| Library / Tipiṭaka / ཏིཔིཊཀ • Tipiṭaka / དྷམྨསངྒཎི-ཨཊྛཀཐཱ • Dhammasaṅgaṇi-aṭṭhakathā |
ཚཀྐཱདིནིདྡེསཝཎྞནཱ
Chakkādiniddesavaṇṇanā
༩༧༢-༤. ཚབྦིདྷཱདིསངྒཧཱནཾ ཏིཎྞཾ ཨོསཱནཔདསྶ བྷེདཱབྷཱཝཏོ ཨཱདིཏོ པཊྛཱཡ ཨཔུཙྪིཏྭཱཝ ནིདྡེསོ ཀཏོ། ཏཏྠ ཙཀྑུཝིཉྙཱཎེན ཛཱནིཏུཾ སཀྐཱཏི ཙཀྑུཝིཉྙེཡྻཾ…པེ॰… མནོཝིཉྙཱཎེན ཛཱནིཏུཾ སཀྐཱཏི མནོཝིཉྙེཡྻཾ། ཏིཝིདྷཱཡ མནོདྷཱཏུཡཱ ཛཱནིཏུཾ སཀྐཱཏི མནོདྷཱཏུཝིཉྙེཡྻཾ སབྦཾ རཱུཔནྟི ཨེཏྠ ཡསྨཱ ཨེཀཾ རཱུཔམྤི མནོཝིཉྙཱཎདྷཱཏུཡཱ ཨཛཱནིཏབྦཾ ནཱམ ནཏྠི, ཏསྨཱ ‘སབྦཾ རཱུཔ’ནྟི ཝུཏྟཾ། སམྨཱསམྦུདྡྷེན ཧི ཨབྷིདྷམྨཾ པཏྭཱ ནཡཾ ཀཱཏུཾ ཡུཏྟཊྛཱནེ ནཡོ ཨཀཏོ ནཱམ ནཏྠི། ཨིདཉྩ ཨེཀརཱུཔསྶཱཔི མནོཝིཉྙཱཎདྷཱཏུཡཱ ཨཛཱནིཏབྦསྶ ཨབྷཱཝེན ནཡཾ ཀཱཏུཾ ཡུཏྟཊྛཱནཾ ནཱམ, ཏསྨཱ ནཡཾ ཀརོནྟོ ‘སབྦཾ རཱུཔ’ནྟི ཨཱཧ།
972-4. Chabbidhādisaṅgahānaṃ tiṇṇaṃ osānapadassa bhedābhāvato ādito paṭṭhāya apucchitvāva niddeso kato. Tattha cakkhuviññāṇena jānituṃ sakkāti cakkhuviññeyyaṃ…pe… manoviññāṇena jānituṃ sakkāti manoviññeyyaṃ. Tividhāya manodhātuyā jānituṃ sakkāti manodhātuviññeyyaṃ sabbaṃ rūpanti ettha yasmā ekaṃ rūpampi manoviññāṇadhātuyā ajānitabbaṃ nāma natthi, tasmā ‘sabbaṃ rūpa’nti vuttaṃ. Sammāsambuddhena hi abhidhammaṃ patvā nayaṃ kātuṃ yuttaṭṭhāne nayo akato nāma natthi. Idañca ekarūpassāpi manoviññāṇadhātuyā ajānitabbassa abhāvena nayaṃ kātuṃ yuttaṭṭhānaṃ nāma, tasmā nayaṃ karonto ‘sabbaṃ rūpa’nti āha.
༩༧༤. སུཁསམྥསྶོཏི སུཁཝེདནཱཔཊིལཱབྷཔཙྩཡོ། དུཀྑསམྥསྶོཏི དུཀྑཝེདནཱཔཊིལཱབྷཔཙྩཡོ། ཨིདྷཱཔི ཕོཊྛབྦཱརམྨཎསྶ སུཁདུཀྑསྶ སབྦྷཱཝཏོ ཨཡཾ ནཡོ དིནྣོ།
974. Sukhasamphassoti sukhavedanāpaṭilābhapaccayo. Dukkhasamphassoti dukkhavedanāpaṭilābhapaccayo. Idhāpi phoṭṭhabbārammaṇassa sukhadukkhassa sabbhāvato ayaṃ nayo dinno.
Related texts:
ཏིཔིཊཀ (མཱུལ) • Tipiṭaka (Mūla) / ཨབྷིདྷམྨཔིཊཀ • Abhidhammapiṭaka / དྷམྨསངྒཎཱིཔཱལི༹ • Dhammasaṅgaṇīpāḷi / རཱུཔཝིབྷཏྟི • Rūpavibhatti
