| Library / Tipiṭaka / ཏིཔིཊཀ • Tipiṭaka / པུགྒལཔཉྙཏྟིཔཱལི༹ • Puggalapaññattipāḷi |
༦. ཚཀྐཨུདྡེསོ
6. Chakkauddeso
༡༢. ཚ པུགྒལཱ –
12. Chapuggalā –
(༡) ཨཏྠེཀཙྩོ པུགྒལོ པུབྦེ ཨནནུསྶུཏེསུ དྷམྨེསུ སཱམཾ སཙྩཱནི ཨབྷིསམྦུཛ྄ཛྷཏི, ཏཏྠ ཙ སབྦཉྙུཏཾ པཱཔུཎཱཏི བལེསུ 1 ཙ ཝསཱིབྷཱཝཾ། ཨཏྠེཀཙྩོ པུགྒལོ པུབྦེ ཨནནུསྶུཏེསུ དྷམྨེསུ སཱམཾ སཙྩཱནི ཨབྷིསམྦུཛ྄ཛྷཏི, ན ཙ ཏཏྠ སབྦཉྙུཏཾ པཱཔུཎཱཏི ན ཙ བལེསུ ཝསཱིབྷཱཝཾ། ཨཏྠེཀཙྩོ པུགྒལོ པུབྦེ ཨནནུསྶུཏེསུ དྷམྨེསུ སཱམཾ སཙྩཱནི ཨནབྷིསམྦུཛ྄ཛྷཏི, དིཊྛེ ཙེཝ དྷམྨེ དུཀྑསྶནྟཀརོ ཧོཏི སཱཝཀཔཱརམིཉྩ པཱཔུཎཱཏི། ཨཏྠེཀཙྩོ པུགྒལོ པུབྦེ ཨནནུསྶུཏེསུ དྷམྨེསུ སཱམཾ སཙྩཱནི ཨནབྷིསམྦུཛ྄ཛྷཏི , དིཊྛེཝ དྷམྨེ དུཀྑསྶནྟཀརོ ཧོཏི, ན ཙ སཱཝཀཔཱརམིཾ པཱཔུཎཱཏི། ཨཏྠེཀཙྩོ པུགྒལོ པུབྦེ ཨནནུསྶུཏེསུ དྷམྨེསུ སཱམཾ སཙྩཱནི ཨནབྷིསམྦུཛ྄ཛྷཏི, ན ཙ དིཊྛེཝ དྷམྨེ དུཀྑསྶནྟཀརོ ཧོཏི, ཨནཱགཱམཱི ཧོཏི ཨནཱགནྟཱ 2 ཨིཏྠཏྟཾ། ཨཏྠེཀཙྩོ པུགྒལོ པུབྦེ ཨནནུསྶུཏེསུ དྷམྨེསུ སཱམཾ སཙྩཱནི ཨནབྷིསམྦུཛ྄ཛྷཏི, ན ཙ དིཊྛེཝ དྷམྨེ དུཀྑསྶནྟཀརོ ཧོཏི, ཨཱགཱམཱི 3 ཧོཏི ཨཱགནྟཱ ཨིཏྠཏྟཾ།
(1) Atthekacco puggalo pubbe ananussutesu dhammesu sāmaṃ saccāni abhisambujjhati, tattha ca sabbaññutaṃ pāpuṇāti balesu 4 ca vasībhāvaṃ. Atthekacco puggalo pubbe ananussutesu dhammesu sāmaṃ saccāni abhisambujjhati, na ca tattha sabbaññutaṃ pāpuṇāti na ca balesu vasībhāvaṃ. Atthekacco puggalo pubbe ananussutesu dhammesu sāmaṃ saccāni anabhisambujjhati, diṭṭhe ceva dhamme dukkhassantakaro hoti sāvakapāramiñca pāpuṇāti. Atthekacco puggalo pubbe ananussutesu dhammesu sāmaṃ saccāni anabhisambujjhati , diṭṭheva dhamme dukkhassantakaro hoti, na ca sāvakapāramiṃ pāpuṇāti. Atthekacco puggalo pubbe ananussutesu dhammesu sāmaṃ saccāni anabhisambujjhati, na ca diṭṭheva dhamme dukkhassantakaro hoti, anāgāmī hoti anāgantā 5 itthattaṃ. Atthekacco puggalo pubbe ananussutesu dhammesu sāmaṃ saccāni anabhisambujjhati, na ca diṭṭheva dhamme dukkhassantakaro hoti, āgāmī 6 hoti āgantā itthattaṃ.
ཚཀྐཾ།
Chakkaṃ.
Footnotes:
Related texts:
ཨཊྛཀཐཱ • Aṭṭhakathā / ཨབྷིདྷམྨཔིཊཀ (ཨཊྛཀཐཱ) • Abhidhammapiṭaka (aṭṭhakathā) / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā / ༡. མཱཏིཀཱཝཎྞནཱ • 1. Mātikāvaṇṇanā
