| Library / Tipiṭaka / തിപിടക • Tipiṭaka / ഭിക്ഖുനീവിഭങ്ഗ-അട്ഠകഥാ • Bhikkhunīvibhaṅga-aṭṭhakathā |
൪. ചതുത്ഥസിക്ഖാപദവണ്ണനാ
4. Catutthasikkhāpadavaṇṇanā
൮൦൬. ചതുത്ഥേ – പുരാണരാജോരോധാതി പുരാണേ ഗിഹിഭാവേ രഞ്ഞോ ഓരോധാ. ചിരാചിരം ഗച്ഛതീതി ചിരേന ചിരേന ഗച്ഛതി. ധാരേഥാതി സക്കോഥ. കസ്സിദം കമ്മന്തി വുത്തേ അനാരോചിതേപി ഏതാ മയി ആസങ്കം കരിസ്സന്തീതി മഞ്ഞമാനാ ഏവമാഹ – ‘‘മയ്ഹിദം കമ്മ’’ന്തി.
806. Catutthe – purāṇarājorodhāti purāṇe gihibhāve rañño orodhā. Cirāciraṃ gacchatīti cirena cirena gacchati. Dhārethāti sakkotha. Kassidaṃ kammanti vutte anārocitepi etā mayi āsaṅkaṃ karissantīti maññamānā evamāha – ‘‘mayhidaṃ kamma’’nti.
൮൦൭. ജതുമട്ഠകേതി ജതുനാ കതേ മട്ഠദണ്ഡകേ. വത്ഥുവസേനേവേതം വുത്തം, യംകിഞ്ചി പന ദണ്ഡകം പവേസേന്തിയാ ആപത്തിയേവ. തേനാഹ – ‘‘അന്തമസോ ഉപ്പലപത്തമ്പി മുത്തകരണം പവേസേതീ’’തി. ഏതമ്പി ച അതിമഹന്തം, കേസരമത്തമ്പി പന പവേസേന്തിയാ ആപത്തി ഏവ. സേസം ഉത്താനമേവ. സമുട്ഠാനാദീനി തലഘാതകേ വുത്തസദിസാനേവാതി.
807.Jatumaṭṭhaketi jatunā kate maṭṭhadaṇḍake. Vatthuvasenevetaṃ vuttaṃ, yaṃkiñci pana daṇḍakaṃ pavesentiyā āpattiyeva. Tenāha – ‘‘antamaso uppalapattampi muttakaraṇaṃ pavesetī’’ti. Etampi ca atimahantaṃ, kesaramattampi pana pavesentiyā āpatti eva. Sesaṃ uttānameva. Samuṭṭhānādīni talaghātake vuttasadisānevāti.
ചതുത്ഥസിക്ഖാപദം.
Catutthasikkhāpadaṃ.
Related texts:
തിപിടക (മൂല) • Tipiṭaka (Mūla) / വിനയപിടക • Vinayapiṭaka / ഭിക്ഖുനീവിഭങ്ഗ • Bhikkhunīvibhaṅga / ൪. ചതുത്ഥസിക്ഖാപദം • 4. Catutthasikkhāpadaṃ
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വജിരബുദ്ധി-ടീകാ • Vajirabuddhi-ṭīkā / ൨. ദുതിയസിക്ഖാപദവണ്ണനാ • 2. Dutiyasikkhāpadavaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വിമതിവിനോദനീ-ടീകാ • Vimativinodanī-ṭīkā / ൧. പഠമലസുണാദിസിക്ഖാപദവണ്ണനാ • 1. Paṭhamalasuṇādisikkhāpadavaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / പാചിത്യാദിയോജനാപാളി • Pācityādiyojanāpāḷi / ൪. ചതുത്ഥസിക്ഖാപദം • 4. Catutthasikkhāpadaṃ
