| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) |
༨. ཙཝནསུཏྟཝཎྞནཱ
8. Cavanasuttavaṇṇanā
༨. ཨཊྛམེ སདྡྷཱཡཱཏི ཨིམིནཱ ཨདྷིགམསདྡྷཱ དསྶིཏཱ། ཙཏུབྦིདྷཱ ཧི སདྡྷཱ – ཨཱགམནཱིཡསདྡྷཱ, ཨདྷིགམསདྡྷཱ, པསཱདསདྡྷཱ, ཨོཀཔྤནསདྡྷཱཏི། ཏཏྠ ཨཱགམནཱིཡསདྡྷཱ སབྦཉྙུབོདྷིསཏྟཱནཾ པཝཏྟཱ ཧོཏི། ཨཱགམནཱིཡཔྤཊིཔདཱཡ ཨཱགཏཱ ཧི སདྡྷཱ སཱཏིསཡཱ མཧཱབོདྷིསཏྟཱནཾ པརོཔདེསེན ཝིནཱ སདྡྷེཡྻཝཏྠུཾ ཨཝིཔརཱིཏཏོ གཧེཏྭཱ ཨདྷིམུཙྩནཏོ། སཙྩཔྤཊིཝེདྷཏོ ཨཱགཏསདྡྷཱ ཨདྷིགམསདྡྷཱ སུཔྤབུདྡྷཱདཱིནཾ ཝིཡ། ‘‘སམྨཱསམྦུདྡྷོ བྷགཝཱ’’ཏིཨཱདིནཱ བུདྡྷཱདཱིསུ ཨུཔྤཛྫནཀཔྤསཱདོ པསཱདསདྡྷཱ མཧཱཀཔྤིནརཱཛཱདཱིནཾ ཝིཡ། ‘‘ཨེཝམེཏ’’ནྟི ཨོཀྐནྡིཏྭཱ པཀྑནྡིཏྭཱ སདྡཧནཝསེན ཀཔྤནཾ ཨོཀཔྤནཾ, ཏདེཝ སདྡྷཱཏི ཨོཀཔྤནསདྡྷཱ། ཏཏྠ པསཱདསདྡྷཱ པརནེཡྻརཱུཔཱ ཧོཏི, སཝནམཏྟེནཔི པསཱིདནཏོ། ཨོཀཔྤནསདྡྷཱ སདྡྷེཡྻཾ ཝཏྠུཾ ཨོགཱཧིཏྭཱ ཨནུཔཝིསིཏྭཱ ‘‘ཨེཝམེཏ’’ནྟི པཙྩཀྑཾ ཀརོནྟཱི ཝིཡ པཝཏྟཏི།
8. Aṭṭhame saddhāyāti iminā adhigamasaddhā dassitā. Catubbidhā hi saddhā – āgamanīyasaddhā, adhigamasaddhā, pasādasaddhā, okappanasaddhāti. Tattha āgamanīyasaddhā sabbaññubodhisattānaṃ pavattā hoti. Āgamanīyappaṭipadāya āgatā hi saddhā sātisayā mahābodhisattānaṃ paropadesena vinā saddheyyavatthuṃ aviparītato gahetvā adhimuccanato. Saccappaṭivedhato āgatasaddhā adhigamasaddhā suppabuddhādīnaṃ viya. ‘‘Sammāsambuddho bhagavā’’tiādinā buddhādīsu uppajjanakappasādo pasādasaddhā mahākappinarājādīnaṃ viya. ‘‘Evameta’’nti okkanditvā pakkhanditvā saddahanavasena kappanaṃ okappanaṃ, tadeva saddhāti okappanasaddhā. Tattha pasādasaddhā paraneyyarūpā hoti, savanamattenapi pasīdanato. Okappanasaddhā saddheyyaṃ vatthuṃ ogāhitvā anupavisitvā ‘‘evameta’’nti paccakkhaṃ karontī viya pavattati.
ཙཝནསུཏྟཝཎྞནཱ ནིཊྛིཏཱ།
Cavanasuttavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༨. ཙཝནསུཏྟཾ • 8. Cavanasuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༨. ཙཝནསུཏྟཝཎྞནཱ • 8. Cavanasuttavaṇṇanā
