| Library / Tipiṭaka / ತಿಪಿಟಕ • Tipiṭaka / ಪಾಚಿತ್ಯಾದಿಯೋಜನಾಪಾಳಿ • Pācityādiyojanāpāḷi |
ಚತುವಿಪತ್ತಿವಣ್ಣನಾ
Catuvipattivaṇṇanā
೩೩೬. ಯಂ ತಂ ಪುಚ್ಛಿಮ್ಹಾತಿ ಏತ್ಥ ನಿಗ್ಗಹಿತತೋ ಪರಂ ಅಕಾರಲೋಪೋತಿ ಆಹ ‘‘ಯಂ ತಂ ಅಪುಚ್ಛಿಮ್ಹಾ’’ತಿ । ತತ್ಥ ಯನ್ತಿ ಪಞ್ಹಂ। ತನ್ತಿ ತುವಂ। ‘‘ತ್ವ’’ನ್ತಿಪಿ ಪಾಠೋ, ಅಯಮೇವತ್ಥೋ। ತಂ ತದೇವಾತಿ ತಂ ತಂ ಏವ ಪಞ್ಹಂ। ಅಞ್ಞಥಾತಿ ಅಞ್ಞಂ ಆಕಾರಂ।
336.Yaṃ taṃ pucchimhāti ettha niggahitato paraṃ akāralopoti āha ‘‘yaṃ taṃ apucchimhā’’ti . Tattha yanti pañhaṃ. Tanti tuvaṃ. ‘‘Tva’’ntipi pāṭho, ayamevattho. Taṃ tadevāti taṃ taṃ eva pañhaṃ. Aññathāti aññaṃ ākāraṃ.
ಯೇ ದುಟ್ಠುಲ್ಲಾ ಸಾ ಸೀಲವಿಪತ್ತೀತಿ ಏತ್ಥ ನನು ಸೀಲವಿಪತ್ತಿಂ ಪುಚ್ಛನ್ತೋ ಪಞ್ಹೋ ನತ್ಥಿ, ಕಸ್ಮಾ ಪನ ‘‘ಸಾ ಸೀಲವಿಪತ್ತೀ’’ತಿ ವಿಸ್ಸಜ್ಜನಂ ವುತ್ತನ್ತಿ ಆಹ ‘‘ಕಿಞ್ಚಾಪೀ’’ತಿಆದಿ। ಏತನ್ತಿ ‘‘ಯೇ ದುಟ್ಠುಲ್ಲಾ ಸಾ ಸೀಲವಿಪತ್ತೀ’’ತಿ ವಚನಂ। ತಮೇವತ್ಥಂ ವಿತ್ಥಾರೇನ್ತೋ ಆಹ ‘‘ಚತೂಸು ಹೀ’’ತಿಆದಿ। ವತ್ವಾತಿ ಸಂಖೇಪೇನ ವತ್ವಾ।
Ye duṭṭhullā sā sīlavipattīti ettha nanu sīlavipattiṃ pucchanto pañho natthi, kasmā pana ‘‘sā sīlavipattī’’ti vissajjanaṃ vuttanti āha ‘‘kiñcāpī’’tiādi. Etanti ‘‘ye duṭṭhullā sā sīlavipattī’’ti vacanaṃ. Tamevatthaṃ vitthārento āha ‘‘catūsu hī’’tiādi. Vatvāti saṃkhepena vatvā.
ತಿಸ್ಸನ್ನಂ ವಿಪತ್ತೀನನ್ತಿ ಸೀಲವಿಪತ್ತಿತೋ ಅವಸೇಸಾನಂ ತಿಸ್ಸನ್ನಂ ವಿಪತ್ತೀನಂ। ತತ್ಥಾತಿ ‘‘ಥುಲ್ಲಚ್ಚಯ’’ನ್ತಿಆದಿವಚನೇ।
Tissannaṃ vipattīnanti sīlavipattito avasesānaṃ tissannaṃ vipattīnaṃ. Tatthāti ‘‘thullaccaya’’ntiādivacane.
‘‘ಅಬ್ಭಾಚಿಕ್ಖನ್ತೀ’’ತಿ ಪದಸ್ಸ ಕತ್ತಾರಂ ದಸ್ಸೇನ್ತೋ ಆಹ ‘‘ವದನ್ತಾ’’ತಿ। ‘‘ತಥಾಹ’’ನ್ತಿಆದಿನಾ ವದನಾಕಾರಂ ದಸ್ಸೇತಿ।
‘‘Abbhācikkhantī’’ti padassa kattāraṃ dassento āha ‘‘vadantā’’ti. ‘‘Tathāha’’ntiādinā vadanākāraṃ dasseti.
‘‘ಅಯಂ ಛಹೀ’’ತಿ ಇಮಿನಾ ಅಯಂ ಸಾತಿ ಏತ್ಥ ಸಾಸದ್ದೋ ಪದಾಲಙ್ಕಾರೋತಿ ದಸ್ಸೇತಿ। ಏತ್ತಾವತಾತಿ ಏತ್ತಕೇನ ‘‘ಥುಲ್ಲಚ್ಚಯ’’ನ್ತಿಆದಿವಚನಮತ್ತೇನ। ವಿಸ್ಸಜ್ಜಿತಂ ಹೋತೀತಿ ಸಮ್ಬನ್ಧೋ।
‘‘Ayaṃ chahī’’ti iminā ayaṃ sāti ettha sāsaddo padālaṅkāroti dasseti. Ettāvatāti ettakena ‘‘thullaccaya’’ntiādivacanamattena. Vissajjitaṃ hotīti sambandho.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಪರಿವಾರಪಾಳಿ • Parivārapāḷi / ೨. ಚತುವಿಪತ್ತಿಂ • 2. Catuvipattiṃ
ಅಟ್ಠಕಥಾ • Aṭṭhakathā / ವಿನಯಪಿಟಕ (ಅಟ್ಠಕಥಾ) • Vinayapiṭaka (aṭṭhakathā) / ಪರಿವಾರ-ಅಟ್ಠಕಥಾ • Parivāra-aṭṭhakathā / ಚತುವಿಪತ್ತಿವಣ್ಣನಾ • Catuvipattivaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಸಾರತ್ಥದೀಪನೀ-ಟೀಕಾ • Sāratthadīpanī-ṭīkā / ಚತುವಿಪತ್ತಿವಣ್ಣನಾ • Catuvipattivaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಜಿರಬುದ್ಧಿ-ಟೀಕಾ • Vajirabuddhi-ṭīkā / ಚತುವಿಪತ್ತಿವಣ್ಣನಾ • Catuvipattivaṇṇanā
