| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༡༠. ཙཏུཏྠརུཀྑསུཏྟཾ
10. Catuttharukkhasuttaṃ
༥༤༠. ‘‘སེཡྻཐཱཔི, བྷིཀྑཝེ, ཡེ ཀེཙི སུཔཎྞཱནཾ རུཀྑཱ, ཀཱུཊསིམྦལཱི 1 ཏེསཾ ཨགྒམཀྑཱཡཏི; ཨེཝམེཝ ཁོ, བྷིཀྑཝེ, ཡེ ཀེཙི བོདྷིཔཀྑིཡཱ དྷམྨཱ, པཉྙིནྡྲིཡཾ ཏེསཾ ཨགྒམཀྑཱཡཏི, ཡདིདཾ – བོདྷཱཡ། ཀཏམེ ཙ, བྷིཀྑཝེ, བོདྷིཔཀྑིཡཱ དྷམྨཱ? སདྡྷིནྡྲིཡཾ, བྷིཀྑཝེ, བོདྷིཔཀྑིཡོ དྷམྨོ, ཏཾ བོདྷཱཡ སཾཝཏྟཏི…པེ॰… པཉྙིནྡྲིཡཾ བོདྷིཔཀྑིཡོ དྷམྨོ, ཏཾ བོདྷཱཡ སཾཝཏྟཏི། སེཡྻཐཱཔི, བྷིཀྑཝེ, ཡེ ཀེཙི སུཔཎྞཱནཾ རུཀྑཱ, ཀཱུཊསིམྦལཱི ཏེསཾ ཨགྒམཀྑཱཡཏི; ཨེཝམེཝ ཁོ, བྷིཀྑཝེ, ཡེ ཀེཙི བོདྷིཔཀྑིཡཱ དྷམྨཱ, པཉྙིནྡྲིཡཾ ཏེསཾ ཨགྒམཀྑཱཡཏི, ཡདིདཾ – བོདྷཱཡཱ’’ཏི། དསམཾ།
540. ‘‘Seyyathāpi, bhikkhave, ye keci supaṇṇānaṃ rukkhā, kūṭasimbalī 2 tesaṃ aggamakkhāyati; evameva kho, bhikkhave, ye keci bodhipakkhiyā dhammā, paññindriyaṃ tesaṃ aggamakkhāyati, yadidaṃ – bodhāya. Katame ca, bhikkhave, bodhipakkhiyā dhammā? Saddhindriyaṃ, bhikkhave, bodhipakkhiyo dhammo, taṃ bodhāya saṃvattati…pe… paññindriyaṃ bodhipakkhiyo dhammo, taṃ bodhāya saṃvattati. Seyyathāpi, bhikkhave, ye keci supaṇṇānaṃ rukkhā, kūṭasimbalī tesaṃ aggamakkhāyati; evameva kho, bhikkhave, ye keci bodhipakkhiyā dhammā, paññindriyaṃ tesaṃ aggamakkhāyati, yadidaṃ – bodhāyā’’ti. Dasamaṃ.
བོདྷིཔཀྑིཡཝགྒོ སཏྟམོ།
Bodhipakkhiyavaggo sattamo.
ཏསྶུདྡཱནཾ –
Tassuddānaṃ –
སཾཡོཛནཱ ཨནུསཡཱ, པརིཉྙཱ ཨཱསཝཀྑཡཱ།
Saṃyojanā anusayā, pariññā āsavakkhayā;
དྭེ ཕལཱ ཙཏུརོ རུཀྑཱ, ཝགྒོ ཏེན པཝུཙྩཏཱིཏི༎
Dve phalā caturo rukkhā, vaggo tena pavuccatīti.
Footnotes:
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༧. བོདྷིཔཀྑིཡཝགྒོ • 7. Bodhipakkhiyavaggo
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༧. བོདྷིཔཀྑིཡཝགྒཝཎྞནཱ • 7. Bodhipakkhiyavaggavaṇṇanā
