| Library / Tipiṭaka / तिपिटक • Tipiṭaka / पाचित्यादियोजनापाळि • Pācityādiyojanāpāḷi |
चतुविपत्तिवण्णना
Catuvipattivaṇṇanā
३३६. यं तं पुच्छिम्हाति एत्थ निग्गहिततो परं अकारलोपोति आह ‘‘यं तं अपुच्छिम्हा’’ति । तत्थ यन्ति पञ्हं। तन्ति तुवं। ‘‘त्व’’न्तिपि पाठो, अयमेवत्थो। तं तदेवाति तं तं एव पञ्हं। अञ्ञथाति अञ्ञं आकारं।
336.Yaṃ taṃ pucchimhāti ettha niggahitato paraṃ akāralopoti āha ‘‘yaṃ taṃ apucchimhā’’ti . Tattha yanti pañhaṃ. Tanti tuvaṃ. ‘‘Tva’’ntipi pāṭho, ayamevattho. Taṃ tadevāti taṃ taṃ eva pañhaṃ. Aññathāti aññaṃ ākāraṃ.
ये दुट्ठुल्ला सा सीलविपत्तीति एत्थ ननु सीलविपत्तिं पुच्छन्तो पञ्हो नत्थि, कस्मा पन ‘‘सा सीलविपत्ती’’ति विस्सज्जनं वुत्तन्ति आह ‘‘किञ्चापी’’तिआदि। एतन्ति ‘‘ये दुट्ठुल्ला सा सीलविपत्ती’’ति वचनं। तमेवत्थं वित्थारेन्तो आह ‘‘चतूसु ही’’तिआदि। वत्वाति संखेपेन वत्वा।
Ye duṭṭhullā sā sīlavipattīti ettha nanu sīlavipattiṃ pucchanto pañho natthi, kasmā pana ‘‘sā sīlavipattī’’ti vissajjanaṃ vuttanti āha ‘‘kiñcāpī’’tiādi. Etanti ‘‘ye duṭṭhullā sā sīlavipattī’’ti vacanaṃ. Tamevatthaṃ vitthārento āha ‘‘catūsu hī’’tiādi. Vatvāti saṃkhepena vatvā.
तिस्सन्नं विपत्तीनन्ति सीलविपत्तितो अवसेसानं तिस्सन्नं विपत्तीनं। तत्थाति ‘‘थुल्लच्चय’’न्तिआदिवचने।
Tissannaṃ vipattīnanti sīlavipattito avasesānaṃ tissannaṃ vipattīnaṃ. Tatthāti ‘‘thullaccaya’’ntiādivacane.
‘‘अब्भाचिक्खन्ती’’ति पदस्स कत्तारं दस्सेन्तो आह ‘‘वदन्ता’’ति। ‘‘तथाह’’न्तिआदिना वदनाकारं दस्सेति।
‘‘Abbhācikkhantī’’ti padassa kattāraṃ dassento āha ‘‘vadantā’’ti. ‘‘Tathāha’’ntiādinā vadanākāraṃ dasseti.
‘‘अयं छही’’ति इमिना अयं साति एत्थ सासद्दो पदालङ्कारोति दस्सेति। एत्तावताति एत्तकेन ‘‘थुल्लच्चय’’न्तिआदिवचनमत्तेन। विस्सज्जितं होतीति सम्बन्धो।
‘‘Ayaṃ chahī’’ti iminā ayaṃ sāti ettha sāsaddo padālaṅkāroti dasseti. Ettāvatāti ettakena ‘‘thullaccaya’’ntiādivacanamattena. Vissajjitaṃ hotīti sambandho.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / परिवारपाळि • Parivārapāḷi / २. चतुविपत्तिं • 2. Catuvipattiṃ
अट्ठकथा • Aṭṭhakathā / विनयपिटक (अट्ठकथा) • Vinayapiṭaka (aṭṭhakathā) / परिवार-अट्ठकथा • Parivāra-aṭṭhakathā / चतुविपत्तिवण्णना • Catuvipattivaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / सारत्थदीपनी-टीका • Sāratthadīpanī-ṭīkā / चतुविपत्तिवण्णना • Catuvipattivaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / वजिरबुद्धि-टीका • Vajirabuddhi-ṭīkā / चतुविपत्तिवण्णना • Catuvipattivaṇṇanā
