| Library / Tipiṭaka / તિપિટક • Tipiṭaka / ભિક્ખુનીવિભઙ્ગ-અટ્ઠકથા • Bhikkhunīvibhaṅga-aṭṭhakathā |
૪. ચતુત્થસિક્ખાપદવણ્ણના
4. Catutthasikkhāpadavaṇṇanā
૮૦૬. ચતુત્થે – પુરાણરાજોરોધાતિ પુરાણે ગિહિભાવે રઞ્ઞો ઓરોધા. ચિરાચિરં ગચ્છતીતિ ચિરેન ચિરેન ગચ્છતિ. ધારેથાતિ સક્કોથ. કસ્સિદં કમ્મન્તિ વુત્તે અનારોચિતેપિ એતા મયિ આસઙ્કં કરિસ્સન્તીતિ મઞ્ઞમાના એવમાહ – ‘‘મય્હિદં કમ્મ’’ન્તિ.
806. Catutthe – purāṇarājorodhāti purāṇe gihibhāve rañño orodhā. Cirāciraṃ gacchatīti cirena cirena gacchati. Dhārethāti sakkotha. Kassidaṃ kammanti vutte anārocitepi etā mayi āsaṅkaṃ karissantīti maññamānā evamāha – ‘‘mayhidaṃ kamma’’nti.
૮૦૭. જતુમટ્ઠકેતિ જતુના કતે મટ્ઠદણ્ડકે. વત્થુવસેનેવેતં વુત્તં, યંકિઞ્ચિ પન દણ્ડકં પવેસેન્તિયા આપત્તિયેવ. તેનાહ – ‘‘અન્તમસો ઉપ્પલપત્તમ્પિ મુત્તકરણં પવેસેતી’’તિ. એતમ્પિ ચ અતિમહન્તં, કેસરમત્તમ્પિ પન પવેસેન્તિયા આપત્તિ એવ. સેસં ઉત્તાનમેવ. સમુટ્ઠાનાદીનિ તલઘાતકે વુત્તસદિસાનેવાતિ.
807.Jatumaṭṭhaketi jatunā kate maṭṭhadaṇḍake. Vatthuvasenevetaṃ vuttaṃ, yaṃkiñci pana daṇḍakaṃ pavesentiyā āpattiyeva. Tenāha – ‘‘antamaso uppalapattampi muttakaraṇaṃ pavesetī’’ti. Etampi ca atimahantaṃ, kesaramattampi pana pavesentiyā āpatti eva. Sesaṃ uttānameva. Samuṭṭhānādīni talaghātake vuttasadisānevāti.
ચતુત્થસિક્ખાપદં.
Catutthasikkhāpadaṃ.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / ભિક્ખુનીવિભઙ્ગ • Bhikkhunīvibhaṅga / ૪. ચતુત્થસિક્ખાપદં • 4. Catutthasikkhāpadaṃ
ટીકા • Tīkā / વિનયપિટક (ટીકા) • Vinayapiṭaka (ṭīkā) / વજિરબુદ્ધિ-ટીકા • Vajirabuddhi-ṭīkā / ૨. દુતિયસિક્ખાપદવણ્ણના • 2. Dutiyasikkhāpadavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વિમતિવિનોદની-ટીકા • Vimativinodanī-ṭīkā / ૧. પઠમલસુણાદિસિક્ખાપદવણ્ણના • 1. Paṭhamalasuṇādisikkhāpadavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / પાચિત્યાદિયોજનાપાળિ • Pācityādiyojanāpāḷi / ૪. ચતુત્થસિક્ખાપદં • 4. Catutthasikkhāpadaṃ
