| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ • Aṅguttaranikāya |
೧೧. ಚತುತ್ಥವೋಹಾರಸುತ್ತಂ
11. Catutthavohārasuttaṃ
೨೫೩. ‘‘ಚತ್ತಾರೋಮೇ, ಭಿಕ್ಖವೇ, ಅರಿಯವೋಹಾರಾ। ಕತಮೇ ಚತ್ತಾರೋ? ದಿಟ್ಠೇ ದಿಟ್ಠವಾದಿತಾ, ಸುತೇ ಸುತವಾದಿತಾ, ಮುತೇ ಮುತವಾದಿತಾ, ವಿಞ್ಞಾತೇ ವಿಞ್ಞಾತವಾದಿತಾ – ಇಮೇ ಖೋ, ಭಿಕ್ಖವೇ, ಚತ್ತಾರೋ ಅರಿಯವೋಹಾರಾ’’ತಿ। ಏಕಾದಸಮಂ।
253. ‘‘Cattārome, bhikkhave, ariyavohārā. Katame cattāro? Diṭṭhe diṭṭhavāditā, sute sutavāditā, mute mutavāditā, viññāte viññātavāditā – ime kho, bhikkhave, cattāro ariyavohārā’’ti. Ekādasamaṃ.
ಆಪತ್ತಿಭಯವಗ್ಗೋ ಪಞ್ಚಮೋ।
Āpattibhayavaggo pañcamo.
ತಸ್ಸುದ್ದಾನಂ –
Tassuddānaṃ –
ಭೇದಆಪತ್ತಿ ಸಿಕ್ಖಾ ಚ, ಸೇಯ್ಯಾ ಥೂಪಾರಹೇನ ಚ।
Bhedaāpatti sikkhā ca, seyyā thūpārahena ca;
ಪಞ್ಞಾವುದ್ಧಿ ಬಹುಕಾರಾ, ವೋಹಾರಾ ಚತುರೋ ಠಿತಾತಿ॥
Paññāvuddhi bahukārā, vohārā caturo ṭhitāti.
ಪಞ್ಚಮಪಣ್ಣಾಸಕಂ ಸಮತ್ತಂ।
Pañcamapaṇṇāsakaṃ samattaṃ.
Related texts:
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) / ೮. ಪಠಮವೋಹಾರಸುತ್ತವಣ್ಣನಾ • 8. Paṭhamavohārasuttavaṇṇanā
