| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
৭. ছফস্সাযতনসুত্তৰণ্ণনা
7. Chaphassāyatanasuttavaṇṇanā
১৫৩. সঞ্জাযতি এতস্মাতি সঞ্জাতি, সো এৰ সম্পযুত্তধম্মো সমোসরতি এত্থাতি সমোসরণং, সো এৰ অত্থো, তেন সঞ্জাতিসমোসরণট্ঠেন। ভযভেরৰং সদ্দন্তি ভাযতি এতস্মাতি ভযং, তদেৰ যস্স কস্সচি ভেরৰাৰহত্তা ভেরৰং, দেৰাদিসদ্দন্তি অত্থো। ৰিগতৰলাহকে দেৰে উপ্পাতৰসেন উপ্পজ্জনকসদ্দো দেৰদুন্দুভি। অসনিপাতাদিসদ্দো অসনিপাতসদ্দো। উন্দ্রীযতীতি ৰিপরিৰত্ততি। লোকো অধিমুচ্ছিতোতি অতিথদ্ধকাযো ৰিয মুচ্ছং আপন্নো। মারস্সাতি কিলেসমারস্স। ঠানভূতন্তি পৰত্তিট্ঠানভূতং।
153. Sañjāyati etasmāti sañjāti, so eva sampayuttadhammo samosarati etthāti samosaraṇaṃ, so eva attho, tena sañjātisamosaraṇaṭṭhena. Bhayabheravaṃ saddanti bhāyati etasmāti bhayaṃ, tadeva yassa kassaci bheravāvahattā bheravaṃ, devādisaddanti attho. Vigatavalāhake deve uppātavasena uppajjanakasaddo devadundubhi. Asanipātādisaddo asanipātasaddo. Undrīyatīti viparivattati. Loko adhimucchitoti atithaddhakāyo viya mucchaṃ āpanno. Mārassāti kilesamārassa. Ṭhānabhūtanti pavattiṭṭhānabhūtaṃ.
ছফস্সাযতনসুত্তৰণ্ণনা নিট্ঠিতা।
Chaphassāyatanasuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৭. ছফস্সাযতনসুত্তং • 7. Chaphassāyatanasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৭. ছফস্সাযতনসুত্তৰণ্ণনা • 7. Chaphassāyatanasuttavaṇṇanā
