| Library / Tipiṭaka / တိပိဋက • Tipiṭaka / သာရတ္ထဒီပနီ-ဋီကာ • Sāratthadīpanī-ṭīkā |
၄. ဆဗ္ဗသ္သသိက္ခာပဒဝဏ္ဏနာ
4. Chabbassasikkhāpadavaṇṇanā
၅၅၇. ဆဗ္ဗသ္သသိက္ခာပဒေ ပန ‘‘ယေသံ နော သန္ထတေ ဒာရကာ ဥဟဒန္တိပိ ဥမ္မိဟန္တိပိ, ယေသံ နော သန္ထတာ ဥန္ဒူရေဟိပိ ခဇ္ဇန္တီ’’တိ ဧဝံ ပာဠိပဒာနံ သမ္ဗန္ဓော ဝေဒိတဗ္ဗော။ ဟဒ ကရီသောသ္သဂ္ဂေ, မိဟ သေစနေတိ ပနိမသ္သတ္ထံ သန္ဓာယာဟ ‘‘ဝစ္စမ္ပိ ပသ္သာဝမ္ပိ ကရောန္တီ’’တိ။ ပဝာရဏာဥပောသထပာဋိပဒဒိဝသေသု သန္ထတံ ကရိတ္ဝာ ပုန ဆဋ္ဌေ ဝသ္သေ ပရိပုဏ္ဏေ ပဝာရဏာဥပောသထပာဋိပဒဒိဝသေသု ကရောန္တော ‘‘ဆဗ္ဗသ္သာနိ ကရောတီ’’တိ ဝုစ္စတိ။ ဒုတိယဒိဝသတော ပဋ္ဌာယ ကရောန္တော ပန အတိရေကဆဗ္ဗသ္သာနိ ကရောတိ နာမ။
557. Chabbassasikkhāpade pana ‘‘yesaṃ no santhate dārakā uhadantipi ummihantipi, yesaṃ no santhatā undūrehipi khajjantī’’ti evaṃ pāḷipadānaṃ sambandho veditabbo. Hada karīsossagge, miha secaneti panimassatthaṃ sandhāyāha ‘‘vaccampi passāvampi karontī’’ti. Pavāraṇāuposathapāṭipadadivasesu santhataṃ karitvā puna chaṭṭhe vasse paripuṇṇe pavāraṇāuposathapāṭipadadivasesu karonto ‘‘chabbassāni karotī’’ti vuccati. Dutiyadivasato paṭṭhāya karonto pana atirekachabbassāni karoti nāma.
ဆဗ္ဗသ္သသိက္ခာပဒဝဏ္ဏနာ နိဋ္ဌိတာ။
Chabbassasikkhāpadavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝိဘင္ဂ • Mahāvibhaṅga / ၄. ဆဗ္ဗသ္သသိက္ခာပဒံ • 4. Chabbassasikkhāpadaṃ
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝိဘင္ဂ-အဋ္ဌကထာ • Mahāvibhaṅga-aṭṭhakathā / ၄. ဆဗ္ဗသ္သသိက္ခာပဒဝဏ္ဏနာ • 4. Chabbassasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ၄. ဆဗ္ဗသ္သသိက္ခာပဒဝဏ္ဏနာ • 4. Chabbassasikkhāpadavaṇṇanā
