| Library / Tipiṭaka / తిపిటక • Tipiṭaka / సంయుత్తనికాయ • Saṃyuttanikāya |
౧౦. చతుత్థరుక్ఖసుత్తం
10. Catuttharukkhasuttaṃ
౫౪౦. ‘‘సేయ్యథాపి, భిక్ఖవే, యే కేచి సుపణ్ణానం రుక్ఖా, కూటసిమ్బలీ 1 తేసం అగ్గమక్ఖాయతి; ఏవమేవ ఖో, భిక్ఖవే, యే కేచి బోధిపక్ఖియా ధమ్మా, పఞ్ఞిన్ద్రియం తేసం అగ్గమక్ఖాయతి, యదిదం – బోధాయ. కతమే చ, భిక్ఖవే, బోధిపక్ఖియా ధమ్మా? సద్ధిన్ద్రియం, భిక్ఖవే, బోధిపక్ఖియో ధమ్మో, తం బోధాయ సంవత్తతి…పే॰… పఞ్ఞిన్ద్రియం బోధిపక్ఖియో ధమ్మో, తం బోధాయ సంవత్తతి. సేయ్యథాపి, భిక్ఖవే, యే కేచి సుపణ్ణానం రుక్ఖా, కూటసిమ్బలీ తేసం అగ్గమక్ఖాయతి; ఏవమేవ ఖో, భిక్ఖవే, యే కేచి బోధిపక్ఖియా ధమ్మా, పఞ్ఞిన్ద్రియం తేసం అగ్గమక్ఖాయతి, యదిదం – బోధాయా’’తి. దసమం.
540. ‘‘Seyyathāpi, bhikkhave, ye keci supaṇṇānaṃ rukkhā, kūṭasimbalī 2 tesaṃ aggamakkhāyati; evameva kho, bhikkhave, ye keci bodhipakkhiyā dhammā, paññindriyaṃ tesaṃ aggamakkhāyati, yadidaṃ – bodhāya. Katame ca, bhikkhave, bodhipakkhiyā dhammā? Saddhindriyaṃ, bhikkhave, bodhipakkhiyo dhammo, taṃ bodhāya saṃvattati…pe… paññindriyaṃ bodhipakkhiyo dhammo, taṃ bodhāya saṃvattati. Seyyathāpi, bhikkhave, ye keci supaṇṇānaṃ rukkhā, kūṭasimbalī tesaṃ aggamakkhāyati; evameva kho, bhikkhave, ye keci bodhipakkhiyā dhammā, paññindriyaṃ tesaṃ aggamakkhāyati, yadidaṃ – bodhāyā’’ti. Dasamaṃ.
బోధిపక్ఖియవగ్గో సత్తమో.
Bodhipakkhiyavaggo sattamo.
తస్సుద్దానం –
Tassuddānaṃ –
సంయోజనా అనుసయా, పరిఞ్ఞా ఆసవక్ఖయా;
Saṃyojanā anusayā, pariññā āsavakkhayā;
ద్వే ఫలా చతురో రుక్ఖా, వగ్గో తేన పవుచ్చతీతి.
Dve phalā caturo rukkhā, vaggo tena pavuccatīti.
Footnotes:
Related texts:
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / సంయుత్తనికాయ (అట్ఠకథా) • Saṃyuttanikāya (aṭṭhakathā) / ౭. బోధిపక్ఖియవగ్గో • 7. Bodhipakkhiyavaggo
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౭. బోధిపక్ఖియవగ్గవణ్ణనా • 7. Bodhipakkhiyavaggavaṇṇanā
