| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༥. ཙེཏོཁིལསུཏྟཾ
5. Cetokhilasuttaṃ
༢༠༥. 1 ‘‘པཉྩིམེ, བྷིཀྑཝེ, ཙེཏོཁིལཱ། ཀཏམེ པཉྩ? ཨིདྷ, བྷིཀྑཝེ , བྷིཀྑུ སཏྠརི ཀངྑཏི ཝིཙིཀིཙྪཏི ནཱདྷིམུཙྩཏི ན སམྤསཱིདཏི། ཡོ སོ, བྷིཀྑཝེ, བྷིཀྑུ སཏྠརི ཀངྑཏི ཝིཙིཀིཙྪཏི ནཱདྷིམུཙྩཏི ན སམྤསཱིདཏི, ཏསྶ ཙིཏྟཾ ན ནམཏི ཨཱཏཔྤཱཡ ཨནུཡོགཱཡ སཱཏཙྩཱཡ པདྷཱནཱཡ། ཡསྶ ཙིཏྟཾ ན ནམཏི ཨཱཏཔྤཱཡ ཨནུཡོགཱཡ སཱཏཙྩཱཡ པདྷཱནཱཡ, ཨཡཾ པཋམོ ཙེཏོཁིལོ།
205.2 ‘‘Pañcime, bhikkhave, cetokhilā. Katame pañca? Idha, bhikkhave , bhikkhu satthari kaṅkhati vicikicchati nādhimuccati na sampasīdati. Yo so, bhikkhave, bhikkhu satthari kaṅkhati vicikicchati nādhimuccati na sampasīdati, tassa cittaṃ na namati ātappāya anuyogāya sātaccāya padhānāya. Yassa cittaṃ na namati ātappāya anuyogāya sātaccāya padhānāya, ayaṃ paṭhamo cetokhilo.
‘‘པུན ཙཔརཾ, བྷིཀྑཝེ, བྷིཀྑུ དྷམྨེ ཀངྑཏི…པེ॰… སངྒྷེ ཀངྑཏི…པེ॰… སིཀྑཱཡ ཀངྑཏི…པེ॰… སབྲཧྨཙཱརཱིསུ ཀུཔིཏོ ཧོཏི ཨནཏྟམནོ ཨཱཧཏཙིཏྟོ ཁིལཛཱཏོ། ཡོ སོ, བྷིཀྑཝེ, བྷིཀྑུ སབྲཧྨཙཱརཱིསུ ཀུཔིཏོ ཧོཏི ཨནཏྟམནོ ཨཱཧཏཙིཏྟོ ཁིལཛཱཏོ, ཏསྶ ཙིཏྟཾ ན ནམཏི ཨཱཏཔྤཱཡ ཨནུཡོགཱཡ སཱཏཙྩཱཡ པདྷཱནཱཡ། ཡསྶ ཙིཏྟཾ ན ནམཏི ཨཱཏཔྤཱཡ ཨནུཡོགཱཡ སཱཏཙྩཱཡ པདྷཱནཱཡ, ཨཡཾ པཉྩམོ ཙེཏོཁིལོ། ཨིམེ ཁོ, བྷིཀྑཝེ, པཉྩ ཙེཏོཁིལཱ’’ཏི། པཉྩམཾ།
‘‘Puna caparaṃ, bhikkhave, bhikkhu dhamme kaṅkhati…pe… saṅghe kaṅkhati…pe… sikkhāya kaṅkhati…pe… sabrahmacārīsu kupito hoti anattamano āhatacitto khilajāto. Yo so, bhikkhave, bhikkhu sabrahmacārīsu kupito hoti anattamano āhatacitto khilajāto, tassa cittaṃ na namati ātappāya anuyogāya sātaccāya padhānāya. Yassa cittaṃ na namati ātappāya anuyogāya sātaccāya padhānāya, ayaṃ pañcamo cetokhilo. Ime kho, bhikkhave, pañca cetokhilā’’ti. Pañcamaṃ.
Footnotes:
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༥. ཙེཏོཁིལསུཏྟཝཎྞནཱ • 5. Cetokhilasuttavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༥. ཙེཏོཁིལསུཏྟཝཎྞནཱ • 5. Cetokhilasuttavaṇṇanā
