭhasaṅghādisesasikkhāpadaṃ
၇၀၅. ဆဋ္ဌေ ယတော တ္ဝန္တိ ဧတ္ထ ကာရဏတ္ထေ တောပစ္စယောတိ အာဟ ‘‘ယသ္မာ’’တိ။ ကသ္သာ ဟောန္တီတိ ဥယ္ယောဇိကာဥယ္ယောဇိတာသု ကသ္သာ ဘိက္ခုနိယာ ဟောန္တီတိ ယောဇနာ။ န ဒေတီတိ ဥယ္ယောဇိကာ ဥယ္ယောဇိတာယ န ဒေတိ။ န ပဋိဂ္ဂဏ္ဟာတီတိ ဥယ္ယောဇိတာ ဥယ္ယောဇိကာယ ဟတ္ထတော န ပဋိဂ္ဂဏ္ဟာတိ။ ပဋိဂ္ဂဟော တေန န ဝိဇ္ဇတီတိ တေနေဝ ကာရဏေန ဥယ္ယောဇိကာယ ဟတ္ထတော ဥယ္ယောဇိတာယ ပဋိဂ္ဂဟော န ဝိဇ္ဇတိ။ အာပဇ္ဇတိ ဂရုကံ, န လဟုကန္တိ ဧဝံ သန္တေပိ ဥယ္ယောဇိကာ ဂရုကမေဝ သင္ဃာဒိသေသာပတ္တိံ အာပဇ္ဇတိ, န လဟုကံ။ တဉ္စာတိ တံ အာပဇ္ဇနဉ္စ။ ပရိဘောဂပစ္စယာတိ ဥယ္ယောဇိကာယ ပရိဘောဂသင္ခာတာ ကာရဏာတိ အယံ ဂာထာယတ္ထော။
705. Chaṭṭhe yato tvanti ettha kāraṇatthe topaccayoti āha ‘‘yasmā’’ti. Kassā hontīti uyyojikāuyyojitāsu kassā bhikkhuniyā hontīti yojanā. Nadetīti uyyojikā uyyojitāya na deti. Na paṭiggaṇhātīti uyyojitā uyyojikāya hatthato na paṭiggaṇhāti. Paṭiggaho tena na vijjatīti teneva kāraṇena uyyojikāya hatthato uyyojitāya paṭiggaho na vijjati. Āpajjati garukaṃ, na lahukanti evaṃ santepi uyyojikā garukameva saṅghādisesāpattiṃ āpajjati, na lahukaṃ. Tañcāti taṃ āpajjanañca. Paribhogapaccayāti uyyojikāya paribhogasaṅkhātā kāraṇāti ayaṃ gāthāyattho.
ဣတရိသ္သာ ပနာတိ ဥယ္ယောဇိတာယ ပန ဘိက္ခုနိယာ။ ပဌမသိက္ခာပဒေတိ ပဉ္စမသိက္ခာပဒေ။ ပဉ္စမသိက္ခာပဒဉ္ဟိ ဣမိနာ သိက္ခာပဒေန ယုဂဠဘာဝေန သဒိသတ္တာ ဣမံ ဥပာဒာယ ပဌမန္တိ ဝုတ္တန္တိ။ ဆဋ္ဌံ။
Itarissā panāti uyyojitāya pana bhikkhuniyā. Paṭhamasikkhāpadeti pañcamasikkhāpade. Pañcamasikkhāpadañhi iminā sikkhāpadena yugaḷabhāvena sadisattā imaṃ upādāya paṭhamanti vuttanti. Chaṭṭhaṃ.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / ဘိက္ခုနီဝိဘင္ဂ • Bhikkhunīvibhaṅga / ၆. ဆဋ္ဌသင္ဃာဒိသေသသိက္ခာပဒံ • 6. Chaṭṭhasaṅghādisesasikkhāpadaṃ
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / ဘိက္ခုနီဝိဘင္ဂ-အဋ္ဌကထာ • Bhikkhunīvibhaṅga-aṭṭhakathā / ၆. ဆဋ္ဌသင္ဃာဒိသေသသိက္ခာပဒဝဏ္ဏနာ • 6. Chaṭṭhasaṅghādisesasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ၆. ဆဋ္ဌသင္ဃာဒိသေသသိက္ခာပဒဝဏ္ဏနာ • 6. Chaṭṭhasaṅghādisesasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / ၆. ဆဋ္ဌသင္ဃာဒိသေသသိက္ခာပဒဝဏ္ဏနာ • 6. Chaṭṭhasaṅghādisesasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ၆. ဆဋ္ဌသင္ဃာဒိသေသသိက္ခာပဒဝဏ္ဏနာ • 6. Chaṭṭhasaṅghādisesasikkhāpadavaṇṇanā
