| Library / Tipiṭaka / တိပိဋက • Tipiṭaka / ဘိက္ခုနီဝိဘင္ဂ-အဋ္ဌကထာ • Bhikkhunīvibhaṅga-aṭṭhakathā |
၄. စတုတ္ထသိက္ခာပဒဝဏ္ဏနာ
4. Catutthasikkhāpadavaṇṇanā
၉၉၂. စတုတ္ထေ – ယာဂုံ ဝာတိအာဒီသု တဏ္ဍုလကောဋ္ဋနံ အာဒိံ ကတ္ဝာ သဗ္ဗေသု ပုဗ္ဗပယောဂေသု ပယောဂဂဏနာယ ဒုက္ကဋံ။ ယာဂုဘတ္တေသု ဘာဇနဂဏနာယ, ခာဒနီယာဒီသု ရူပဂဏနာယ ပာစိတ္တိယာနိ။
992. Catutthe – yāguṃ vātiādīsu taṇḍulakoṭṭanaṃ ādiṃ katvā sabbesu pubbapayogesu payogagaṇanāya dukkaṭaṃ. Yāgubhattesu bhājanagaṇanāya, khādanīyādīsu rūpagaṇanāya pācittiyāni.
၉၉၃. ယာဂုပာနေတိ မနုသ္သေဟိ သင္ဃသ္သတ္ထာယ ကရိယမာနေ ယာဂုပာနေ ဝာ သင္ဃဘတ္တေ ဝာ တေသံ သဟာယိကဘာဝေန ယံကိဉ္စိ ပစန္တိယာ အနာပတ္တိ။ စေတိယပူဇာယ သဟာယိကာ ဟုတ္ဝာ ဂန္ဓာဒီနိ ပူဇေတိ, ဝဋ္ဋတိ။ အတ္တနော ဝေယ္ယာဝစ္စကရသ္သာတိ သစေပိ မာတာပိတရော အာဂစ္ဆန္တိ, ယံကိဉ္စိ ဗီဇနိံ ဝာ သမ္မုဉ္ဇနိဒဏ္ဍကံ ဝာ ကာရာပေတ္ဝာ ဝေယ္ယာဝစ္စကရဋ္ဌာနေ ဌပေတ္ဝာဝ ယံကိဉ္စိ ပစိတုံ ဝဋ္ဋတိ။ သေသံ ဥတ္တာနမေဝ။ သမုဋ္ဌာနာဒီနိ တတိယသဒိသာနေဝာတိ။
993.Yāgupāneti manussehi saṅghassatthāya kariyamāne yāgupāne vā saṅghabhatte vā tesaṃ sahāyikabhāvena yaṃkiñci pacantiyā anāpatti. Cetiyapūjāya sahāyikā hutvā gandhādīni pūjeti, vaṭṭati. Attano veyyāvaccakarassāti sacepi mātāpitaro āgacchanti, yaṃkiñci bījaniṃ vā sammuñjanidaṇḍakaṃ vā kārāpetvā veyyāvaccakaraṭṭhāne ṭhapetvāva yaṃkiñci pacituṃ vaṭṭati. Sesaṃ uttānameva. Samuṭṭhānādīni tatiyasadisānevāti.
စတုတ္ထသိက္ခာပဒံ။
Catutthasikkhāpadaṃ.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / ဘိက္ခုနီဝိဘင္ဂ • Bhikkhunīvibhaṅga / ၄. စတုတ္ထသိက္ခာပဒံ • 4. Catutthasikkhāpadaṃ
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / ၄. စတုတ္ထသိက္ခာပဒဝဏ္ဏနာ • 4. Catutthasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၄. စတုတ္ထသိက္ခာပဒံ • 4. Catutthasikkhāpadaṃ
