| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) |
༧. ཚཕསྶཱཡཏནསུཏྟཝཎྞནཱ
7. Chaphassāyatanasuttavaṇṇanā
༡༥༣. སཉྫཱཡཏི ཨེཏསྨཱཏི སཉྫཱཏི, སོ ཨེཝ སམྤཡུཏྟདྷམྨོ སམོསརཏི ཨེཏྠཱཏི སམོསརཎཾ, སོ ཨེཝ ཨཏྠོ, ཏེན སཉྫཱཏིསམོསརཎཊྛེན། བྷཡབྷེརཝཾ སདྡནྟི བྷཱཡཏི ཨེཏསྨཱཏི བྷཡཾ, ཏདེཝ ཡསྶ ཀསྶཙི བྷེརཝཱཝཧཏྟཱ བྷེརཝཾ, དེཝཱདིསདྡནྟི ཨཏྠོ། ཝིགཏཝལཱཧཀེ དེཝེ ཨུཔྤཱཏཝསེན ཨུཔྤཛྫནཀསདྡོ དེཝདུནྡུབྷི། ཨསནིཔཱཏཱདིསདྡོ ཨསནིཔཱཏསདྡོ། ཨུནྡྲཱིཡཏཱིཏི ཝིཔརིཝཏྟཏི། ལོཀོ ཨདྷིམུཙྪིཏོཏི ཨཏིཐདྡྷཀཱཡོ ཝིཡ མུཙྪཾ ཨཱཔནྣོ། མཱརསྶཱཏི ཀིལེསམཱརསྶ། ཋཱནབྷཱུཏནྟི པཝཏྟིཊྛཱནབྷཱུཏཾ།
153. Sañjāyati etasmāti sañjāti, so eva sampayuttadhammo samosarati etthāti samosaraṇaṃ, so eva attho, tena sañjātisamosaraṇaṭṭhena. Bhayabheravaṃ saddanti bhāyati etasmāti bhayaṃ, tadeva yassa kassaci bheravāvahattā bheravaṃ, devādisaddanti attho. Vigatavalāhake deve uppātavasena uppajjanakasaddo devadundubhi. Asanipātādisaddo asanipātasaddo. Undrīyatīti viparivattati. Loko adhimucchitoti atithaddhakāyo viya mucchaṃ āpanno. Mārassāti kilesamārassa. Ṭhānabhūtanti pavattiṭṭhānabhūtaṃ.
ཚཕསྶཱཡཏནསུཏྟཝཎྞནཱ ནིཊྛིཏཱ།
Chaphassāyatanasuttavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༧. ཚཕསྶཱཡཏནསུཏྟཾ • 7. Chaphassāyatanasuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༧. ཚཕསྶཱཡཏནསུཏྟཝཎྞནཱ • 7. Chaphassāyatanasuttavaṇṇanā
