| Library / Tipiṭaka / તિપિટક • Tipiṭaka / સારત્થદીપની-ટીકા • Sāratthadīpanī-ṭīkā |
૪. છબ્બસ્સસિક્ખાપદવણ્ણના
4. Chabbassasikkhāpadavaṇṇanā
૫૫૭. છબ્બસ્સસિક્ખાપદે પન ‘‘યેસં નો સન્થતે દારકા ઉહદન્તિપિ ઉમ્મિહન્તિપિ, યેસં નો સન્થતા ઉન્દૂરેહિપિ ખજ્જન્તી’’તિ એવં પાળિપદાનં સમ્બન્ધો વેદિતબ્બો. હદ કરીસોસ્સગ્ગે, મિહ સેચનેતિ પનિમસ્સત્થં સન્ધાયાહ ‘‘વચ્ચમ્પિ પસ્સાવમ્પિ કરોન્તી’’તિ. પવારણાઉપોસથપાટિપદદિવસેસુ સન્થતં કરિત્વા પુન છટ્ઠે વસ્સે પરિપુણ્ણે પવારણાઉપોસથપાટિપદદિવસેસુ કરોન્તો ‘‘છબ્બસ્સાનિ કરોતી’’તિ વુચ્ચતિ. દુતિયદિવસતો પટ્ઠાય કરોન્તો પન અતિરેકછબ્બસ્સાનિ કરોતિ નામ.
557. Chabbassasikkhāpade pana ‘‘yesaṃ no santhate dārakā uhadantipi ummihantipi, yesaṃ no santhatā undūrehipi khajjantī’’ti evaṃ pāḷipadānaṃ sambandho veditabbo. Hada karīsossagge, miha secaneti panimassatthaṃ sandhāyāha ‘‘vaccampi passāvampi karontī’’ti. Pavāraṇāuposathapāṭipadadivasesu santhataṃ karitvā puna chaṭṭhe vasse paripuṇṇe pavāraṇāuposathapāṭipadadivasesu karonto ‘‘chabbassāni karotī’’ti vuccati. Dutiyadivasato paṭṭhāya karonto pana atirekachabbassāni karoti nāma.
છબ્બસ્સસિક્ખાપદવણ્ણના નિટ્ઠિતા.
Chabbassasikkhāpadavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / મહાવિભઙ્ગ • Mahāvibhaṅga / ૪. છબ્બસ્સસિક્ખાપદં • 4. Chabbassasikkhāpadaṃ
અટ્ઠકથા • Aṭṭhakathā / વિનયપિટક (અટ્ઠકથા) • Vinayapiṭaka (aṭṭhakathā) / મહાવિભઙ્ગ-અટ્ઠકથા • Mahāvibhaṅga-aṭṭhakathā / ૪. છબ્બસ્સસિક્ખાપદવણ્ણના • 4. Chabbassasikkhāpadavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વિમતિવિનોદની-ટીકા • Vimativinodanī-ṭīkā / ૪. છબ્બસ્સસિક્ખાપદવણ્ણના • 4. Chabbassasikkhāpadavaṇṇanā
