| Library / Tipiṭaka / തിപിടക • Tipiṭaka / മഹാവഗ്ഗ-അട്ഠകഥാ • Mahāvagga-aṭṭhakathā |
ചതുവഗ്ഗകരണാദികഥാ
Catuvaggakaraṇādikathā
൩൮൮. ഇദാനി യദിദം ഛട്ഠം ധമ്മേന സമഗ്ഗകമ്മം നാമ, തം യേഹി സങ്ഘേഹി കാതബ്ബം, തേസം പഭേദം ദസ്സേതും ‘‘പഞ്ച സങ്ഘാ’’തിആദി വുത്തം. കമ്മപ്പത്തോതി കമ്മം പത്തോ, കമ്മയുത്തോ കമ്മാരഹോ; ന കിഞ്ചി കമ്മം കാതും നാരഹതീതി അത്ഥോ.
388. Idāni yadidaṃ chaṭṭhaṃ dhammena samaggakammaṃ nāma, taṃ yehi saṅghehi kātabbaṃ, tesaṃ pabhedaṃ dassetuṃ ‘‘pañca saṅghā’’tiādi vuttaṃ. Kammappattoti kammaṃ patto, kammayutto kammāraho; na kiñci kammaṃ kātuṃ nārahatīti attho.
൩൮൯. ചതുവഗ്ഗകരണഞ്ചേ ഭിക്ഖവേ കമ്മം ഭിക്ഖുനിചതുത്ഥോതിആദി പരിസതോ കമ്മവിപത്തിദസ്സനത്ഥം വുത്തം. തത്ഥ ഉക്ഖിത്തകഗ്ഗഹണേന കമ്മനാനാസംവാസകോ ഗഹിതോ, നാനാസംവാസകഗ്ഗഹണേന ലദ്ധിനാനാസംവാസകോ. നാനാസീമായ ഠിതചതുത്ഥോതി സീമന്തരികായ വാ ബഹിസീമായ വാ ഹത്ഥപാസേ ഠിതേനാപി സദ്ധിം ചതുവഗ്ഗോ ഹുത്വാതി അത്ഥോ.
389.Catuvaggakaraṇañce bhikkhave kammaṃ bhikkhunicatutthotiādi parisato kammavipattidassanatthaṃ vuttaṃ. Tattha ukkhittakaggahaṇena kammanānāsaṃvāsako gahito, nānāsaṃvāsakaggahaṇena laddhinānāsaṃvāsako. Nānāsīmāya ṭhitacatutthoti sīmantarikāya vā bahisīmāya vā hatthapāse ṭhitenāpi saddhiṃ catuvaggo hutvāti attho.
൩൯൩. പാരിവാസികചതുത്ഥോതിആദി പരിവാസാദികമ്മാനംയേവ പരിസതോ വിപത്തിദസ്സനത്ഥം വുത്തം, തേസം വിനിച്ഛയം പരതോ വണ്ണയിസ്സാമ.
393.Pārivāsikacatutthotiādi parivāsādikammānaṃyeva parisato vipattidassanatthaṃ vuttaṃ, tesaṃ vinicchayaṃ parato vaṇṇayissāma.
൩൯൪. ഏകച്ചസ്സ ഭിക്ഖവേ സങ്ഘമജ്ഝേ പടിക്കോസനാ രുഹതീതിആദി പടികുട്ഠകതകമ്മസ്സ കുപ്പാകുപ്പഭാവദസ്സനത്ഥം വുത്തം. പകതത്തസ്സാതി അവിപന്നസീലസ്സ പാരാജികം അനജ്ഝാപന്നസ്സ. ആനന്തരികസ്സാതി അത്തനോ അനന്തരം നിസിന്നസ്സ.
394.Ekaccassa bhikkhave saṅghamajjhe paṭikkosanā ruhatītiādi paṭikuṭṭhakatakammassa kuppākuppabhāvadassanatthaṃ vuttaṃ. Pakatattassāti avipannasīlassa pārājikaṃ anajjhāpannassa. Ānantarikassāti attano anantaraṃ nisinnassa.
Related texts:
തിപിടക (മൂല) • Tipiṭaka (Mūla) / വിനയപിടക • Vinayapiṭaka / മഹാവഗ്ഗപാളി • Mahāvaggapāḷi
൨൩൭. ചതുവഗ്ഗകരണാദികഥാ • 237. Catuvaggakaraṇādikathā
൨൩൮. പാരിവാസികാദികഥാ • 238. Pārivāsikādikathā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / സാരത്ഥദീപനീ-ടീകാ • Sāratthadīpanī-ṭīkā / ചതുവഗ്ഗകരണാദികഥാവണ്ണനാ • Catuvaggakaraṇādikathāvaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വിമതിവിനോദനീ-ടീകാ • Vimativinodanī-ṭīkā / കസ്സപഗോത്തഭിക്ഖുവത്ഥുകഥാദിവണ്ണനാ • Kassapagottabhikkhuvatthukathādivaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / പാചിത്യാദിയോജനാപാളി • Pācityādiyojanāpāḷi / ൨൩൭. ചതുവഗ്ഗകരണാദികഥാ • 237. Catuvaggakaraṇādikathā
