| Library / Tipiṭaka / д̇ибидага • Tipiṭaka / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā |
чаггаад̣̇инид̣̇д̣̇зсаван̣н̣анаа
Chakkādiniddesavaṇṇanā
972-4. чаб̣б̣ид̇хаад̣̇исан̇г̇ахаанам̣ д̇ин̣н̣ам̣ осаанабад̣̇асса бхзд̣̇аабхаавад̇о аад̣̇ид̇о бадтааяа абужчид̇ваава нид̣̇д̣̇зсо гад̇о. д̇ад̇т̇а жагкувин̃н̃аан̣зна ж̇аанид̇ум̣ саггаад̇и жагкувин̃н̃зяяам̣…бз… мановин̃н̃аан̣зна ж̇аанид̇ум̣ саггаад̇и мановин̃н̃зяяам̣. д̇ивид̇хааяа манод̇хаад̇уяаа ж̇аанид̇ум̣ саггаад̇и манод̇хаад̇увин̃н̃зяяам̣ саб̣б̣ам̣ руубанд̇и зд̇т̇а яасмаа згам̣ руубамби мановин̃н̃аан̣ад̇хаад̇уяаа аж̇аанид̇аб̣б̣ам̣ наама над̇т̇и, д̇асмаа ‘саб̣б̣ам̣ рууба’нд̇и вуд̇д̇ам̣. саммаасамб̣уд̣̇д̇хзна хи абхид̇хаммам̣ бад̇ваа наяам̣ гаад̇ум̣ яуд̇д̇адтаанз наяо агад̇о наама над̇т̇и. ид̣̇ан̃жа згаруубассааби мановин̃н̃аан̣ад̇хаад̇уяаа аж̇аанид̇аб̣б̣асса абхаавзна наяам̣ гаад̇ум̣ яуд̇д̇адтаанам̣ наама, д̇асмаа наяам̣ гаронд̇о ‘саб̣б̣ам̣ рууба’нд̇и ааха.
972-4. Chabbidhādisaṅgahānaṃ tiṇṇaṃ osānapadassa bhedābhāvato ādito paṭṭhāya apucchitvāva niddeso kato. Tattha cakkhuviññāṇena jānituṃ sakkāti cakkhuviññeyyaṃ…pe… manoviññāṇena jānituṃ sakkāti manoviññeyyaṃ. Tividhāya manodhātuyā jānituṃ sakkāti manodhātuviññeyyaṃ sabbaṃ rūpanti ettha yasmā ekaṃ rūpampi manoviññāṇadhātuyā ajānitabbaṃ nāma natthi, tasmā ‘sabbaṃ rūpa’nti vuttaṃ. Sammāsambuddhena hi abhidhammaṃ patvā nayaṃ kātuṃ yuttaṭṭhāne nayo akato nāma natthi. Idañca ekarūpassāpi manoviññāṇadhātuyā ajānitabbassa abhāvena nayaṃ kātuṃ yuttaṭṭhānaṃ nāma, tasmā nayaṃ karonto ‘sabbaṃ rūpa’nti āha.
974. сукасампассод̇и сукавзд̣̇анаабадилаабхабажжаяо. д̣̇угкасампассод̇и д̣̇угкавзд̣̇анаабадилаабхабажжаяо. ид̇хааби подтаб̣б̣аарамман̣асса сукад̣̇угкасса саб̣бхаавад̇о аяам̣ наяо д̣̇инно.
974. Sukhasamphassoti sukhavedanāpaṭilābhapaccayo. Dukkhasamphassoti dukkhavedanāpaṭilābhapaccayo. Idhāpi phoṭṭhabbārammaṇassa sukhadukkhassa sabbhāvato ayaṃ nayo dinno.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / руубавибхад̇д̇и • Rūpavibhatti
