| Library / Tipiṭaka / තිපිටක • Tipiṭaka / පාචිත්යාදියොජනාපාළි • Pācityādiyojanāpāḷi |
චතුවිපත්තිවණ්ණනා
Catuvipattivaṇṇanā
336. යං තං පුච්ඡිම්හාති එත්ථ නිග්ගහිතතො පරං අකාරලොපොති ආහ ‘‘යං තං අපුච්ඡිම්හා’’ති . තත්ථ යන්ති පඤ්හං. තන්ති තුවං. ‘‘ත්ව’’න්තිපි පාඨො, අයමෙවත්ථො. තං තදෙවාති තං තං එව පඤ්හං. අඤ්ඤථාති අඤ්ඤං ආකාරං.
336.Yaṃ taṃ pucchimhāti ettha niggahitato paraṃ akāralopoti āha ‘‘yaṃ taṃ apucchimhā’’ti . Tattha yanti pañhaṃ. Tanti tuvaṃ. ‘‘Tva’’ntipi pāṭho, ayamevattho. Taṃ tadevāti taṃ taṃ eva pañhaṃ. Aññathāti aññaṃ ākāraṃ.
යෙ දුට්ඨුල්ලා සා සීලවිපත්තීති එත්ථ නනු සීලවිපත්තිං පුච්ඡන්තො පඤ්හො නත්ථි, කස්මා පන ‘‘සා සීලවිපත්තී’’ති විස්සජ්ජනං වුත්තන්ති ආහ ‘‘කිඤ්චාපී’’තිආදි. එතන්ති ‘‘යෙ දුට්ඨුල්ලා සා සීලවිපත්තී’’ති වචනං. තමෙවත්ථං විත්ථාරෙන්තො ආහ ‘‘චතූසු හී’’තිආදි. වත්වාති සංඛෙපෙන වත්වා.
Ye duṭṭhullā sā sīlavipattīti ettha nanu sīlavipattiṃ pucchanto pañho natthi, kasmā pana ‘‘sā sīlavipattī’’ti vissajjanaṃ vuttanti āha ‘‘kiñcāpī’’tiādi. Etanti ‘‘ye duṭṭhullā sā sīlavipattī’’ti vacanaṃ. Tamevatthaṃ vitthārento āha ‘‘catūsu hī’’tiādi. Vatvāti saṃkhepena vatvā.
තිස්සන්නං විපත්තීනන්ති සීලවිපත්තිතො අවසෙසානං තිස්සන්නං විපත්තීනං. තත්ථාති ‘‘ථුල්ලච්චය’’න්තිආදිවචනෙ.
Tissannaṃ vipattīnanti sīlavipattito avasesānaṃ tissannaṃ vipattīnaṃ. Tatthāti ‘‘thullaccaya’’ntiādivacane.
‘‘අබ්භාචික්ඛන්තී’’ති පදස්ස කත්තාරං දස්සෙන්තො ආහ ‘‘වදන්තා’’ති. ‘‘තථාහ’’න්තිආදිනා වදනාකාරං දස්සෙති.
‘‘Abbhācikkhantī’’ti padassa kattāraṃ dassento āha ‘‘vadantā’’ti. ‘‘Tathāha’’ntiādinā vadanākāraṃ dasseti.
‘‘අයං ඡහී’’ති ඉමිනා අයං සාති එත්ථ සාසද්දො පදාලඞ්කාරොති දස්සෙති. එත්තාවතාති එත්තකෙන ‘‘ථුල්ලච්චය’’න්තිආදිවචනමත්තෙන. විස්සජ්ජිතං හොතීති සම්බන්ධො.
‘‘Ayaṃ chahī’’ti iminā ayaṃ sāti ettha sāsaddo padālaṅkāroti dasseti. Ettāvatāti ettakena ‘‘thullaccaya’’ntiādivacanamattena. Vissajjitaṃ hotīti sambandho.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / පරිවාරපාළි • Parivārapāḷi / 2. චතුවිපත්තිං • 2. Catuvipattiṃ
අට්ඨකථා • Aṭṭhakathā / විනයපිටක (අට්ඨකථා) • Vinayapiṭaka (aṭṭhakathā) / පරිවාර-අට්ඨකථා • Parivāra-aṭṭhakathā / චතුවිපත්තිවණ්ණනා • Catuvipattivaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්ථදීපනී-ටීකා • Sāratthadīpanī-ṭīkā / චතුවිපත්තිවණ්ණනා • Catuvipattivaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්ධි-ටීකා • Vajirabuddhi-ṭīkā / චතුවිපත්තිවණ්ණනා • Catuvipattivaṇṇanā
