| Library / Tipiṭaka / तिपिटक • Tipiṭaka / विमतिविनोदनी-टीका • Vimativinodanī-ṭīkā |
छक्कवारादिवण्णना
Chakkavārādivaṇṇanā
३२६. छक्कादीसु पाळियं छ अगारवाति बुद्धधम्मसङ्घसिक्खासु, अप्पमादे, पटिसन्थारे च छ अगारवा, तेसु एव च छ गारवा वेदितब्बा। ‘‘छब्बस्सपरमता धारेतब्ब’’न्ति इदं विभङ्गे आगतस्स परमस्स दस्सनं।
326. Chakkādīsu pāḷiyaṃ cha agāravāti buddhadhammasaṅghasikkhāsu, appamāde, paṭisanthāre ca cha agāravā, tesu eva ca cha gāravā veditabbā. ‘‘Chabbassaparamatā dhāretabba’’nti idaṃ vibhaṅge āgatassa paramassa dassanaṃ.
३२८. पाळियं आगतेहि सत्तहीति ‘‘पुब्बेवस्स होति मुसा भणिस्स’’न्तिआदिना मुसावादसिक्खापदे (पाचि॰ ४) आगतेहि सत्तहि।
328. Pāḷiyaṃ āgatehi sattahīti ‘‘pubbevassa hoti musā bhaṇissa’’ntiādinā musāvādasikkhāpade (pāci. 4) āgatehi sattahi.
३२९. तं कुतेत्थ लब्भाति तं अनत्थस्स अचरणं एत्थ एतस्मिं पुग्गले, लोकसन्निवासे वा कुतो केन कारणेन सक्का लद्धुन्ति आघातं पटिविनेति।
329.Taṃkutettha labbhāti taṃ anatthassa acaraṇaṃ ettha etasmiṃ puggale, lokasannivāse vā kuto kena kāraṇena sakkā laddhunti āghātaṃ paṭivineti.
३३०. सस्सतो लोकोतिआदिना वसेनाति ‘‘सस्सतो लोको, असस्सतो लोको। अन्तवा लोको, अनन्तवा लोको। तं जीवं तं सरीरन्ति वा, अञ्ञं जीवं अञ्ञं सरीरन्ति वा। होति तथागतो परम्मरणा, न होति तथागतो परम्मरणा। होति च न होति च तथागतो परम्मरणा, नेव होति न न होति तथागतो परम्मरणा’’ति (म॰ नि॰ १.२६९) एवं आगता दस अन्तग्गाहिका दिट्ठियो सन्धाय वुत्तं। मिच्छादिट्ठिआदयोति मिच्छादिट्ठिमिच्छासङ्कप्पादयो अट्ठमिच्छाञाणमिच्छाविमुत्तीहि सद्धिं दस मिच्छत्ता। तत्थ मिच्छाञाणन्ति मिच्छादिट्ठिसम्पयुत्तो मोहो। अविमुत्तस्सेव विमुत्तसञ्ञिता मिच्छाविमुत्ति नाम।
330.Sassato lokotiādinā vasenāti ‘‘sassato loko, asassato loko. Antavā loko, anantavā loko. Taṃ jīvaṃ taṃ sarīranti vā, aññaṃ jīvaṃ aññaṃ sarīranti vā. Hoti tathāgato parammaraṇā, na hoti tathāgato parammaraṇā. Hoti ca na hoti ca tathāgato parammaraṇā, neva hoti na na hoti tathāgato parammaraṇā’’ti (ma. ni. 1.269) evaṃ āgatā dasa antaggāhikā diṭṭhiyo sandhāya vuttaṃ. Micchādiṭṭhiādayoti micchādiṭṭhimicchāsaṅkappādayo aṭṭhamicchāñāṇamicchāvimuttīhi saddhiṃ dasa micchattā. Tattha micchāñāṇanti micchādiṭṭhisampayutto moho. Avimuttasseva vimuttasaññitā micchāvimutti nāma.
विपरीताति सम्मादिट्ठिआदयो सम्माञाणसम्माविमुत्तिपरियोसाना दस। तत्थ सम्माविमुत्ति अरहत्तफलं, तंसम्पयुत्तं पन ञाणं वा पच्चवेक्खणञाणं वा सम्माञाणन्ति वेदितब्बं।
Viparītāti sammādiṭṭhiādayo sammāñāṇasammāvimuttipariyosānā dasa. Tattha sammāvimutti arahattaphalaṃ, taṃsampayuttaṃ pana ñāṇaṃ vā paccavekkhaṇañāṇaṃ vā sammāñāṇanti veditabbaṃ.
एकुत्तरिकनयो निट्ठितो।
Ekuttarikanayo niṭṭhito.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / परिवारपाळि • Parivārapāḷi
६. छक्कवारो • 6. Chakkavāro
८. अट्ठकवारो • 8. Aṭṭhakavāro
९. नवकवारो • 9. Navakavāro
१०. दसकवारो • 10. Dasakavāro
अट्ठकथा • Aṭṭhakathā / विनयपिटक (अट्ठकथा) • Vinayapiṭaka (aṭṭhakathā) / परिवार-अट्ठकथा • Parivāra-aṭṭhakathā
छक्कवारवण्णना • Chakkavāravaṇṇanā
अट्ठकवारवण्णना • Aṭṭhakavāravaṇṇanā
नवकवारवण्णना • Navakavāravaṇṇanā
दसकवारवण्णना • Dasakavāravaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / सारत्थदीपनी-टीका • Sāratthadīpanī-ṭīkā
छक्कवारवण्णना • Chakkavāravaṇṇanā
अट्ठकवारवण्णना • Aṭṭhakavāravaṇṇanā
नवकवारवण्णना • Navakavāravaṇṇanā
दसकवारवण्णना • Dasakavāravaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / वजिरबुद्धि-टीका • Vajirabuddhi-ṭīkā
छक्कवारवण्णना • Chakkavāravaṇṇanā
अट्ठकवारवण्णना • Aṭṭhakavāravaṇṇanā
नवकवारवण्णना • Navakavāravaṇṇanā
दसकवारवण्णना • Dasakavāravaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / पाचित्यादियोजनापाळि • Pācityādiyojanāpāḷi
एकुत्तरिकनयो छक्कवारवण्णना • Ekuttarikanayo chakkavāravaṇṇanā
एकुत्तरिकनयो अट्ठकवारवण्णना • Ekuttarikanayo aṭṭhakavāravaṇṇanā
एकुत्तरिकनयो नवकवारवण्णना • Ekuttarikanayo navakavāravaṇṇanā
एकुत्तरिकनयो दसकवारवण्णना • Ekuttarikanayo dasakavāravaṇṇanā
