| Library / Tipiṭaka / തിപിടക • Tipiṭaka / കങ്ഖാവിതരണീ-പുരാണ-ടീകാ • Kaṅkhāvitaraṇī-purāṇa-ṭīkā |
൪. ഛബ്ബസ്സസിക്ഖാപദവണ്ണനാ
4. Chabbassasikkhāpadavaṇṇanā
‘‘ഓരേന ചേ ഛന്നം വസ്സാന’’ന്തി വുത്തത്താ ഛബ്ബസ്സേ പരിപുണ്ണേ കാതും വട്ടതീതി നിട്ഠാനദിവസതോ പട്ഠായ ഛന്നം വസ്സാനം പരിച്ഛേദോ വേദിതബ്ബോ. യാനി പനേത്ഥ അതിരേകഛബ്ബസ്സവസേന വാ സമ്മുതിവസേന വാ കതാനി, സബ്ബാനി താനി ഏകതോ പരിഭുഞ്ജിതും വട്ടന്തീതി. ഗിലാനസ്സ ച ഏകം നപ്പഹോതീതി അനേകമ്പി വട്ടതി. യതോ പട്ഠായ രോഗസ്സ മന്ദതായ സന്ഥതം ആദായ ഗന്തും സക്കോതി, തതോ പട്ഠായ സമ്മുതി വാ രോഗോ വാ ന രക്ഖതീതി ഏകേ. അപിച ഛവസ്സബുദ്ധനിമ്മലം സിക്ഖാപദം വിചാരേതും ഗമ്ഭീരത്താ. തസ്മാ ഛവസ്സേ കമ്മം കതന്തി.
‘‘Orenace channaṃ vassāna’’nti vuttattā chabbasse paripuṇṇe kātuṃ vaṭṭatīti niṭṭhānadivasato paṭṭhāya channaṃ vassānaṃ paricchedo veditabbo. Yāni panettha atirekachabbassavasena vā sammutivasena vā katāni, sabbāni tāni ekato paribhuñjituṃ vaṭṭantīti. Gilānassa ca ekaṃ nappahotīti anekampi vaṭṭati. Yato paṭṭhāya rogassa mandatāya santhataṃ ādāya gantuṃ sakkoti, tato paṭṭhāya sammuti vā rogo vā na rakkhatīti eke. Apica chavassabuddhanimmalaṃ sikkhāpadaṃ vicāretuṃ gambhīrattā. Tasmā chavasse kammaṃ katanti.
ഛബ്ബസ്സസിക്ഖാപദവണ്ണനാ നിട്ഠിതാ.
Chabbassasikkhāpadavaṇṇanā niṭṭhitā.
