| Library / Tipiṭaka / ཏིཔིཊཀ • Tipiṭaka / མཧཱཝགྒ-ཨཊྛཀཐཱ • Mahāvagga-aṭṭhakathā |
ཙཏུཝགྒཀརཎཱདིཀཐཱ
Catuvaggakaraṇādikathā
༣༨༨. ཨིདཱནི ཡདིདཾ ཚཊྛཾ དྷམྨེན སམགྒཀམྨཾ ནཱམ, ཏཾ ཡེཧི སངྒྷེཧི ཀཱཏབྦཾ, ཏེསཾ པབྷེདཾ དསྶེཏུཾ ‘‘པཉྩ སངྒྷཱ’’ཏིཨཱདི ཝུཏྟཾ། ཀམྨཔྤཏྟོཏི ཀམྨཾ པཏྟོ, ཀམྨཡུཏྟོ ཀམྨཱརཧོ; ན ཀིཉྩི ཀམྨཾ ཀཱཏུཾ ནཱརཧཏཱིཏི ཨཏྠོ།
388. Idāni yadidaṃ chaṭṭhaṃ dhammena samaggakammaṃ nāma, taṃ yehi saṅghehi kātabbaṃ, tesaṃ pabhedaṃ dassetuṃ ‘‘pañca saṅghā’’tiādi vuttaṃ. Kammappattoti kammaṃ patto, kammayutto kammāraho; na kiñci kammaṃ kātuṃ nārahatīti attho.
༣༨༩. ཙཏུཝགྒཀརཎཉྩེ བྷིཀྑཝེ ཀམྨཾ བྷིཀྑུནིཙཏུཏྠོཏིཨཱདི པརིསཏོ ཀམྨཝིཔཏྟིདསྶནཏྠཾ ཝུཏྟཾ། ཏཏྠ ཨུཀྑིཏྟཀགྒཧཎེན ཀམྨནཱནཱསཾཝཱསཀོ གཧིཏོ, ནཱནཱསཾཝཱསཀགྒཧཎེན ལདྡྷིནཱནཱསཾཝཱསཀོ། ནཱནཱསཱིམཱཡ ཋིཏཙཏུཏྠོཏི སཱིམནྟརིཀཱཡ ཝཱ བཧིསཱིམཱཡ ཝཱ ཧཏྠཔཱསེ ཋིཏེནཱཔི སདྡྷིཾ ཙཏུཝགྒོ ཧུཏྭཱཏི ཨཏྠོ།
389.Catuvaggakaraṇañce bhikkhave kammaṃ bhikkhunicatutthotiādi parisato kammavipattidassanatthaṃ vuttaṃ. Tattha ukkhittakaggahaṇena kammanānāsaṃvāsako gahito, nānāsaṃvāsakaggahaṇena laddhinānāsaṃvāsako. Nānāsīmāya ṭhitacatutthoti sīmantarikāya vā bahisīmāya vā hatthapāse ṭhitenāpi saddhiṃ catuvaggo hutvāti attho.
༣༩༣. པཱརིཝཱསིཀཙཏུཏྠོཏིཨཱདི པརིཝཱསཱདིཀམྨཱནཾཡེཝ པརིསཏོ ཝིཔཏྟིདསྶནཏྠཾ ཝུཏྟཾ, ཏེསཾ ཝིནིཙྪཡཾ པརཏོ ཝཎྞཡིསྶཱམ།
393.Pārivāsikacatutthotiādi parivāsādikammānaṃyeva parisato vipattidassanatthaṃ vuttaṃ, tesaṃ vinicchayaṃ parato vaṇṇayissāma.
༣༩༤. ཨེཀཙྩསྶ བྷིཀྑཝེ སངྒྷམཛ྄ཛྷེ པཊིཀྐོསནཱ རུཧཏཱིཏིཨཱདི པཊིཀུཊྛཀཏཀམྨསྶ ཀུཔྤཱཀུཔྤབྷཱཝདསྶནཏྠཾ ཝུཏྟཾ། པཀཏཏྟསྶཱཏི ཨཝིཔནྣསཱིལསྶ པཱརཱཛིཀཾ ཨནཛ྄ཛྷཱཔནྣསྶ། ཨཱནནྟརིཀསྶཱཏི ཨཏྟནོ ཨནནྟརཾ ནིསིནྣསྶ།
394.Ekaccassa bhikkhave saṅghamajjhe paṭikkosanā ruhatītiādi paṭikuṭṭhakatakammassa kuppākuppabhāvadassanatthaṃ vuttaṃ. Pakatattassāti avipannasīlassa pārājikaṃ anajjhāpannassa. Ānantarikassāti attano anantaraṃ nisinnassa.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / མཧཱཝགྒཔཱལི༹ • Mahāvaggapāḷi
༢༣༧. ཙཏུཝགྒཀརཎཱདིཀཐཱ • 237. Catuvaggakaraṇādikathā
༢༣༨. པཱརིཝཱསིཀཱདིཀཐཱ • 238. Pārivāsikādikathā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / ཙཏུཝགྒཀརཎཱདིཀཐཱཝཎྞནཱ • Catuvaggakaraṇādikathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / ཀསྶཔགོཏྟབྷིཀྑུཝཏྠུཀཐཱདིཝཎྞནཱ • Kassapagottabhikkhuvatthukathādivaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༢༣༧. ཙཏུཝགྒཀརཎཱདིཀཐཱ • 237. Catuvaggakaraṇādikathā
