| Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၁၀. စတုတ္ထရုက္ခသုတ္တံ
10. Catuttharukkhasuttaṃ
၅၄၀. ‘‘သေယ္ယထာပိ, ဘိက္ခဝေ, ယေ ကေစိ သုပဏ္ဏာနံ ရုက္ခာ, ကူဋသိမ္ဗလီ 1 တေသံ အဂ္ဂမက္ခာယတိ; ဧဝမေဝ ခော, ဘိက္ခဝေ, ယေ ကေစိ ဗောဓိပက္ခိယာ ဓမ္မာ, ပညိန္ဒ္ရိယံ တေသံ အဂ္ဂမက္ခာယတိ, ယဒိဒံ – ဗောဓာယ။ ကတမေ စ, ဘိက္ခဝေ, ဗောဓိပက္ခိယာ ဓမ္မာ? သဒ္ဓိန္ဒ္ရိယံ, ဘိက္ခဝေ, ဗောဓိပက္ခိယော ဓမ္မော, တံ ဗောဓာယ သံဝတ္တတိ။ပေ.။ ပညိန္ဒ္ရိယံ ဗောဓိပက္ခိယော ဓမ္မော, တံ ဗောဓာယ သံဝတ္တတိ။ သေယ္ယထာပိ, ဘိက္ခဝေ, ယေ ကေစိ သုပဏ္ဏာနံ ရုက္ခာ, ကူဋသိမ္ဗလီ တေသံ အဂ္ဂမက္ခာယတိ; ဧဝမေဝ ခော, ဘိက္ခဝေ, ယေ ကေစိ ဗောဓိပက္ခိယာ ဓမ္မာ, ပညိန္ဒ္ရိယံ တေသံ အဂ္ဂမက္ခာယတိ, ယဒိဒံ – ဗောဓာယာ’’တိ။ ဒသမံ။
540. ‘‘Seyyathāpi, bhikkhave, ye keci supaṇṇānaṃ rukkhā, kūṭasimbalī 2 tesaṃ aggamakkhāyati; evameva kho, bhikkhave, ye keci bodhipakkhiyā dhammā, paññindriyaṃ tesaṃ aggamakkhāyati, yadidaṃ – bodhāya. Katame ca, bhikkhave, bodhipakkhiyā dhammā? Saddhindriyaṃ, bhikkhave, bodhipakkhiyo dhammo, taṃ bodhāya saṃvattati…pe… paññindriyaṃ bodhipakkhiyo dhammo, taṃ bodhāya saṃvattati. Seyyathāpi, bhikkhave, ye keci supaṇṇānaṃ rukkhā, kūṭasimbalī tesaṃ aggamakkhāyati; evameva kho, bhikkhave, ye keci bodhipakkhiyā dhammā, paññindriyaṃ tesaṃ aggamakkhāyati, yadidaṃ – bodhāyā’’ti. Dasamaṃ.
ဗောဓိပက္ခိယဝဂ္ဂော သတ္တမော။
Bodhipakkhiyavaggo sattamo.
တသ္သုဒ္ဒာနံ –
Tassuddānaṃ –
သံယောဇနာ အနုသယာ၊ ပရိညာ အာသဝက္ခယာ။
Saṃyojanā anusayā, pariññā āsavakkhayā;
ဒ္ဝေ ဖလာ စတုရော ရုက္ခာ၊ ဝဂ္ဂော တေန ပဝုစ္စတီတိ။
Dve phalā caturo rukkhā, vaggo tena pavuccatīti.
Footnotes:
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၇. ဗောဓိပက္ခိယဝဂ္ဂော • 7. Bodhipakkhiyavaggo
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၇. ဗောဓိပက္ခိယဝဂ္ဂဝဏ္ဏနာ • 7. Bodhipakkhiyavaggavaṇṇanā
