| Library / Tipiṭaka / ਤਿਪਿਟਕ • Tipiṭaka / વਿਨਯવਿਨਿਚ੍ਛਯ-ਟੀਕਾ • Vinayavinicchaya-ṭīkā |
ਚਤੁવਿਪਤ੍ਤਿਕਥਾવਣ੍ਣਨਾ
Catuvipattikathāvaṇṇanā
੨੭੩. ਇਦਾਨਿ ਉਭਯਸਾਧਾਰਣਂ ਕਤ੍વਾ વਿਪਤ੍ਤਿવਾਰਾਦੀਨਂ વਿਸਿਟ੍ਠવਾਰਾਨਂ ਸਙ੍ਗਹਂ ਕਾਤੁਮਾਹ ‘‘ਕਤਿ ਆਪਤ੍ਤਿਯੋ’’ਤਿਆਦਿ।
273. Idāni ubhayasādhāraṇaṃ katvā vipattivārādīnaṃ visiṭṭhavārānaṃ saṅgahaṃ kātumāha ‘‘kati āpattiyo’’tiādi.
੨੭੪. ਭਿਕ੍ਖੁਨੀ ਸਚੇ ਛਾਦੇਤਿ, ਚੁਤਾ ਹੋਤਿ। ਸਚੇ વੇਮਤਿਕਾ ਛਾਦੇਤਿ, ਥੁਲ੍ਲਚ੍ਚਯਂ ਸਿਯਾਤਿ ਯੋਜਨਾ।
274. Bhikkhunī sace chādeti, cutā hoti. Sace vematikā chādeti, thullaccayaṃ siyāti yojanā.
੨੭੫. ਸਙ੍ਘਾਦਿਸੇਸਨ੍ਤਿ ਪਰਸ੍ਸ ਸਙ੍ਘਾਦਿਸੇਸਂ।
275.Saṅghādisesanti parassa saṅghādisesaṃ.
੨੭੬. ‘‘ਕਤਿ ਆਚਾਰવਿਪਤ੍ਤਿਪਚ੍ਚਯਾ’’ਤਿ ਪਦਚ੍ਛੇਦੋ।
276. ‘‘Kati ācāravipattipaccayā’’ti padacchedo.
੨੭੭. ਆਚਾਰવਿਪਤ੍ਤਿਨ੍ਤਿ ਅਤ੍ਤਨੋ વਾ ਪਰਸ੍ਸ વਾ ਆਚਾਰવਿਪਤ੍ਤਿਂ।
277.Ācāravipattinti attano vā parassa vā ācāravipattiṃ.
੨੭੯. ਪਾਪਿਕਂ ਦਿਟ੍ਠਿਨ੍ਤਿ ਅਹੇਤੁਕਅਕਿਰਿਯਨਤ੍ਥਿਕਦਿਟ੍ਠਿਆਦਿਂ ਲਾਮਿਕਂ ਦਿਟ੍ਠਿਂ।
279.Pāpikaṃ diṭṭhinti ahetukaakiriyanatthikadiṭṭhiādiṃ lāmikaṃ diṭṭhiṃ.
੨੮੧. ਮਨੁਸ੍ਸੁਤ੍ਤਰਿਧਮ੍ਮਨ੍ਤਿ ਉਤ੍ਤਰਿਮਨੁਸ੍ਸਧਮ੍ਮਂ।
281.Manussuttaridhammanti uttarimanussadhammaṃ.
੨੮੨. ਆਜੀવਹੇਤੁ ਸਞ੍ਚਰਿਤ੍ਤਂ ਸਮਾਪਨ੍ਨੋਤਿ ਯੋਜਨਾ। ਪਰਿਯਾਯવਚਨੇਤਿ ‘‘ਯੋ ਤੇ વਿਹਾਰੇ વਸਤਿ, ਸੋ ਭਿਕ੍ਖੁ ਅਰਹਾ’’ਤਿਆਦਿਕੇ ਲੇਸવਚਨੇ। ਞਾਤੇਤਿ ਯਂ ਉਦ੍ਦਿਸ੍ਸ વਦਤਿ, ਤਸ੍ਮਿਂ ਮਨੁਸ੍ਸਜਾਤਿਕੇ વਚਨਸਮਨਨ੍ਤਰਮੇવ ਞਾਤੇ।
282. Ājīvahetu sañcarittaṃ samāpannoti yojanā. Pariyāyavacaneti ‘‘yo te vihāre vasati, so bhikkhu arahā’’tiādike lesavacane. Ñāteti yaṃ uddissa vadati, tasmiṃ manussajātike vacanasamanantarameva ñāte.
੨੮੩. વਤ੍વਾਤਿ ਅਗਿਲਾਨੋ ਅਤ੍ਤਨੋ ਅਤ੍ਥਾਯ વਿਞ੍ਞਾਪੇਤ੍વਾ। ਭਿਕ੍ਖੁਨੀ ਪਨ ਸਚੇ ਏવਂ ਹੋਤਿ, ਭਿਕ੍ਖੁਨੀ ਅਗਿਲਾਨਾ ਅਤ੍ਤਨੋ ਅਤ੍ਥਾਯ ਪਣੀਤਭੋਜਨਂ વਿਞ੍ਞਾਪੇਤ੍વਾ ਭੁਤ੍ਤਾવਿਨੀ ਸਚੇ ਹੋਤੀਤਿ ਅਧਿਪ੍ਪਾਯੋ। ਤਸ੍ਸਾ ਪਾਟਿਦੇਸਨੀਯਂ ਸਿਯਾਤਿ ਯੋਜਨਾ।
283.Vatvāti agilāno attano atthāya viññāpetvā. Bhikkhunī pana sace evaṃ hoti, bhikkhunī agilānā attano atthāya paṇītabhojanaṃ viññāpetvā bhuttāvinī sace hotīti adhippāyo. Tassā pāṭidesanīyaṃ siyāti yojanā.
੨੮੪. ‘‘ਅਤ੍ਤਨੋ ਅਤ੍ਥਾਯ વਿਞ੍ਞਾਪੇਤ੍વਾਨਾ’’ਤਿ ਇਮਿਨਾ ਪਰਸ੍ਸ ਞਾਤਕਪવਾਰਿਤੇ ਤਸ੍ਸੇવਤ੍ਥਾਯ વਿਞ੍ਞਾਪੇਤ੍વਾ ਤੇਨ ਦਿਨ੍ਨਂ વਾ ਤਸ੍ਸ વਿਸ੍ਸਾਸੇਨ વਾ ਪਰਿਭੁਞ੍ਜਨ੍ਤਸ੍ਸ ਤੇਸਂ ਅਤ੍ਤਨੋ ਅਞ੍ਞਾਤਕਅਪ੍ਪવਾਰਿਤੇ ਸੁਦ੍ਧਚਿਤ੍ਤਤਾਯ ਅਨਾਪਤ੍ਤੀਤਿ ਦੀਪੇਤਿ।
284.‘‘Attano atthāya viññāpetvānā’’ti iminā parassa ñātakapavārite tassevatthāya viññāpetvā tena dinnaṃ vā tassa vissāsena vā paribhuñjantassa tesaṃ attano aññātakaappavārite suddhacittatāya anāpattīti dīpeti.
ਇਤਿ ਉਤ੍ਤਰੇ ਲੀਨਤ੍ਥਪਕਾਸਨਿਯਾ
Iti uttare līnatthapakāsaniyā
ਚਤੁવਿਪਤ੍ਤਿਕਥਾવਣ੍ਣਨਾ ਨਿਟ੍ਠਿਤਾ।
Catuvipattikathāvaṇṇanā niṭṭhitā.
