| Library / Tipiṭaka / තිපිටක • Tipiṭaka / විමතිවිනොදනී-ටීකා • Vimativinodanī-ṭīkā |
ඡක්කවාරාදිවණ්ණනා
Chakkavārādivaṇṇanā
326. ඡක්කාදීසු පාළියං ඡ අගාරවාති බුද්ධධම්මසඞ්ඝසික්ඛාසු, අප්පමාදෙ, පටිසන්ථාරෙ ච ඡ අගාරවා, තෙසු එව ච ඡ ගාරවා වෙදිතබ්බා. ‘‘ඡබ්බස්සපරමතා ධාරෙතබ්බ’’න්ති ඉදං විභඞ්ගෙ ආගතස්ස පරමස්ස දස්සනං.
326. Chakkādīsu pāḷiyaṃ cha agāravāti buddhadhammasaṅghasikkhāsu, appamāde, paṭisanthāre ca cha agāravā, tesu eva ca cha gāravā veditabbā. ‘‘Chabbassaparamatā dhāretabba’’nti idaṃ vibhaṅge āgatassa paramassa dassanaṃ.
328. පාළියං ආගතෙහි සත්තහීති ‘‘පුබ්බෙවස්ස හොති මුසා භණිස්ස’’න්තිආදිනා මුසාවාදසික්ඛාපදෙ (පාචි. 4) ආගතෙහි සත්තහි.
328. Pāḷiyaṃ āgatehi sattahīti ‘‘pubbevassa hoti musā bhaṇissa’’ntiādinā musāvādasikkhāpade (pāci. 4) āgatehi sattahi.
329. තං කුතෙත්ථ ලබ්භාති තං අනත්ථස්ස අචරණං එත්ථ එතස්මිං පුග්ගලෙ, ලොකසන්නිවාසෙ වා කුතො කෙන කාරණෙන සක්කා ලද්ධුන්ති ආඝාතං පටිවිනෙති.
329.Taṃkutettha labbhāti taṃ anatthassa acaraṇaṃ ettha etasmiṃ puggale, lokasannivāse vā kuto kena kāraṇena sakkā laddhunti āghātaṃ paṭivineti.
330. සස්සතො ලොකොතිආදිනා වසෙනාති ‘‘සස්සතො ලොකො, අසස්සතො ලොකො. අන්තවා ලොකො, අනන්තවා ලොකො. තං ජීවං තං සරීරන්ති වා, අඤ්ඤං ජීවං අඤ්ඤං සරීරන්ති වා. හොති තථාගතො පරම්මරණා, න හොති තථාගතො පරම්මරණා. හොති ච න හොති ච තථාගතො පරම්මරණා, නෙව හොති න න හොති තථාගතො පරම්මරණා’’ති (ම. නි. 1.269) එවං ආගතා දස අන්තග්ගාහිකා දිට්ඨියො සන්ධාය වුත්තං. මිච්ඡාදිට්ඨිආදයොති මිච්ඡාදිට්ඨිමිච්ඡාසඞ්කප්පාදයො අට්ඨමිච්ඡාඤාණමිච්ඡාවිමුත්තීහි සද්ධිං දස මිච්ඡත්තා. තත්ථ මිච්ඡාඤාණන්ති මිච්ඡාදිට්ඨිසම්පයුත්තො මොහො. අවිමුත්තස්සෙව විමුත්තසඤ්ඤිතා මිච්ඡාවිමුත්ති නාම.
330.Sassato lokotiādinā vasenāti ‘‘sassato loko, asassato loko. Antavā loko, anantavā loko. Taṃ jīvaṃ taṃ sarīranti vā, aññaṃ jīvaṃ aññaṃ sarīranti vā. Hoti tathāgato parammaraṇā, na hoti tathāgato parammaraṇā. Hoti ca na hoti ca tathāgato parammaraṇā, neva hoti na na hoti tathāgato parammaraṇā’’ti (ma. ni. 1.269) evaṃ āgatā dasa antaggāhikā diṭṭhiyo sandhāya vuttaṃ. Micchādiṭṭhiādayoti micchādiṭṭhimicchāsaṅkappādayo aṭṭhamicchāñāṇamicchāvimuttīhi saddhiṃ dasa micchattā. Tattha micchāñāṇanti micchādiṭṭhisampayutto moho. Avimuttasseva vimuttasaññitā micchāvimutti nāma.
විපරීතාති සම්මාදිට්ඨිආදයො සම්මාඤාණසම්මාවිමුත්තිපරියොසානා දස. තත්ථ සම්මාවිමුත්ති අරහත්තඵලං, තංසම්පයුත්තං පන ඤාණං වා පච්චවෙක්ඛණඤාණං වා සම්මාඤාණන්ති වෙදිතබ්බං.
Viparītāti sammādiṭṭhiādayo sammāñāṇasammāvimuttipariyosānā dasa. Tattha sammāvimutti arahattaphalaṃ, taṃsampayuttaṃ pana ñāṇaṃ vā paccavekkhaṇañāṇaṃ vā sammāñāṇanti veditabbaṃ.
එකුත්තරිකනයො නිට්ඨිතො.
Ekuttarikanayo niṭṭhito.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / පරිවාරපාළි • Parivārapāḷi
6. ඡක්කවාරො • 6. Chakkavāro
8. අට්ඨකවාරො • 8. Aṭṭhakavāro
9. නවකවාරො • 9. Navakavāro
10. දසකවාරො • 10. Dasakavāro
අට්ඨකථා • Aṭṭhakathā / විනයපිටක (අට්ඨකථා) • Vinayapiṭaka (aṭṭhakathā) / පරිවාර-අට්ඨකථා • Parivāra-aṭṭhakathā
ඡක්කවාරවණ්ණනා • Chakkavāravaṇṇanā
අට්ඨකවාරවණ්ණනා • Aṭṭhakavāravaṇṇanā
නවකවාරවණ්ණනා • Navakavāravaṇṇanā
දසකවාරවණ්ණනා • Dasakavāravaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්ථදීපනී-ටීකා • Sāratthadīpanī-ṭīkā
ඡක්කවාරවණ්ණනා • Chakkavāravaṇṇanā
අට්ඨකවාරවණ්ණනා • Aṭṭhakavāravaṇṇanā
නවකවාරවණ්ණනා • Navakavāravaṇṇanā
දසකවාරවණ්ණනා • Dasakavāravaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්ධි-ටීකා • Vajirabuddhi-ṭīkā
ඡක්කවාරවණ්ණනා • Chakkavāravaṇṇanā
අට්ඨකවාරවණ්ණනා • Aṭṭhakavāravaṇṇanā
නවකවාරවණ්ණනා • Navakavāravaṇṇanā
දසකවාරවණ්ණනා • Dasakavāravaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්යාදියොජනාපාළි • Pācityādiyojanāpāḷi
එකුත්තරිකනයො ඡක්කවාරවණ්ණනා • Ekuttarikanayo chakkavāravaṇṇanā
එකුත්තරිකනයො අට්ඨකවාරවණ්ණනා • Ekuttarikanayo aṭṭhakavāravaṇṇanā
එකුත්තරිකනයො නවකවාරවණ්ණනා • Ekuttarikanayo navakavāravaṇṇanā
එකුත්තරිකනයො දසකවාරවණ්ණනා • Ekuttarikanayo dasakavāravaṇṇanā
