| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੬. ਚਤੁਤ੍ਥਉਪੋਸਥਸੁਤ੍ਤਂ
6. Catutthauposathasuttaṃ
੩੪੭. ਸਾવਤ੍ਥਿਨਿਦਾਨਂ। ਏਕਮਨ੍ਤਂ ਨਿਸਿਨ੍ਨੋ ਖੋ ਸੋ ਭਿਕ੍ਖੁ ਭਗવਨ੍ਤਂ ਏਤਦવੋਚ – ‘‘ਕੋ ਨੁ ਖੋ, ਭਨ੍ਤੇ, ਹੇਤੁ, ਕੋ ਪਚ੍ਚਯੋ, ਯੇਨ ਮਿਧੇਕਚ੍ਚੇ ਓਪਪਾਤਿਕਾ ਨਾਗਾ ਉਪੋਸਥਂ ਉਪવਸਨ੍ਤਿ વੋਸ੍ਸਟ੍ਠਕਾਯਾ ਚ ਭવਨ੍ਤੀ’’ਤਿ?
347. Sāvatthinidānaṃ. Ekamantaṃ nisinno kho so bhikkhu bhagavantaṃ etadavoca – ‘‘ko nu kho, bhante, hetu, ko paccayo, yena midhekacce opapātikā nāgā uposathaṃ upavasanti vossaṭṭhakāyā ca bhavantī’’ti?
‘‘ਇਧ, ਭਿਕ੍ਖੁ, ਏਕਚ੍ਚਾਨਂ ਓਪਪਾਤਿਕਾਨਂ ਨਾਗਾਨਂ ਏવਂ ਹੋਤਿ – ‘ਮਯਂ ਖੋ ਪੁਬ੍ਬੇ ਕਾਯੇਨ ਦ੍વਯਕਾਰਿਨੋ ਅਹੁਮ੍ਹ, વਾਚਾਯ ਦ੍વਯਕਾਰਿਨੋ, ਮਨਸਾ ਦ੍વਯਕਾਰਿਨੋ। ਤੇ ਮਯਂ ਕਾਯੇਨ ਦ੍વਯਕਾਰਿਨੋ, વਾਚਾਯ ਦ੍વਯਕਾਰਿਨੋ, ਮਨਸਾ ਦ੍વਯਕਾਰਿਨੋ, ਕਾਯਸ੍ਸ ਭੇਦਾ ਪਰਂ ਮਰਣਾ ਓਪਪਾਤਿਕਾਨਂ ਨਾਗਾਨਂ ਸਹਬ੍ਯਤਂ ਉਪਪਨ੍ਨਾ। ਸਚਜ੍ਜ ਮਯਂ ਕਾਯੇਨ ਸੁਚਰਿਤਂ ਚਰੇਯ੍ਯਾਮ , વਾਚਾਯ… ਮਨਸਾ ਸੁਚਰਿਤਂ ਚਰੇਯ੍ਯਾਮ, ਏવਂ ਮਯਂ ਕਾਯਸ੍ਸ ਭੇਦਾ ਪਰਂ ਮਰਣਾ ਸੁਗਤਿਂ ਸਗ੍ਗਂ ਲੋਕਂ ਉਪਪਜ੍ਜੇਯ੍ਯਾਮ। ਹਨ੍ਦ, ਮਯਂ ਏਤਰਹਿ ਕਾਯੇਨ ਸੁਚਰਿਤਂ ਚਰਾਮ, વਾਚਾਯ… ਮਨਸਾ ਸੁਚਰਿਤਂ ਚਰਾਮਾ’ਤਿ। ਅਯਂ ਖੋ, ਭਿਕ੍ਖੁ, ਹੇਤੁ, ਅਯਂ ਪਚ੍ਚਯੋ, ਯੇਨ ਮਿਧੇਕਚ੍ਚੇ ਓਪਪਾਤਿਕਾ ਨਾਗਾ ਉਪੋਸਥਂ ਉਪવਸਨ੍ਤਿ વੋਸ੍ਸਟ੍ਠਕਾਯਾ ਚ ਭવਨ੍ਤੀ’’ਤਿ। ਛਟ੍ਠਂ।
‘‘Idha, bhikkhu, ekaccānaṃ opapātikānaṃ nāgānaṃ evaṃ hoti – ‘mayaṃ kho pubbe kāyena dvayakārino ahumha, vācāya dvayakārino, manasā dvayakārino. Te mayaṃ kāyena dvayakārino, vācāya dvayakārino, manasā dvayakārino, kāyassa bhedā paraṃ maraṇā opapātikānaṃ nāgānaṃ sahabyataṃ upapannā. Sacajja mayaṃ kāyena sucaritaṃ careyyāma , vācāya… manasā sucaritaṃ careyyāma, evaṃ mayaṃ kāyassa bhedā paraṃ maraṇā sugatiṃ saggaṃ lokaṃ upapajjeyyāma. Handa, mayaṃ etarahi kāyena sucaritaṃ carāma, vācāya… manasā sucaritaṃ carāmā’ti. Ayaṃ kho, bhikkhu, hetu, ayaṃ paccayo, yena midhekacce opapātikā nāgā uposathaṃ upavasanti vossaṭṭhakāyā ca bhavantī’’ti. Chaṭṭhaṃ.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੨-੫੦. ਪਣੀਤਤਰਸੁਤ੍ਤਾਦਿવਣ੍ਣਨਾ • 2-50. Paṇītatarasuttādivaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੨-੫੦. ਪਣੀਤਤਰਸੁਤ੍ਤਾਦਿવਣ੍ਣਨਾ • 2-50. Paṇītatarasuttādivaṇṇanā
