| Library / Tipiṭaka / তিপিটক • Tipiṭaka / পাচিত্যাদিযোজনাপাল়ি • Pācityādiyojanāpāḷi |
৬. ছট্ঠসঙ্ঘাদিসেসসিক্খাপদং
6. Chaṭṭhasaṅghādisesasikkhāpadaṃ
৭০৫. ছট্ঠে যতো ত্ৰন্তি এত্থ কারণত্থে তোপচ্চযোতি আহ ‘‘যস্মা’’তি। কস্সা হোন্তীতি উয্যোজিকাউয্যোজিতাসু কস্সা ভিক্খুনিযা হোন্তীতি যোজনা। ন দেতীতি উয্যোজিকা উয্যোজিতায ন দেতি। ন পটিগ্গণ্হাতীতি উয্যোজিতা উয্যোজিকায হত্থতো ন পটিগ্গণ্হাতি। পটিগ্গহো তেন ন ৰিজ্জতীতি তেনেৰ কারণেন উয্যোজিকায হত্থতো উয্যোজিতায পটিগ্গহো ন ৰিজ্জতি। আপজ্জতি গরুকং, ন লহুকন্তি এৰং সন্তেপি উয্যোজিকা গরুকমেৰ সঙ্ঘাদিসেসাপত্তিং আপজ্জতি, ন লহুকং। তঞ্চাতি তং আপজ্জনঞ্চ। পরিভোগপচ্চযাতি উয্যোজিকায পরিভোগসঙ্খাতা কারণাতি অযং গাথাযত্থো।
705. Chaṭṭhe yato tvanti ettha kāraṇatthe topaccayoti āha ‘‘yasmā’’ti. Kassā hontīti uyyojikāuyyojitāsu kassā bhikkhuniyā hontīti yojanā. Nadetīti uyyojikā uyyojitāya na deti. Na paṭiggaṇhātīti uyyojitā uyyojikāya hatthato na paṭiggaṇhāti. Paṭiggaho tena na vijjatīti teneva kāraṇena uyyojikāya hatthato uyyojitāya paṭiggaho na vijjati. Āpajjati garukaṃ, na lahukanti evaṃ santepi uyyojikā garukameva saṅghādisesāpattiṃ āpajjati, na lahukaṃ. Tañcāti taṃ āpajjanañca. Paribhogapaccayāti uyyojikāya paribhogasaṅkhātā kāraṇāti ayaṃ gāthāyattho.
ইতরিস্সা পনাতি উয্যোজিতায পন ভিক্খুনিযা। পঠমসিক্খাপদেতি পঞ্চমসিক্খাপদে। পঞ্চমসিক্খাপদঞ্হি ইমিনা সিক্খাপদেন যুগল়ভাৰেন সদিসত্তা ইমং উপাদায পঠমন্তি ৰুত্তন্তি। ছট্ঠং।
Itarissā panāti uyyojitāya pana bhikkhuniyā. Paṭhamasikkhāpadeti pañcamasikkhāpade. Pañcamasikkhāpadañhi iminā sikkhāpadena yugaḷabhāvena sadisattā imaṃ upādāya paṭhamanti vuttanti. Chaṭṭhaṃ.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / ভিক্খুনীৰিভঙ্গ • Bhikkhunīvibhaṅga / ৬. ছট্ঠসঙ্ঘাদিসেসসিক্খাপদং • 6. Chaṭṭhasaṅghādisesasikkhāpadaṃ
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / ভিক্খুনীৰিভঙ্গ-অট্ঠকথা • Bhikkhunīvibhaṅga-aṭṭhakathā / ৬. ছট্ঠসঙ্ঘাদিসেসসিক্খাপদৰণ্ণনা • 6. Chaṭṭhasaṅghādisesasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / ৬. ছট্ঠসঙ্ঘাদিসেসসিক্খাপদৰণ্ণনা • 6. Chaṭṭhasaṅghādisesasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / ৬. ছট্ঠসঙ্ঘাদিসেসসিক্খাপদৰণ্ণনা • 6. Chaṭṭhasaṅghādisesasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / ৬. ছট্ঠসঙ্ঘাদিসেসসিক্খাপদৰণ্ণনা • 6. Chaṭṭhasaṅghādisesasikkhāpadavaṇṇanā
