| Library / Tipiṭaka / തിപിടക • Tipiṭaka / പാചിത്യാദിയോജനാപാളി • Pācityādiyojanāpāḷi |
൪. ചതുത്ഥസിക്ഖാപദം
4. Catutthasikkhāpadaṃ
൮൫൦. ചതുത്ഥേ കണ്ണസ്സ സമീപം നികണ്ണം, തമേവ നികണ്ണികന്തി വുത്തേ കണ്ണമൂലന്തി ആഹ ‘‘കണ്ണമൂലം വുച്ചതീ’’തി. ‘‘കണ്ണമൂലേ’’തി ഇമിനാ ‘‘നികണ്ണിക’’ന്തി ഏത്ഥ ഭുമ്മത്ഥേ ഉപയോഗവചനന്തി ദസ്സേതി. ആഹരണത്ഥായാതി ആഹരാപനത്ഥായാതി. ചതുത്ഥം.
850. Catutthe kaṇṇassa samīpaṃ nikaṇṇaṃ, tameva nikaṇṇikanti vutte kaṇṇamūlanti āha ‘‘kaṇṇamūlaṃ vuccatī’’ti. ‘‘Kaṇṇamūle’’ti iminā ‘‘nikaṇṇika’’nti ettha bhummatthe upayogavacananti dasseti. Āharaṇatthāyāti āharāpanatthāyāti. Catutthaṃ.
൫. പഞ്ചമസിക്ഖാപദം
5. Pañcamasikkhāpadaṃ
൮൫൪. പഞ്ചമേ തേസന്തി ഘരസാമികാനം. ഘരമ്പീതി ന കേവലം ആസനമേവ, ഘരമ്പി സോധേമാതി അത്ഥോ. തതോതി പരിവിതക്കനതോ, പരന്തി സമ്ബന്ധോ.
854. Pañcame tesanti gharasāmikānaṃ. Gharampīti na kevalaṃ āsanameva, gharampi sodhemāti attho. Tatoti parivitakkanato, paranti sambandho.
൮൫൮. ചോരാ വാ ഉട്ഠിതാ ഹോന്തീതി യോജനാതി. പഞ്ചമം.
858. Corā vā uṭṭhitā hontīti yojanāti. Pañcamaṃ.
Related texts:
തിപിടക (മൂല) • Tipiṭaka (Mūla) / വിനയപിടക • Vinayapiṭaka / ഭിക്ഖുനീവിഭങ്ഗ • Bhikkhunīvibhaṅga
൪. ചതുത്ഥസിക്ഖാപദം • 4. Catutthasikkhāpadaṃ
൫. പഞ്ചമസിക്ഖാപദം • 5. Pañcamasikkhāpadaṃ
അട്ഠകഥാ • Aṭṭhakathā / വിനയപിടക (അട്ഠകഥാ) • Vinayapiṭaka (aṭṭhakathā) / ഭിക്ഖുനീവിഭങ്ഗ-അട്ഠകഥാ • Bhikkhunīvibhaṅga-aṭṭhakathā
൪. ചതുത്ഥസിക്ഖാപദവണ്ണനാ • 4. Catutthasikkhāpadavaṇṇanā
൫. പഞ്ചമസിക്ഖാപദവണ്ണനാ • 5. Pañcamasikkhāpadavaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വിമതിവിനോദനീ-ടീകാ • Vimativinodanī-ṭīkā / ൧. പഠമാദിസിക്ഖാപദവണ്ണനാ • 1. Paṭhamādisikkhāpadavaṇṇanā
