| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
১০. চেতসোৰিনিবন্ধসুত্তং
10. Cetasovinibandhasuttaṃ
৯২. ‘‘পঞ্চিমে , ভিক্খৰে, চেতসোৰিনিবন্ধা। কতমে পঞ্চ? ইধ, ভিক্খৰে, ভিক্খু কামেসু অৰীতরাগো হোতি…পে॰… ইমে খো, ভিক্খৰে, পঞ্চ চেতসোৰিনিবন্ধা।
92. ‘‘Pañcime , bhikkhave, cetasovinibandhā. Katame pañca? Idha, bhikkhave, bhikkhu kāmesu avītarāgo hoti…pe… ime kho, bhikkhave, pañca cetasovinibandhā.
‘‘ইমেসং খো, ভিক্খৰে, পঞ্চন্নং চেতসোৰিনিবন্ধানং পহানায ইমে চত্তারো ইদ্ধিপাদা ভাৰেতব্বা। কতমে চত্তারো? ইধ, ভিক্খৰে, ভিক্খু ছন্দসমাধিপধানসঙ্খারসমন্নাগতং ইদ্ধিপাদং ভাৰেতি, ৰীরিযসমাধি… চিত্তসমাধি… ৰীমংসাসমাধিপধানসঙ্খারসমন্নাগতং ইদ্ধিপাদং ভাৰেতি। ইমেসং খো, ভিক্খৰে, পঞ্চন্নং চেতসোৰিনিবন্ধানং পহানায ইমে চত্তারো ইদ্ধিপাদা ভাৰেতব্বা’’তি। দসমং।
‘‘Imesaṃ kho, bhikkhave, pañcannaṃ cetasovinibandhānaṃ pahānāya ime cattāro iddhipādā bhāvetabbā. Katame cattāro? Idha, bhikkhave, bhikkhu chandasamādhipadhānasaṅkhārasamannāgataṃ iddhipādaṃ bhāveti, vīriyasamādhi… cittasamādhi… vīmaṃsāsamādhipadhānasaṅkhārasamannāgataṃ iddhipādaṃ bhāveti. Imesaṃ kho, bhikkhave, pañcannaṃ cetasovinibandhānaṃ pahānāya ime cattāro iddhipādā bhāvetabbā’’ti. Dasamaṃ.
ইদ্ধিপাদৰগ্গো চতুত্থো।
Iddhipādavaggo catuttho.
যথেৰ সতিপট্ঠানা, পধানা চতুরোপি চ।
Yatheva satipaṭṭhānā, padhānā caturopi ca;
চত্তারো ইদ্ধিপাদা চ, তথেৰ সম্পযোজযেতি॥
Cattāro iddhipādā ca, tatheva sampayojayeti.
