| Library / Tipiṭaka / ཏིཔིཊཀ • Tipiṭaka / པཱཙིཏྱཱདིཡོཛནཱཔཱལི༹ • Pācityādiyojanāpāḷi |
ཙཏུཝིཔཏྟིཝཎྞནཱ
Catuvipattivaṇṇanā
༣༣༦. ཡཾ ཏཾ པུཙྪིམྷཱཏི ཨེཏྠ ནིགྒཧིཏཏོ པརཾ ཨཀཱརལོཔོཏི ཨཱཧ ‘‘ཡཾ ཏཾ ཨཔུཙྪིམྷཱ’’ཏི ། ཏཏྠ ཡནྟི པཉྷཾ། ཏནྟི ཏུཝཾ། ‘‘ཏྭ’’ནྟིཔི པཱཋོ, ཨཡམེཝཏྠོ། ཏཾ ཏདེཝཱཏི ཏཾ ཏཾ ཨེཝ པཉྷཾ། ཨཉྙཐཱཏི ཨཉྙཾ ཨཱཀཱརཾ།
336.Yaṃ taṃ pucchimhāti ettha niggahitato paraṃ akāralopoti āha ‘‘yaṃ taṃ apucchimhā’’ti . Tattha yanti pañhaṃ. Tanti tuvaṃ. ‘‘Tva’’ntipi pāṭho, ayamevattho. Taṃ tadevāti taṃ taṃ eva pañhaṃ. Aññathāti aññaṃ ākāraṃ.
ཡེ དུཊྛུལླཱ སཱ སཱིལཝིཔཏྟཱིཏི ཨེཏྠ ནནུ སཱིལཝིཔཏྟིཾ པུཙྪནྟོ པཉྷོ ནཏྠི, ཀསྨཱ པན ‘‘སཱ སཱིལཝིཔཏྟཱི’’ཏི ཝིསྶཛྫནཾ ཝུཏྟནྟི ཨཱཧ ‘‘ཀིཉྩཱཔཱི’’ཏིཨཱདི། ཨེཏནྟི ‘‘ཡེ དུཊྛུལླཱ སཱ སཱིལཝིཔཏྟཱི’’ཏི ཝཙནཾ། ཏམེཝཏྠཾ ཝིཏྠཱརེནྟོ ཨཱཧ ‘‘ཙཏཱུསུ ཧཱི’’ཏིཨཱདི། ཝཏྭཱཏི སཾཁེཔེན ཝཏྭཱ།
Ye duṭṭhullā sā sīlavipattīti ettha nanu sīlavipattiṃ pucchanto pañho natthi, kasmā pana ‘‘sā sīlavipattī’’ti vissajjanaṃ vuttanti āha ‘‘kiñcāpī’’tiādi. Etanti ‘‘ye duṭṭhullā sā sīlavipattī’’ti vacanaṃ. Tamevatthaṃ vitthārento āha ‘‘catūsu hī’’tiādi. Vatvāti saṃkhepena vatvā.
ཏིསྶནྣཾ ཝིཔཏྟཱིནནྟི སཱིལཝིཔཏྟིཏོ ཨཝསེསཱནཾ ཏིསྶནྣཾ ཝིཔཏྟཱིནཾ། ཏཏྠཱཏི ‘‘ཐུལླཙྩཡ’’ནྟིཨཱདིཝཙནེ།
Tissannaṃ vipattīnanti sīlavipattito avasesānaṃ tissannaṃ vipattīnaṃ. Tatthāti ‘‘thullaccaya’’ntiādivacane.
‘‘ཨབྦྷཱཙིཀྑནྟཱི’’ཏི པདསྶ ཀཏྟཱརཾ དསྶེནྟོ ཨཱཧ ‘‘ཝདནྟཱ’’ཏི། ‘‘ཏཐཱཧ’’ནྟིཨཱདིནཱ ཝདནཱཀཱརཾ དསྶེཏི།
‘‘Abbhācikkhantī’’ti padassa kattāraṃ dassento āha ‘‘vadantā’’ti. ‘‘Tathāha’’ntiādinā vadanākāraṃ dasseti.
‘‘ཨཡཾ ཚཧཱི’’ཏི ཨིམིནཱ ཨཡཾ སཱཏི ཨེཏྠ སཱསདྡོ པདཱལངྐཱརོཏི དསྶེཏི། ཨེཏྟཱཝཏཱཏི ཨེཏྟཀེན ‘‘ཐུལླཙྩཡ’’ནྟིཨཱདིཝཙནམཏྟེན། ཝིསྶཛྫིཏཾ ཧོཏཱིཏི སམྦནྡྷོ།
‘‘Ayaṃ chahī’’ti iminā ayaṃ sāti ettha sāsaddo padālaṅkāroti dasseti. Ettāvatāti ettakena ‘‘thullaccaya’’ntiādivacanamattena. Vissajjitaṃ hotīti sambandho.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / པརིཝཱརཔཱལི༹ • Parivārapāḷi / ༢. ཙཏུཝིཔཏྟིཾ • 2. Catuvipattiṃ
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / པརིཝཱར-ཨཊྛཀཐཱ • Parivāra-aṭṭhakathā / ཙཏུཝིཔཏྟིཝཎྞནཱ • Catuvipattivaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / ཙཏུཝིཔཏྟིཝཎྞནཱ • Catuvipattivaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / ཙཏུཝིཔཏྟིཝཎྞནཱ • Catuvipattivaṇṇanā
