| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
4. чаннасуд̇д̇ам̣
4. Channasuttaṃ
87. згам̣ самаяам̣ бхаг̇аваа рааж̇аг̇ахз вихарад̇и взл̣уванз галанд̣̇аганиваабз. д̇зна ко бана самаязна ааяасмаа жа саарибуд̇д̇о ааяасмаа жа махаажунд̣̇о ааяасмаа жа чанно г̇иж̇жхагуудз баб̣б̣ад̇з вихаранд̇и. д̇зна ко бана самаязна язна ааяасмаа чанно ааб̣аад̇хиго ход̇и д̣̇угкид̇о б̣аал̣хаг̇илаано . ат̇а ко ааяасмаа саарибуд̇д̇о сааяанхасамаяам̣ бадисаллаанаа вудтид̇о язнааяасмаа махаажунд̣̇о д̇знубасан̇гами; убасан̇гамид̇ваа ааяасманд̇ам̣ махаажунд̣̇ам̣ зд̇ад̣̇авожа – ‘‘ааяаамаавусо жунд̣̇а, язнааяасмаа чанно д̇знубасан̇гамиссаама г̇илаанабужчагаа’’д̇и. ‘‘звамаавусо’’д̇и ко ааяасмаа махаажунд̣̇о ааяасмад̇о саарибуд̇д̇асса бажжассоси.
87. Ekaṃ samayaṃ bhagavā rājagahe viharati veḷuvane kalandakanivāpe. Tena kho pana samayena āyasmā ca sāriputto āyasmā ca mahācundo āyasmā ca channo gijjhakūṭe pabbate viharanti. Tena kho pana samayena yena āyasmā channo ābādhiko hoti dukkhito bāḷhagilāno . Atha kho āyasmā sāriputto sāyanhasamayaṃ paṭisallānā vuṭṭhito yenāyasmā mahācundo tenupasaṅkami; upasaṅkamitvā āyasmantaṃ mahācundaṃ etadavoca – ‘‘āyāmāvuso cunda, yenāyasmā channo tenupasaṅkamissāma gilānapucchakā’’ti. ‘‘Evamāvuso’’ti kho āyasmā mahācundo āyasmato sāriputtassa paccassosi.
ат̇а ко ааяасмаа жа саарибуд̇д̇о ааяасмаа жа махаажунд̣̇о язнааяасмаа чанно д̇знубасан̇гамим̣су; убасан̇гамид̇ваа бан̃н̃ад̇д̇з аасанз нисийд̣̇им̣су. нисаж̇ж̇а ко ааяасмаа саарибуд̇д̇о ааяасманд̇ам̣ чаннам̣ зд̇ад̣̇авожа – ‘‘гажжи д̇з, аавусо чанна, каманийяам̣, гажжи яаабанийяам̣, гажжи д̣̇угкаа взд̣̇анаа бадиггаманд̇и но абхиггаманд̇и, бадиггамосаанам̣ бан̃н̃ааяад̇и но абхиггамо’’д̇и?
Atha kho āyasmā ca sāriputto āyasmā ca mahācundo yenāyasmā channo tenupasaṅkamiṃsu; upasaṅkamitvā paññatte āsane nisīdiṃsu. Nisajja kho āyasmā sāriputto āyasmantaṃ channaṃ etadavoca – ‘‘kacci te, āvuso channa, khamanīyaṃ, kacci yāpanīyaṃ, kacci dukkhā vedanā paṭikkamanti no abhikkamanti, paṭikkamosānaṃ paññāyati no abhikkamo’’ti?
‘‘на мз, аавусо саарибуд̇д̇а, каманийяам̣ на яаабанийяам̣, б̣аал̣хаа мз д̣̇угкаа взд̣̇анаа абхиггаманд̇и но бадиггаманд̇и, абхиггамосаанам̣ бан̃н̃ааяад̇и но бадиггамо. сзяяат̇ааби, аавусо, б̣алаваа бурисо д̇ин̣хзна сикарзна 1 муд̣̇д̇хани 2 абхимад̇т̇зяяа 3; звамзва ко, аавусо, ад̇химад̇д̇аа ваад̇аа муд̣̇д̇хани 4 уухананд̇и 5. на мз, аавусо, каманийяам̣, на яаабанийяам̣…бз… но бадиггамо. сзяяат̇ааби , аавусо, б̣алаваа бурисо д̣̇ал̣хзна варад̇д̇агкан̣д̣зна сийсз сийсавзтам̣ д̣̇ад̣̇зяяа; звамзва ко, аавусо, ад̇химад̇д̇аа сийсз сийсавзд̣̇анаа. на мз, аавусо, каманийяам̣ , на яаабанийяам̣…бз… но бадиггамо. сзяяат̇ааби, аавусо, д̣̇агко г̇огхаад̇аго ваа г̇огхаад̇аганд̇зваасий ваа д̇ин̣хзна г̇овиганд̇анзна гужчим̣ бариганд̇зяяа; звамзва ко ад̇химад̇д̇аа ваад̇аа гужчим̣ бариганд̇анд̇и. на мз, аавусо, каманийяам̣, на яаабанийяам̣…бз… но бадиггамо. сзяяат̇ааби, аавусо, д̣̇вз б̣алаванд̇о бурисаа д̣̇уб̣б̣алад̇арам̣ бурисам̣ наанааб̣аахаасу г̇ахзд̇ваа ан̇г̇аарагаасуяаа санд̇аабзяяум̣ самбарид̇аабзяяум̣; звамзва ко, аавусо, ад̇химад̇д̇о гааяасмим̣ д̣аахо. на мз, аавусо, каманийяам̣, на яаабанийяам̣, б̣аал̣хаа мз д̣̇угкаа взд̣̇анаа абхиггаманд̇и но бадиггаманд̇и, абхиггамосаанам̣ бан̃н̃ааяад̇и но бадиггамо. сад̇т̇ам̣, аавусо саарибуд̇д̇а, аахариссаами, нааваган̇каами 6 ж̇ийвид̇а’’нд̇и.
‘‘Na me, āvuso sāriputta, khamanīyaṃ na yāpanīyaṃ, bāḷhā me dukkhā vedanā abhikkamanti no paṭikkamanti, abhikkamosānaṃ paññāyati no paṭikkamo. Seyyathāpi, āvuso, balavā puriso tiṇhena sikharena 7 muddhani 8 abhimattheyya 9; evameva kho, āvuso, adhimattā vātā muddhani 10 ūhananti 11. Na me, āvuso, khamanīyaṃ, na yāpanīyaṃ…pe… no paṭikkamo. Seyyathāpi , āvuso, balavā puriso daḷhena varattakkhaṇḍena sīse sīsaveṭhaṃ dadeyya; evameva kho, āvuso, adhimattā sīse sīsavedanā. Na me, āvuso, khamanīyaṃ , na yāpanīyaṃ…pe… no paṭikkamo. Seyyathāpi, āvuso, dakkho goghātako vā goghātakantevāsī vā tiṇhena govikantanena kucchiṃ parikanteyya; evameva kho adhimattā vātā kucchiṃ parikantanti. Na me, āvuso, khamanīyaṃ, na yāpanīyaṃ…pe… no paṭikkamo. Seyyathāpi, āvuso, dve balavanto purisā dubbalataraṃ purisaṃ nānābāhāsu gahetvā aṅgārakāsuyā santāpeyyuṃ samparitāpeyyuṃ; evameva kho, āvuso, adhimatto kāyasmiṃ ḍāho. Na me, āvuso, khamanīyaṃ, na yāpanīyaṃ, bāḷhā me dukkhā vedanā abhikkamanti no paṭikkamanti, abhikkamosānaṃ paññāyati no paṭikkamo. Satthaṃ, āvuso sāriputta, āharissāmi, nāvakaṅkhāmi 12 jīvita’’nti.
‘‘маа ааяасмаа чанно сад̇т̇ам̣ аахарзси. яаабзд̇ааяасмаа чанно, яаабзнд̇ам̣ маяам̣ ааяасманд̇ам̣ чаннам̣ ижчаама. сажз ааяасмад̇о чаннасса над̇т̇и саббааяаани бхож̇анаани, ахам̣ ааяасмад̇о чаннасса саббааяаани бхож̇анаани бариязсиссаами. сажз ааяасмад̇о чаннасса над̇т̇и саббааяаани бхзсаж̇ж̇аани, ахам̣ ааяасмад̇о чаннасса саббааяаани бхзсаж̇ж̇аани бариязсиссаами. сажз ааяасмад̇о чаннасса над̇т̇и бад̇ируубаа убадтаагаа, ахам̣ ааяасманд̇ам̣ чаннам̣ убадтахиссаами. маа ааяасмаа чанно сад̇т̇ам̣ аахарзси. яаабзд̇ааяасмаа чанно, яаабзнд̇ам̣ маяам̣ ааяасманд̇ам̣ чаннам̣ ижчаамаа’’д̇и.
‘‘Mā āyasmā channo satthaṃ āharesi. Yāpetāyasmā channo, yāpentaṃ mayaṃ āyasmantaṃ channaṃ icchāma. Sace āyasmato channassa natthi sappāyāni bhojanāni, ahaṃ āyasmato channassa sappāyāni bhojanāni pariyesissāmi. Sace āyasmato channassa natthi sappāyāni bhesajjāni, ahaṃ āyasmato channassa sappāyāni bhesajjāni pariyesissāmi. Sace āyasmato channassa natthi patirūpā upaṭṭhākā, ahaṃ āyasmantaṃ channaṃ upaṭṭhahissāmi. Mā āyasmā channo satthaṃ āharesi. Yāpetāyasmā channo, yāpentaṃ mayaṃ āyasmantaṃ channaṃ icchāmā’’ti.
‘‘на мз, аавусо саарибуд̇д̇а, над̇т̇и саббааяаани бхож̇анаани; ад̇т̇и мз саббааяаани бхож̇анаани. наби мз над̇т̇и саббааяаани бхзсаж̇ж̇аани; ад̇т̇и мз саббааяаани бхзсаж̇ж̇аани. наби мз над̇т̇и бад̇ируубаа убадтаагаа; ад̇т̇и мз бад̇ируубаа убадтаагаа. аби жа мз, аавусо, сад̇т̇аа барижин̣н̣о д̣̇ийгхарад̇д̇ам̣ манаабзнзва, но аманаабзна. зд̇ан̃хи, аавусо, саавагасса бад̇ируубам̣ яам̣ сад̇т̇аарам̣ барижарзяяа манаабзнзва, но аманаабзна. ‘анубаваж̇ж̇ам̣ 13 чанно бхигку сад̇т̇ам̣ аахариссад̇ий’д̇и – звамзд̇ам̣, аавусо саарибуд̇д̇а, д̇хаарзхий’’д̇и.
‘‘Na me, āvuso sāriputta, natthi sappāyāni bhojanāni; atthi me sappāyāni bhojanāni. Napi me natthi sappāyāni bhesajjāni; atthi me sappāyāni bhesajjāni. Napi me natthi patirūpā upaṭṭhākā; atthi me patirūpā upaṭṭhākā. Api ca me, āvuso, satthā pariciṇṇo dīgharattaṃ manāpeneva, no amanāpena. Etañhi, āvuso, sāvakassa patirūpaṃ yaṃ satthāraṃ paricareyya manāpeneva, no amanāpena. ‘Anupavajjaṃ 14 channo bhikkhu satthaṃ āharissatī’ti – evametaṃ, āvuso sāriputta, dhārehī’’ti.
‘‘бужчзяяаама маяам̣ ааяасманд̇ам̣ чаннам̣ ган̃жид̣̇зва 15 д̣̇зсам̣, сажз ааяасмаа чанно огаасам̣ гарод̇и бан̃хасса взяяаагаран̣ааяаа’’д̇и. ‘‘бужчаавусо саарибуд̇д̇а, суд̇ваа взд̣̇иссаамаа’’д̇и.
‘‘Puccheyyāma mayaṃ āyasmantaṃ channaṃ kañcideva 16 desaṃ, sace āyasmā channo okāsaṃ karoti pañhassa veyyākaraṇāyā’’ti. ‘‘Pucchāvuso sāriputta, sutvā vedissāmā’’ti.
‘‘жагкум̣, аавусо чанна, жагкувин̃н̃аан̣ам̣ жагкувин̃н̃аан̣авин̃н̃аад̇аб̣б̣з д̇хаммз ‘зд̇ам̣ мама, зсохамасми, зсо мз ад̇д̇аа’д̇и саманубассаси…бз… ж̇ивхам̣, аавусо чанна, ж̇ивхаавин̃н̃аан̣ам̣ ж̇ивхаавин̃н̃аан̣авин̃н̃аад̇аб̣б̣з д̇хаммз ‘зд̇ам̣ мама, зсохамасми, зсо мз ад̇д̇аа’д̇и саманубассаси…бз… манам̣, аавусо чанна, мановин̃н̃аан̣ам̣ мановин̃н̃аан̣авин̃н̃аад̇аб̣б̣з д̇хаммз ‘зд̇ам̣ мама, зсохамасми, зсо мз ад̇д̇аа’д̇и саманубассасий’’д̇и?
‘‘Cakkhuṃ, āvuso channa, cakkhuviññāṇaṃ cakkhuviññāṇaviññātabbe dhamme ‘etaṃ mama, esohamasmi, eso me attā’ti samanupassasi…pe… jivhaṃ, āvuso channa, jivhāviññāṇaṃ jivhāviññāṇaviññātabbe dhamme ‘etaṃ mama, esohamasmi, eso me attā’ti samanupassasi…pe… manaṃ, āvuso channa, manoviññāṇaṃ manoviññāṇaviññātabbe dhamme ‘etaṃ mama, esohamasmi, eso me attā’ti samanupassasī’’ti?
‘‘жагкум̣, аавусо саарибуд̇д̇а, жагкувин̃н̃аан̣ам̣ жагкувин̃н̃аан̣авин̃н̃аад̇аб̣б̣з д̇хаммз ‘нзд̇ам̣ мама, нзсохамасми, на мзсо ад̇д̇аа’д̇и саманубассаами…бз… ж̇ивхам̣, аавусо саарибуд̇д̇а, ж̇ивхаавин̃н̃аан̣ам̣ ж̇ивхаавин̃н̃аан̣авин̃н̃аад̇аб̣б̣з д̇хаммз ‘нзд̇ам̣ мама, нзсохамасми, на мзсо ад̇д̇аа’д̇и саманубассаами…бз… манам̣, аавусо саарибуд̇д̇а, мановин̃н̃аан̣ам̣ мановин̃н̃аан̣авин̃н̃аад̇аб̣б̣з д̇хаммз ‘нзд̇ам̣ мама, нзсохамасми, на мзсо ад̇д̇аа’д̇и саманубассаамий’’д̇и.
‘‘Cakkhuṃ, āvuso sāriputta, cakkhuviññāṇaṃ cakkhuviññāṇaviññātabbe dhamme ‘netaṃ mama, nesohamasmi, na meso attā’ti samanupassāmi…pe… jivhaṃ, āvuso sāriputta, jivhāviññāṇaṃ jivhāviññāṇaviññātabbe dhamme ‘netaṃ mama, nesohamasmi, na meso attā’ti samanupassāmi…pe… manaṃ, āvuso sāriputta, manoviññāṇaṃ manoviññāṇaviññātabbe dhamme ‘netaṃ mama, nesohamasmi, na meso attā’ti samanupassāmī’’ti.
‘‘жагкусмим̣, аавусо чанна, жагкувин̃н̃аан̣з жагкувин̃н̃аан̣авин̃н̃аад̇аб̣б̣зсу д̇хаммзсу гим̣ д̣̇исваа гим̣ абхин̃н̃ааяа жагкум̣ жагкувин̃н̃аан̣ам̣ жагкувин̃н̃аан̣авин̃н̃аад̇аб̣б̣з д̇хаммз ‘нзд̇ам̣ мама, нзсохамасми, на мзсо ад̇д̇аа’д̇и саманубассаси… ж̇ивхааяа, аавусо чанна, ж̇ивхаавин̃н̃аан̣з ж̇ивхаавин̃н̃аан̣авин̃н̃аад̇аб̣б̣зсу д̇хаммзсу гим̣ д̣̇исваа гим̣ абхин̃н̃ааяа ж̇ивхам̣ ж̇ивхаавин̃н̃аан̣ам̣ ж̇ивхаавин̃н̃аан̣авин̃н̃аад̇аб̣б̣з д̇хаммз ‘нзд̇ам̣ мама, нзсохамасми, на мзсо ад̇д̇аа’д̇и саманубассаси… манасмим̣, аавусо чанна, мановин̃н̃аан̣з мановин̃н̃аан̣авин̃н̃аад̇аб̣б̣зсу д̇хаммзсу гим̣ д̣̇исваа гим̣ абхин̃н̃ааяа манам̣ мановин̃н̃аан̣ам̣ мановин̃н̃аан̣авин̃н̃аад̇аб̣б̣з д̇хаммз ‘нзд̇ам̣ мама, нзсохамасми, на мзсо ад̇д̇аа’д̇и саманубассасий’’д̇и?
‘‘Cakkhusmiṃ, āvuso channa, cakkhuviññāṇe cakkhuviññāṇaviññātabbesu dhammesu kiṃ disvā kiṃ abhiññāya cakkhuṃ cakkhuviññāṇaṃ cakkhuviññāṇaviññātabbe dhamme ‘netaṃ mama, nesohamasmi, na meso attā’ti samanupassasi… jivhāya, āvuso channa, jivhāviññāṇe jivhāviññāṇaviññātabbesu dhammesu kiṃ disvā kiṃ abhiññāya jivhaṃ jivhāviññāṇaṃ jivhāviññāṇaviññātabbe dhamme ‘netaṃ mama, nesohamasmi, na meso attā’ti samanupassasi… manasmiṃ, āvuso channa, manoviññāṇe manoviññāṇaviññātabbesu dhammesu kiṃ disvā kiṃ abhiññāya manaṃ manoviññāṇaṃ manoviññāṇaviññātabbe dhamme ‘netaṃ mama, nesohamasmi, na meso attā’ti samanupassasī’’ti?
‘‘жагкусмим̣ , аавусо саарибуд̇д̇а, жагкувин̃н̃аан̣з жагкувин̃н̃аан̣авин̃н̃аад̇аб̣б̣зсу д̇хаммзсу нирод̇хам̣ д̣̇исваа нирод̇хам̣ абхин̃н̃ааяа жагкум̣ жагкувин̃н̃аан̣ам̣ жагкувин̃н̃аан̣авин̃н̃аад̇аб̣б̣з д̇хаммз ‘нзд̇ам̣ мама, нзсохамасми, на мзсо ад̇д̇аа’д̇и саманубассаами…бз… ж̇ивхааяа, аавусо саарибуд̇д̇а, ж̇ивхаавин̃н̃аан̣з ж̇ивхаавин̃н̃аан̣авин̃н̃аад̇аб̣б̣зсу д̇хаммзсу нирод̇хам̣ д̣̇исваа нирод̇хам̣ абхин̃н̃ааяа ж̇ивхам̣ ж̇ивхаавин̃н̃аан̣ам̣ ж̇ивхаавин̃н̃аан̣авин̃н̃аад̇аб̣б̣з д̇хаммз ‘нзд̇ам̣ мама, нзсохамасми, на мзсо ад̇д̇аа’д̇и саманубассаами…бз… манасмим̣, аавусо саарибуд̇д̇а, мановин̃н̃аан̣з мановин̃н̃аан̣авин̃н̃аад̇аб̣б̣зсу д̇хаммзсу нирод̇хам̣ д̣̇исваа нирод̇хам̣ абхин̃н̃ааяа манам̣ мановин̃н̃аан̣ам̣ мановин̃н̃аан̣авин̃н̃аад̇аб̣б̣з д̇хаммз ‘нзд̇ам̣ мама, нзсохамасми, на мзсо ад̇д̇аа’д̇и саманубассаамий’’д̇и.
‘‘Cakkhusmiṃ , āvuso sāriputta, cakkhuviññāṇe cakkhuviññāṇaviññātabbesu dhammesu nirodhaṃ disvā nirodhaṃ abhiññāya cakkhuṃ cakkhuviññāṇaṃ cakkhuviññāṇaviññātabbe dhamme ‘netaṃ mama, nesohamasmi, na meso attā’ti samanupassāmi…pe… jivhāya, āvuso sāriputta, jivhāviññāṇe jivhāviññāṇaviññātabbesu dhammesu nirodhaṃ disvā nirodhaṃ abhiññāya jivhaṃ jivhāviññāṇaṃ jivhāviññāṇaviññātabbe dhamme ‘netaṃ mama, nesohamasmi, na meso attā’ti samanupassāmi…pe… manasmiṃ, āvuso sāriputta, manoviññāṇe manoviññāṇaviññātabbesu dhammesu nirodhaṃ disvā nirodhaṃ abhiññāya manaṃ manoviññāṇaṃ manoviññāṇaviññātabbe dhamme ‘netaṃ mama, nesohamasmi, na meso attā’ti samanupassāmī’’ti.
звам̣ вуд̇д̇з, ааяасмаа махаажунд̣̇о ааяасманд̇ам̣ чаннам̣ зд̇ад̣̇авожа – ‘‘д̇асмаад̇иха, аавусо чанна, ид̣̇амби д̇асса бхаг̇авад̇о саасанам̣ нижжагаббам̣ саад̇хугам̣ манаси гаад̇аб̣б̣ам̣ – ‘ниссид̇асса жалид̇ам̣, аниссид̇асса жалид̇ам̣ над̇т̇и. жалид̇з асад̇и бассад̣̇д̇хи ход̇и. бассад̣̇д̇хияаа сад̇и над̇и на ход̇и. над̇ияаа асад̇и ааг̇ад̇иг̇ад̇и на ход̇и. ааг̇ад̇иг̇ад̇ияаа асад̇и жуд̇уубабаад̇о на ход̇и. жуд̇уубабаад̇з асад̇и нзвид̇ха на хурам̣ на убхаяаманд̇арзна. зсзванд̇о д̣̇угкассаа’’’д̇и.
Evaṃ vutte, āyasmā mahācundo āyasmantaṃ channaṃ etadavoca – ‘‘tasmātiha, āvuso channa, idampi tassa bhagavato sāsanaṃ niccakappaṃ sādhukaṃ manasi kātabbaṃ – ‘nissitassa calitaṃ, anissitassa calitaṃ natthi. Calite asati passaddhi hoti. Passaddhiyā sati nati na hoti. Natiyā asati āgatigati na hoti. Āgatigatiyā asati cutūpapāto na hoti. Cutūpapāte asati nevidha na huraṃ na ubhayamantarena. Esevanto dukkhassā’’’ti.
ат̇а ко ааяасмаа жа саарибуд̇д̇о ааяасмаа жа махаажунд̣̇о ааяасманд̇ам̣ чаннам̣ иминаа оваад̣̇зна овад̣̇ид̇ваа удтааяаасанаа баггамим̣су. ат̇а ко ааяасмаа чанно ажирабагганд̇зсу д̇зсу ааяасманд̇зсу сад̇т̇ам̣ аахарзси.
Atha kho āyasmā ca sāriputto āyasmā ca mahācundo āyasmantaṃ channaṃ iminā ovādena ovaditvā uṭṭhāyāsanā pakkamiṃsu. Atha kho āyasmā channo acirapakkantesu tesu āyasmantesu satthaṃ āharesi.
ат̇а ко ааяасмаа саарибуд̇д̇о язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа саарибуд̇д̇о бхаг̇аванд̇ам̣ зд̇ад̣̇авожа – ‘‘ааяасмад̇аа, бханд̇з, чаннзна сад̇т̇ам̣ аахарид̇ам̣. д̇асса гаа г̇ад̇и го абхисамбарааяо’’д̇и? ‘‘нану д̇з, саарибуд̇д̇а, чаннзна бхигкунаа саммукааязва анубаваж̇ж̇ад̇аа б̣яаагад̇аа’’д̇и ? ‘‘ад̇т̇и, бханд̇з, буб̣б̣авиж̇ж̇анам̣ 17 наама важ̇ж̇иг̇аамо. д̇ад̇т̇ааяасмад̇о чаннасса мид̇д̇агулаани сухаж̇ж̇агулаани убаваж̇ж̇агулааний’’д̇и. ‘‘хонд̇и хзд̇з, саарибуд̇д̇а, чаннасса бхигкуно мид̇д̇агулаани сухаж̇ж̇агулаани убаваж̇ж̇агулаани. на ко банаахам̣, саарибуд̇д̇а , зд̇д̇аавад̇аа саубаваж̇ж̇од̇и вад̣̇аами. яо ко, саарибуд̇д̇а, д̇ан̃жа гааяам̣ нигкибад̇и, ан̃н̃ан̃жа гааяам̣ убаад̣̇ияад̇и, д̇амахам̣ саубаваж̇ж̇од̇и вад̣̇аами. д̇ам̣ чаннасса бхигкуно над̇т̇и. ‘анубаваж̇ж̇ам̣ чаннзна бхигкунаа сад̇т̇ам̣ аахарид̇а’нд̇и – звамзд̇ам̣, саарибуд̇д̇а, д̇хаарзхий’’д̇и. жад̇уд̇т̇ам̣.
Atha kho āyasmā sāriputto yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā sāriputto bhagavantaṃ etadavoca – ‘‘āyasmatā, bhante, channena satthaṃ āharitaṃ. Tassa kā gati ko abhisamparāyo’’ti? ‘‘Nanu te, sāriputta, channena bhikkhunā sammukhāyeva anupavajjatā byākatā’’ti ? ‘‘Atthi, bhante, pubbavijjanaṃ 18 nāma vajjigāmo. Tatthāyasmato channassa mittakulāni suhajjakulāni upavajjakulānī’’ti. ‘‘Honti hete, sāriputta, channassa bhikkhuno mittakulāni suhajjakulāni upavajjakulāni. Na kho panāhaṃ, sāriputta , ettāvatā saupavajjoti vadāmi. Yo kho, sāriputta, tañca kāyaṃ nikkhipati, aññañca kāyaṃ upādiyati, tamahaṃ saupavajjoti vadāmi. Taṃ channassa bhikkhuno natthi. ‘Anupavajjaṃ channena bhikkhunā satthaṃ āharita’nti – evametaṃ, sāriputta, dhārehī’’ti. Catutthaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 4. чаннасуд̇д̇аван̣н̣анаа • 4. Channasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 4. чаннасуд̇д̇аван̣н̣анаа • 4. Channasuttavaṇṇanā
