| Library / Tipiṭaka / ਤਿਪਿਟਕ • Tipiṭaka / ਧਮ੍ਮਸਙ੍ਗਣਿ-ਅਟ੍ਠਕਥਾ • Dhammasaṅgaṇi-aṭṭhakathā |
ਛਕ੍ਕਾਦਿਨਿਦ੍ਦੇਸવਣ੍ਣਨਾ
Chakkādiniddesavaṇṇanā
੯੭੨-੪. ਛਬ੍ਬਿਧਾਦਿਸਙ੍ਗਹਾਨਂ ਤਿਣ੍ਣਂ ਓਸਾਨਪਦਸ੍ਸ ਭੇਦਾਭਾવਤੋ ਆਦਿਤੋ ਪਟ੍ਠਾਯ ਅਪੁਚ੍ਛਿਤ੍વਾવ ਨਿਦ੍ਦੇਸੋ ਕਤੋ। ਤਤ੍ਥ ਚਕ੍ਖੁવਿਞ੍ਞਾਣੇਨ ਜਾਨਿਤੁਂ ਸਕ੍ਕਾਤਿ ਚਕ੍ਖੁવਿਞ੍ਞੇਯ੍ਯਂ…ਪੇ॰… ਮਨੋવਿਞ੍ਞਾਣੇਨ ਜਾਨਿਤੁਂ ਸਕ੍ਕਾਤਿ ਮਨੋવਿਞ੍ਞੇਯ੍ਯਂ। ਤਿવਿਧਾਯ ਮਨੋਧਾਤੁਯਾ ਜਾਨਿਤੁਂ ਸਕ੍ਕਾਤਿ ਮਨੋਧਾਤੁવਿਞ੍ਞੇਯ੍ਯਂ ਸਬ੍ਬਂ ਰੂਪਨ੍ਤਿ ਏਤ੍ਥ ਯਸ੍ਮਾ ਏਕਂ ਰੂਪਮ੍ਪਿ ਮਨੋવਿਞ੍ਞਾਣਧਾਤੁਯਾ ਅਜਾਨਿਤਬ੍ਬਂ ਨਾਮ ਨਤ੍ਥਿ, ਤਸ੍ਮਾ ‘ਸਬ੍ਬਂ ਰੂਪ’ਨ੍ਤਿ વੁਤ੍ਤਂ। ਸਮ੍ਮਾਸਮ੍ਬੁਦ੍ਧੇਨ ਹਿ ਅਭਿਧਮ੍ਮਂ ਪਤ੍વਾ ਨਯਂ ਕਾਤੁਂ ਯੁਤ੍ਤਟ੍ਠਾਨੇ ਨਯੋ ਅਕਤੋ ਨਾਮ ਨਤ੍ਥਿ। ਇਦਞ੍ਚ ਏਕਰੂਪਸ੍ਸਾਪਿ ਮਨੋવਿਞ੍ਞਾਣਧਾਤੁਯਾ ਅਜਾਨਿਤਬ੍ਬਸ੍ਸ ਅਭਾવੇਨ ਨਯਂ ਕਾਤੁਂ ਯੁਤ੍ਤਟ੍ਠਾਨਂ ਨਾਮ, ਤਸ੍ਮਾ ਨਯਂ ਕਰੋਨ੍ਤੋ ‘ਸਬ੍ਬਂ ਰੂਪ’ਨ੍ਤਿ ਆਹ।
972-4. Chabbidhādisaṅgahānaṃ tiṇṇaṃ osānapadassa bhedābhāvato ādito paṭṭhāya apucchitvāva niddeso kato. Tattha cakkhuviññāṇena jānituṃ sakkāti cakkhuviññeyyaṃ…pe… manoviññāṇena jānituṃ sakkāti manoviññeyyaṃ. Tividhāya manodhātuyā jānituṃ sakkāti manodhātuviññeyyaṃ sabbaṃ rūpanti ettha yasmā ekaṃ rūpampi manoviññāṇadhātuyā ajānitabbaṃ nāma natthi, tasmā ‘sabbaṃ rūpa’nti vuttaṃ. Sammāsambuddhena hi abhidhammaṃ patvā nayaṃ kātuṃ yuttaṭṭhāne nayo akato nāma natthi. Idañca ekarūpassāpi manoviññāṇadhātuyā ajānitabbassa abhāvena nayaṃ kātuṃ yuttaṭṭhānaṃ nāma, tasmā nayaṃ karonto ‘sabbaṃ rūpa’nti āha.
੯੭੪. ਸੁਖਸਮ੍ਫਸ੍ਸੋਤਿ ਸੁਖવੇਦਨਾਪਟਿਲਾਭਪਚ੍ਚਯੋ। ਦੁਕ੍ਖਸਮ੍ਫਸ੍ਸੋਤਿ ਦੁਕ੍ਖવੇਦਨਾਪਟਿਲਾਭਪਚ੍ਚਯੋ। ਇਧਾਪਿ ਫੋਟ੍ਠਬ੍ਬਾਰਮ੍ਮਣਸ੍ਸ ਸੁਖਦੁਕ੍ਖਸ੍ਸ ਸਬ੍ਭਾવਤੋ ਅਯਂ ਨਯੋ ਦਿਨ੍ਨੋ।
974. Sukhasamphassoti sukhavedanāpaṭilābhapaccayo. Dukkhasamphassoti dukkhavedanāpaṭilābhapaccayo. Idhāpi phoṭṭhabbārammaṇassa sukhadukkhassa sabbhāvato ayaṃ nayo dinno.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਧਮ੍ਮਸਙ੍ਗਣੀਪਾਲ਼ਿ • Dhammasaṅgaṇīpāḷi / ਰੂਪવਿਭਤ੍ਤਿ • Rūpavibhatti
